VIII LETTRES DE HENRI IV

publier en entier la lettre l'-crite un Hoi. à ce propos, le l^ juillet ', par M. de la Rochepot :

Sire,

La lettre qu'il a pieu à Vostre Majesté m'escrire du dernier juing m'a esté rendue par mon secrétaire, le xvu^ du présent, et comme je m'estois proposé, dès le lendemain au matin, de faire demander audiance au roy d'Espagne, tant pour luy présenter les lettres de Vostre dicte Majesté, ainsy qu'elle me le commande, que pour luy faire entendre les intentions de Vostre dicte Majesté, sur les autres poinctz contenuz en la dicte depesche, je me suis trouvé, ce mesme jour-là, empesché à des affaires bien différentes de ce que je pensois, ainsy que Vostre dicte Majesté le pourra veoir, s'il luy plaist, parle discours de ceste-cy, m'asseurant que, considéré lestât et bons termes ausquelz chascun estimoient que les affaires s'estoient conduictes, Vostre dicte Majesté trouvera fort estrange le soubdain changement qu'elles semblent avoir pris ; car, au lieu d'envoyer demander audience, le mercredy xvm' du présent, comme j'avois résolu, je trouvay ma maison, dès les trois heures du matin, forcée par plus de quatre cens Espagnolz, la pluspart armés de rondaches et cottes de mailles, hallebardes, espées, y entrans les ungs parla principalle porte, qu'ilz enfoncèrent, premier que j'eusse le loisir de faire esveiller mes gens, les autres par-dessus les murailles de derrière du logis et les autres par la porte de l'escurye, où d'abordée ilz battirent et oultragerent fort mon cocher, qui se trouva le premier à leur rencontre; puis, s'estans renduz les maistres de ceste sorte, commancerent à entrer par toutes les chambres, rompans les portes de celles où il n'y avoit personne pour leur ouvrir et voilant tout ce qu'Uz trouvèrent, comme sy s'eust esté un pillage et sacagement public. Après ceste première impétuosité et sans que j'eusse le temps pour m'abiller, montèrent en ma chambre trois alcades de la court, avec leurs varres à la main, qui sont leurs marques de justice, suivis de plus de deux cens