Minute. — Fol

AU COMTE DE LA HOCHEPOT. ix

hommes armez, me disans les dictz alcades qu'ilz estoient venuz de ceste sorte, parle commandement du dict roy d'Espagne, pour emmener prisonniers quelques-ungs de mes gens, qu'ilz disoient s'estre trouvez à un meurtre, quis'estoitfaictla nuict précédente. Or, tout ainsy que je ne me doubtois poinct de leur venue, aussy puis-je asseurer Vostre dicte Majesté en toute vérité, que je n'avois ouy aulcune chose de la querelle et meurtre dont ilz me parloient, de sorte que je leur respondis que je ne sçavois pas que c'estoit, mais que je n'avois poinct acoustumé de recevoir les commandemens du dict roy d'Espagne par telle forme, ny par telz messagers, ne croyant pas que Sa dicte Majesté leur eust commandé de violer ce qui estoit des pri\dlleges deubz aux ministres et à la dignité de Vostre dicte Majesté, et que, s'il eust pieu à Sa Majesté me le faii'e sçavoir par le moindre des siens, sans y apporter les armes, comme ilz avoient faict, je n'eusse failly, comme encores j'estois prest de faire, sy Sa dicte Majesté l'avoit agréable, de luy mener moy-mesme non-seullement ceulx qu'ilz demandoient, mais tous ceulx de ma famille, pour les faire recogTioistre et puis en faire ce que Sa dicte Majesté en ordonneroit; mais, plustost que l'on menast mes gens de ceste sorte, je m'en irois le premier en la prison avecques eulx, s'y ce n'estoit qu'ilz usassent, contre tout droit divin et humain, de la force et des armes qu'ilz avoient en la main.

Ilz s'arresterent à ceste première responce et, après plusieurs disputes, toutesfois envoyèrent un d'entre eulx vers Sa dicte Majesté et conseil real, pour sçavoir ce qu'ilz avoient à faire. J'envoyay pareillement et en mesme temps le sieur Chastellain vers le duc de Lerme et marquis de Vellade, pour les supplier d'advertir Sa dicte Majesté de ces desordres et les faire cesser. Le dict sieur Chastellain demeura plus de cinq heures, sans pouvoir estre ouy, bien qu'en sa présence le dict alcade entrast chez le dict duc de Lerme, où il eust audience sur le mesme subject, pendant le temps qui se passa entre deux demeurant ma maison plaine de gens, dont le nombre croissoit par momens, et la porte d'icelle tousjours gardée par dix-huict ou vingt alguasils, qui ne laissoient sortir aulcuns des miens. Je continuois tousjours de me plaindre de ceste violente façon de procedder