J8 LETTRES DE HEMU IV

uuont U)Ui?joiirs à se bien deffendre. Je n'ny point sceu aussi, que Ton ait encores commencé à battre Ostende qu'en ruine ; le collonnel Wer, qui commande aux Angloix qui sont au service des Estatz des provinces unies des Pais-Bas, ayant entrepris de se jetter dedans la place, pour la defîendre, chose qui lui sera facille de faire par la mer, les dictz Angioix estans maistres d'icelle e1 de l'entrée du port de la dicte ville, comme ilz sont encores. Cependant, l'on ne discontinue la négociation de la paix d'Angleterre avec le roy d'Espagne et les dictz Archiducz, leurs depputez estans prestz à se rassembler pour cest effet, mais, s'il est vray que le dict roy d'Espagne envoyé des gens en Irlande et que la dicte dame en envoyé aussi en Hollande, ilz traicteront les armes en la main. Quant aux armées par terre et par mer, que l'on dict que le Turc doibt faire sortir ceste année, j'ay opinion que le bruict en sera plus grand que l'efTect, car j'ay apris, par les dernières que j'ay receues de Constantinople, que le Cigalle, qui est le gênerai de la mer, ne debvoit sortir qu'avec cinquante gallaires et que l'armée d'Hongrie ne seroit plus forte, ceste année que l'autre. Toutesfois, j'entendz que l'Empereur ne perdra l'occasion de faire la paix, s'il la peult trouver, d'autant qu'il n'est contant du secours que le Pape et le dict roy d'Espagne envoyent à l'archiduc Ferdinand, sans le renforcer d'hommes ny d'argent en Hongrie. Je prie Dieu, Monsieur de la Hochepot, qu'il vous ayt en sa saincte et digne garde. Escript à à Saint-Germain-en-Laye, le xv" jour de juillet 1601.

HENRY

DE NKIK VILLE.

Orig. — Bibl. nat., Ms. fr. 16137, fol. 17.

A MONSIEUR DE LA ROCHEPOT, CHEVALIER DE IVIES OR- DRES, GOUVERNEUR ET MON LIEUTENANT GENERAL EN ANJOU ET MON AMBASSADEUR EN ESPAIGNE.

Monsieur de la Rochepot, Ce courrier est arrivé icy, le premier de ce mois, avec voz deux lettres du xxii'^ du passé et les informations et déclarations dont vous les avez accompagnées. J'ay aussi receu la lettre du roy d'Espagne du inj« de juillet et la copie de celle qu'il a escripte à l'adelantado. Quatre jours de- A-ant, l'ambassadeur du dict Roy estoit venu trouver le sieur de Villeroy, auquel il avoit dict quelque chose de ce qui vous estoit advenu et à voz gens, le xyii"^ et xviii'' du dict mois de juillet, toutesfois en termes généraux et retenuz, se reservant de m'en dire les particularitez, si je l'envoyois quérir et luy commandois, déclarant n'avoir charge de son Roy de m'en parler, devant que j'en eusse esté informé par vous, partant qu'il me prioit seullement, qu'ayant sceu le faict par vous je fusse contant luy reserver une oreille, pour entendre ce qu'il m'en diroit, devant que d'en faire aultre jugement. Le dict advis me meist en peine ; neantmoins je pris resolution de ne voir le dict ambassadeur, ny renvoyer devers luy, que je n'eusse receu vostre depesche. Ayant esté informé par icelle de ce qui s'est passé, ma peine et mon desplaisir en sont grandement augmentez, car il fault que l'excez dont on accuse voz gens ayt esté grand et extraordinaire, pour avoir meu le dict roy d'Espagne et ceux de son conseil de procéder contre vous et les vostres, comme vous m'avez escript qu'ilz ont faict : toutesfois, quand il auroit esté encores plus énorme qu'ilz ne le dépeignent, il me semble que le dict roy d'Es-