Rcruc le lo aoiit

BJBUOTHEO^

JOO LETTHES DE II E Mil IV

pagne ne debvoit permoctre la violence que vous mavez représentée, par rostre dicte lettre, avoir esté faicte par les alcades qu'ilz y ont employez, et que Ton pouvoit s'y conduire avec plus de modération et respect; la justice n'eust laissé d'avoir son cours et estre faicte comme il apartient ; car. tant s'en fault que je voulusse favoriser mes ser\-iteurs, au préjudice d'icelle, que je feray tousjours le contraire très volontiers, en choses qui importeront à l'autorité du dict roy d'Espagne et aux aultres crimes que feront mes subjectz en ses pais, contre les loix d'iceux, tout ainsi que je vouldrois qu'il feist en mon endroict, en semblables accidens ; moins encores debvons-nous excuser et pardonner les faultes que commectent les ambassadeurs des princes et leurs domestiques que les aultres, pour ce que leur estant deub plus dhonneur et de respect que aux particuliers, à cause qu'ilz représentent la personne de leurs princes, ilz doibvent aussi esl,re d'autant plus circonspectz, mieux disciplinez et retenuz, aftin de n'abuser de la dignité qu'ilz soubstiennent, joinct quêteurs faultes deviennent publicques, ores qu'elles soyent commises par des particuliers, au desceu et contre le vouloir mesme do leurs maistres, de quoy il est arrivé plusieurs inconveniens, qui ont esté souvent reparez très chèrement. J'ay bonne souvenance des advis, que vous mavez quelquefois donnez, des excez et attentatz que Ton commetoit contre vous et les vostres, estantàMadril, au commencement que vousyarrivastes,etdu peu de compte que vous nous avez mandé que Ton avoitfaict de vous en faire réparation et justice; de quoy je feiz faire plaincte dez lors au dict ambassadeur, lequel promist d'en escrire, et comme depuis vous ne m'en avez rien mandé, j'ay creu que vous en aviez esté satisfaict et que telles façons de faire avoyent pris fin, avec la guerre de Savoie ; mais ces derniers attentatz en ont bien renouvelle et augmenté la playe, ayant veu et considéré ce que vous m'en avez escript et ce qui est porté par l'information que vous en avez faicte et les trois dépositions, que j'ay trouvées avec la dicte information. J'ay voulu faire lire au dict ambassadeur vosire lettre, qui concerne cefaict : le dict de Villeroyle fusl trouver hier. i)our cost efTect, avec charge seullement de luy dire que, estant les choses passées comme vous les me représentiez, il

pouvoit juger quelle occasion j'avois de m'en sentir offencé ; qu'il debA'oit croire que j'avois assez de courage pour n'endurer une injure ny, grâces à Dieu, faulte de moyen pour m'en vanger, quand je le voudrois faire. Le dict ambassadeur dict au dict de Villeroy, qu'il n'avoit receu qu'une depesclie qui feist mention du dict faict, escripte le xix= de juillet, et qu'il ne luy estoit encores arrivé qu'ung courrier, qui estoil celuy qui la luy avoit aportée, mais que la dicte depesclie ne s'accordoit avec la vostre. Il la leust sur le champ au dict de Villeroy. Elle accuse voz domesticques d'avoir chargé, blessé et tué des gens, qui n'avoyent eu aucune dispute et querelle avec eux, qui ne leur demandoyent rien et qui n'avoyent aucunes armes. Il est bien vray, dict-il, que vos dictz domesticques avoyent eu quelques parolles, huict jours devant, avec certains habitans de la ville, comme les uns et les aultres sortoyent de la rivière, où ilz s'estoyent baignez, mais que telle dispute avoit esté accordée sur le champ par les voisins et qu'il ne s'en estoit parlé depuis; qu'enfin ceux qui avoyent esté chargez et tuez par les vostres n'avoyent eu part en la dicte dispute, et que c'estoyent personnes qui passoyent chemin et ne pensoyent à rien moins que à ce qui leur estoit advenu; que voz gens, ayant vostre nepveu à la teste portant l'espée haulte, estoyentsortiz de A'ostre maison, le xvn° estant nuict, en nombre de vingt ou vingt-cinq; que, s'estant renduz en la rue et sur la rivière, ilz s'estoyent séparez en trois ou quatre troupes et après rassemblez à un coup de sifflet et en mesme temps s'estoyent ruez sur ceux qu'ilz avoyent rencontrez et peu atraper, lesquelz ilz avoient massacrez inhumainement ; que vous aviez depuis retiré en vostre maison les meurtriers et que le roy d'Espagne vous ayant envoyé les officiers de sa justice, pour les vous demander et s'en saisir, sur les plainctes que les habitans de la ville luy en avoient faictes et l'esmotion qu'ilz estoient prest de faire pour ce regard, au lieu de Uvrer les coulpables et faire ouvrir les portes de vostre maison, comme la raison vouloit que vous feissiez, les dictz officiers avoyent esté contrainctz d'y entrer parles escuries et faire quelque effort, pour rendre la justice obeye; que sur cela les dictz coulpables avoyent esté arrestez et vostre dict nepveu mené en carosse en la maison et gardé-d'ung

102 LETTRES DE HE. Mil IV

officier de la court, et que Ton leur feroit telle et si bonne justice, que vous n'auriez occasion de vous en plaindre, ny moy aussi, et qu'il luy seroit bientost depeschû ung autre courier, par lequel on ladvertiroit de ce qui s'en ensuivroit, pour m'en informer, adjoustant avoir esté assassiné ou blessé à mort sept ou huict personnes et entre autres un prebstre, qui estoit innocent de toutes les disputes susdictes. Il fust respondu au dict ambassadeur, par le dict sieur de Villeroy, que ce récit ne s'accordoit avec vostre lettre, par laquelle vous mandiez que voz gens avoyent esté assailliz par gens armez et qu'il n'en avoit esté tué que deux et un blessé, qui n'en mouroit pas; que vous n'avez rien sceu du faict, que lorsque vostre maison fust surprise, escalée et forcée par leurs alcades et volée par ceux qui estoient à leur suicte ; qu'il n'entendoit justifier ny vérifier à présent le debt, duquel il sçavoit que je voulois qu'il fust faict bonne et exemplaire justice, et que en cela je ne pretendois soubstenir ny favoriser voz gens ny aultres, au préjudice de la dicte justice, mais que j'avois grande et juste cause d'estre indigné de la procédure; qu'il estoit vraysemblable que vous n'a^'iez sceu ce qui s'estoit faict le soir, puisque voz gens estoyont rentrez et avoyent encores esté trouvez le lendemain en vostre maison, estant croyable que, si vous eussiez sceu qu'ilz eussent esté coulpables d'un tel crime, vous les eussiez faict «svader ; que vous a\'iez offert ausdictz alcades, à leur arrivée, de mener au dict Roy voz gens pour en ordonner ; que ung d'eux l'estant allé trouver, à vostre prière et instance, pour l'en advertir, il estoit revenu (n'ayant esté possible à celuy que vous aviez aussi envoyé pour mcsmeefTeclseullement de parler au duc de Lerme), accompagné de gens nouveaux et qu'au lieu d'accepter vostre offre, par l'exécution de laquelle le respect qui me debvoit estre rendu en vostre personne eust esté gardé, il vous avoit tenu des propos, par le commandement du dict Roy, qui avoyent aggravé l'injure, comme avoyent faict auparavant ceux qui vous avoient esté tenuz par ung aultre alcade, qui estoit demeuré en vostre maison, attendant le retour de cestui-cy ; que sur cela voz gens avoyent esté pris en vostre présence indifféremment, oultragez de faict et de parolles, aultant les innocens que les coulpables, et vostre maison pillée, sans avoir peu garantir vostre dict nepveu,

ny recevoir d'eux aucune parolle de respect, de quoy vous estant plainct depuis au dict duc de Lerme etmesme au dict roy d'Espagne, il avoit entendu, par la lecture de rostre lettre, quelle responce vous en aviez eue ; que si le délit debvoit estre puny pour la justice, qu'il estoit raisonnable aussi que l'injure qui m'avoit esté faicte en vostre personne, par telle \iolente et extraordinaire procédure, fust reparée. Sur quoy, le dict ambassadeur ayant demandé au dict de VUleroy quelle réparation me pourroit contanter, il luy a respondu qu'il touchoit au dict roy d'Espagne et à son conseil, qui avoyent permis ou commandé l'injure, d'y penser et la proposer, et non à moy ny à mes serviteurs, et que je sçaurois bien trouver et praticquer les réparations qui dependoyent de moy, quand on ne se mectroit en debvoir de me satisfaire, luy représentant ma patience sur les injustices faictes à mes subjectz par l'adelantado et les aultres officiers du dict roy d'Espagne, depuis la mort du feu Roy, son père ; ce qui auroit esmeu le dict ambassadeur de renouveller ses plaintes passées, fondées sur l'assistance faicte aux Hollandois, qui avoit meu le dict sieur de Yilleroy luy ramentevoir aussi les conseilz, qui avoyent esté donnez au duc de Savoie, de retenir le marquisat de Saluées, lesquelz m'avoyent contrainct de faire la guerre, pour en avoir la raison, et l'assistance qui avoit esté donnée au dict duc, en ceste occasion. Toutesfois, le dict ambassadeur s'est enfin adoulcy et a fort insisté estre trouvé quelque expédient, par lequel l'on peult esviter qu'ung tel accident, qu'il a tousj ours soubstenu estre particulier, n'en engendre de publiez, qui troublent de nouveau la Chrestienté : à quoy le dict de Villeroy luy a dict que l'on me trouveroit tousjours très disposé d'entendre, quand on l'y procederoit comme il convient, et se sont séparez sur cela. Or, ce que je veux que vous faciez, sur ceste occasion, est que vous me veniez trouver, incontinant la présente receue, s'lIz ne vous rendent vostre dict nepveu et tous voz serAÏteurs, après avoir receu la présente. Pour ce faire, vous demanderez audience au dict roy d'Espagne, soudain que ce courrier sera arrivé, auquel vous direz que je suis très marri de ce qui est advenu, que je n'entendz descharger ni charger ceux qui sont accusez du deht duquel il est question et moins empescher que

104 LETTRKS DE HEMil IV

la justice n'en soit faicte, telle qu'il convient, mais aussi que j'ay très grande et juste cause destre mal satisfaict de la forme de la procédure qui y a esté gardée; que je vous ay commande de prendre congé du dict Roy, comme de faict vous vous licentierez de luy, sans luy dire aultre chose, et laisserez là Brunault, vostre secrétaire, pour avoir soin des prisonniers, recepvoir mes comraandemens et m'advertir de ce qui sur^•iendra, après rostre parlement; et d'autant que j'ay estimé, que le dict Roy pourroit faire difficulté de vous laisser venir, sans veoir de mes lettres, je vous en envovi' une.de laquelle vous verrezle contenu, par le double d"icelle, qui va avec la présente : toutesfois, vous ne vous ayderez de loriginal et ne le delUvrerez audict Roy, si vous pouvez obtenir vostre dict congé et vous en revenir sans cela ; et, si la présente vous trouvoit party, suivant l'instance que j'ay aprispar vostre dicte lettre que vous a^■iez faicte sur ce au dict roy d'Espagne, vous continuerez vostre voyage, sans vous arrester en ma frontière, ny attendre aultre commandement de moy, présupposant, si vous avez pris ce party sans moy, que vous aurez aussi laissé là vostre dict secrétaire, pour avoir esgard à mes affaires, sinon vous le y renvoyerez, soubz prétexte de solliciter celles des marchans, sans faire paroistre que je Taye commandé. Si le dict roy d'Espagne offre de vous donner quelque satisfaction, pour vous arrester (encores que je nestime pas, non plus que vous, qu'il le face . que cela ne vous retienne, si, par effect et à la mesme heure, il ne vous faict rendre et remectre entre les mains tous vos dictz domesticques, avec vostre dict nepveu, à condition toutesfois de les représenter où et ainsi qu'il vous sera ordonné par moy, accordant en ce cas de demeurer par delà, jusques à ce que vous m'ayez adverty du susdict depost et que vous ayez receu mon commandement sur iceluy ; mais, gardez-vous bien de faire ceste ouverture, ny aultre de satisfaction ny réparation, quelle qu'elle soit, affin de ne vous mectre en hazard d'en estre esconduict, car ce seroit aggraver l'injure: mais le nunce peult faire d'office les dictes ouvertures, en estant adverty par aultre que par vous. Prenez garde aussi que l'on ne prolonge et remete le temps de l'audience que vous aurez demandée pour vous Ucentier, ou que l'on ne vous entretienne en l'attente de quelque

AU COMTE DE LA ROCHEPOT. 10b

satisfaction, exprez pour vous rendre spectateur de la punition qu'ilz entendent faire des rostres, ou continuer à vous traicter indignement. Partant, si vous recognoissez qu'ilz ayent ce dessein, contantez-vous de prendre vostre congé par escript et vous en venez, le plus tost que vous pourrez, laissant tousjours là voslre dict secrétaire. Mais, devant que de partir, advertissez dilUgemment tous mes subjectz, qui trafficquent en Espagne et en Portugal, par mer et par terre, qu'ilz s'en retirent le plus tost qu'ilz pourront, avec leurs facultez et navires, parce que j'ay delliberé de suspendre le commerce ausdictz pais, pour quelque temps, de quoy les mandemens sortiront et seront envoyez, dez aujourd'huy. Toutesfois, ad^-isez à donner le dict advis,de façon que l'on n'ait occasion d'inférer de là que je veuille rompre dez à présent la paix avec le dict roy d'Espagne, ains seullement pourveoir à la seureté de mes dictz subjectz, sur les rigueurs que l'on leur faict ausdictz pais et le peu de compte que le dict Roy et ses ministres font d'y remédier, quoy qu'iceluy Roy et le duc de Lerme vous eussent promis; car je n'ay aucune occasion de me contanter de la lettre que le dict Roy m'a escripte et moins encores du commandement qu'il a faict au dict adelantado, sur ce subject, et aurois regret d'avoir faict demander grâce pour mes dictz subjectz, voyant leur responce, si je n'estois aucunement consolé d'avoir, en ce faisant, plus faict que les roys, mes prédécesseurs, tant pour dellivrer de peine et de perte mes dictz subjectz, que pour esvdter les occasions de trouble et de querelle avec le dict roy d'Espagne, ausquelles le desny d'icelle m'engagera, par raison et par force. Vous m'advertirez, par ce courrier, de vostre dict partement et de tout ce que vous aurez faict, en exécutant la présente, comme de toutes aultres occurrances; priant Dieu, Monsieur de la Rochepot, qu'il vous ayt en sa saincte et digne garde. Escript à Paris, le nj'^jour d'aoust 1601.

HENRY

DE NEUF VILLE