PIECES JUSTIFICATIVES
7 novembre 1482.
« Lettres missives envoyées au roy par Mess" de ses comptes à Angiers touchant la responce desdictes lettres par luy à eulx envoyées. • — ( Arch. nat., Titres de la maison d* Anjou, Chambre des comptes, P 1334^^, fol. vi"xv v^.)
Sire, nous recommandons à vostre bonne grâce tant et si très humblement que faire le povons. Et vous plaise savoir. Sire, que à ce matin avons receu voz lettres, et incontînant besongné en Testât de vostre dommaine d'Anjou, lequel vous envoyons bien au vray. Et par icelui sera congneu ce que en avez donné et ce que en peut rester. Aussi vous envoyons cy dedans enclox ce que povons savoir de la Roche au Duc.
Sire, en vos dictes lettres est contenu que nous envoyez aucunes parties et que vous façons savoir se elles vallent bien le pris chascun an contenu en icelles. Sire, de ce n^avons riens veu, par quoy ne vous y povons faire responce, fors que le contenu dudit estât est vray selon les dons et baillées que en ont cours de présent.
Sire, despiecza Mess" des comptes à Paris envoyèrent en ceste ville d'Angiers ung sergent pour adjourner les héritiers et bienstenans de plusieurs qui de longtemps ont esté fermiers et receveurs de grant nombre de fermes et receptes de cestuy . vostre dit pais, qu^avez ordonné compter cyens, et touz grenetiers, receveurs d'aides, fermiers et autres gens de finances dudit pais, pour maindre fraiz et souUegement de leurs paines, ce que fut empesché audit sergent. Après ce que en ftistes par nous adverty, pour ce que lors commandastes à maistre
Guillaume Geffroy , secrétaire de voz finances, sur ce nous cm^pedier autres lettres patentes, et sur le reffus que Mess" lesgeneraulx de vosdictes finances nous faisoient à renterignement de voz lettres de confirmacion et creacion de ceste vostre Chambre des comptes, et unes missives à mesdiz seigneurs des comptes de Paris de non plus eulx entremettre; mais les dictes lettres, combien que les ayons fait poursulr et grosser, n'avons peu avoir dudit Geffroy, en quoy, Sire, vous supplions très humblement nous donner provision et commander estroictement audit Gefi'roy les nous bailler et délivrer, sans plus y denier. Et, Sire, nous prierons Dieu et Nostre Dame qui vous dolent très bonne vie et longue. Escript en vostre dicte Chambre des comptes à Angers, le vu* de novembre.
Et soubz la soubzscription des dictes lettres : Yoz très humbles et très obbeissans subgectz et serviteurs les gens de voz comptes à Angers.
7 novembre 1482.
« Articles touchant la Roche au Duc envoyez au roy par Mess'* des comptes ainsi que a esté son plaisir le leur mander. » — ( Arch. nat., Titres de la maison d'Anjou, Chambre des comptes, Pi334H, fol. vi«xvi.)
Loys premier, duc d'Anjou, en juillet M CCC LXX^ acquist de Guillaume de Craon, viconte de Chasteaudun, la Roche au Moyne, à présent nommée la Roche au Duc, pour la somme de xxM francs d'or, laquelle vendicion ftit ratifflée par messire Guillaume de Craon, chevalier, filz aisné dudit viconte, et à semblable par ses autres enfens.
Lequel duc d'Anjou, après ledit acquest, fist baillée d'icelle Roche au prieur d'Acquitaine, pour le temps de cinq années, à la somme de v'^ escuz d'or à une foiz paier.
Loys second, duc d'Anjou, fist vendicion de la dicte Roche à Charles, seigneur de la Tour, à grâce perpétuelle, pour la somme de V L, paiez en iiii^l escuz d'or et le seurplusàmonnoye.
Duquel seigneur de la Tour messire Jehan de la Haye, par
certains moyens, eut la dicte Roche à la charge de la grâce dessusdicte.
Et depuis d'icelui de la Haye print la royne Yoland, comme procureur de Loys tiers, duc d*Anjou, son filz, sur ladicte Roche, la somme de mil escuz o grâce que dessus.
Du consentement de laquelle royne messire Jehan de Brie acquist d'icelui de la Haye ladicte Roche à la charge de ladicte grâce, et par contract passé en l'an mil IIIPXXXI et pour la somme de v*» xliii royaulx d'or de lxiiii au marc et v s. monnoie.
Lequel messire Jehan de Brye et ses enffans ont depuis jusques cy tenue et possidée la dicte Roche, et depuis le decés du feu roy de Sicille obtenu don du Roy de ladicte grâce et ventes desdiz contraz comme Ton dit. Laquelle Roche est située sur la rivière de Loire, composée de chasteau, et estimée valloir de présent m'' 1. de rente, combien que, au temps dudit acquest et par les comptes rendus par avant que elle fust baillée audit de la Tour, elle ne se trouve monter en revenu que ii* 1. de rente ou environ.
Bruîf elles, 13 novembre 1482.
Adolphe de Gièves, sire de Ravenstein, à Louis XI. — (Orig. Bibl. nat., Ms. fr. 20428, fol. 69.)
Sire, si très humblement que plus puis à vostre bonne grâce me recommande. Ayant receu voz lettres escriptes au Pleissis du Parc le vi® jour de ce mois, contenans que se moy et mon filz nous voulons envoyé noz scellez que messire Lancelot de Bellemont, vostre prisonnier, ne se armera jamais contre vous, ne ceulz qui sont et seront de par vous, vous le renvoyerez à délivre, et que de cela et plus grant chose me vouldriez bien faire plaisir, dont très humblement vous mercye, vous suppliant en celle mesme humilité que de vostre grâce il vous plaise à ma requeste renvoyer ledit messire Lancelot franc et quicte; et je le tiens pour si bon et honneste chevalier que je crois qu'il vous tiendra ce qu'il vous promettra, par quoy n^est besoing, si c'est de vostre plaisir, que pour ceste chose vous envoyé le scellé de moy et de mon fllz. Et se de vostre plus
i7() LETTRES DE LOUIS XI.
ample grâce vous plaisoit délivrer aussi ung frère bastard d'icellui messine Laiicelot, lequel a esté mon page, et est semblablemenl vostre prisonnier, vous m'obligerez d^autant plus à vous faire service. Ce scel le benoît Qiz de Dieu, auquel je prie, Sire, vous donner bonne vie, ensemble de racompllssement de voz très hauix et très excellans désirs. Escript à Brucelles, le XIII' jour de novembre. Vostre très humble compère,
Adolf.
Au dos : Au Roy, avec la cote : « Mons. de Ravestaîn ».
Bruxelles, 13 novembre 1482.
Le sire de Ravenstein à Lancelot de Berlemont. — (Orîg. Bibl. nat., Ms. fr. 20248, fol. 70.)
Messire Lancelot, je me recommande à vous. Ayant receu voz lettres escriptcs à Tours le vi* jour de ce mois, du contenu esquelles vous tiens assez racors, et pour ce que je désire singulièrement vostre délivrance, j'en supplie présentement au Roy par les lettres que luy escripz responsives aux siennes touchant ceste matière, et ay bien espoir que mes dictes lettres vous prouffiteront autant que se je eusse envoyé les scellez de moy et de mon filz telz que les demandiez, laquelle chose ne vouldroje faire sans le sceu et congiè de Monseigneur le duc. Et à tant prie le benoit filz de Dieu vous avoir en sa saincte garde. Escript à Bruxelles, le xiii® de novembre.
Adolf.
12 décembre 1482.
Engagement de Lancelot de Berlemont, prisonnier à Amboise, de ne pas s'en écarter sans autorisation au delà de Tours. — (Min. Bibl. nat., Ms. fr. 20428, fol. 71.)
Je, Lancelot de Berlemont, chevalier, à présent prisonnier du Roy, jure par mon créateur, par le baptesme que j'aporté de
dessus les fons, sur le péril et dampnement de mon ame, en foy de gentilhomme, et sur mon honneur, que jour que je le vive, je ne m'en yré ne eslongneré ceste ville d'Amboyse, où de présent je suis détenu, plus loing que la ville de Tours, sans le congié et bon plaisir dudit seigneur Roy, ou de Mons' du Plessiz Bourré, qui m'a en charge, et qu'il m'en aparesse par lettre vallable; et ce sur paine d'estre réputé faulx, traictre, desloyal et deshonnouré chevalier, et, pour tel cas advenant que je face le contrayre, que ja Dieu ne veille, je me tyens et declayre par ces présentes dés maintenant pour lors, sans autre preuve, desclaration ne ministère de justice, et renonce par exprés à toutes dispenssacions que pourroye avoir ou obtenir, soit de Nostre Saint Père le Pappe, du Sainct Siège appostolique ou d'autres à rencontre de ce présent mon serment, moyennant lequel ledit seigneur Roy m*a fait defiferrer et mettre sur ma foy par la condicion et manière dessus dictes. En tesmoing desquelles choses dessusdictes j'ay escript et signé ses dictes présentes de ma main et fait signer à ma requeste des seings manuelz de Jehan Aguillon et Françoys Berlin, notayres de la court dudit lieu d'Amboyse es présences de Françoys de Chivré, Jehan du Hardaz et de Robert Le Bigot, escuiers, mes gardes, le xii^ jour de décembre Tan mil quatre cens quatre vings et deux.
31 mars 1483.
Goppies de certaines lettres japiecza octroyées au moustier et abbaye de Nostre Dame d'Angiers de partie du lieu où est situé et assis i'estang de Recullée, prés Angiers i, telles que l'abbesse et religieuses de ladite abbaye les produisirent par devant messieurs des comptes. — (Arch. nat.. Titres de la maison d'Anjou, Chambre des comptes, P1334^<, fol. vni«v.)
Quarti centenarii * .
Redditio de clauso vinearum de Gastellario, capitulum xxv.
« In^ nomine Dei et domini nostri Jhesu Ghristi, salvatoris
