Sur Guillaume de Vennac, cf. t. II, p

prétendons audit pays de Bretagne soient clerement monstrez de nostre part, à ce que chascun puisse connoistre le bon droit que avons en ceste partie, pour œs causes nous vous avons ordonné faire voir et visiter en plusieurs lieux de nostre royaume tout ce qui se pourra trouver touchant ladicte matière. Et entre autres avons ordonné que en nostre ville de Paris, tant es registres de nostre cour de parlement que au thresor et en la chambre des comptes, semblablement en Fabbaye de Saint Denis et partout ailleurs es marches de par delà soit veu et regardé tout ce qui nous pourra servir touchant lesdictes matières ; et à ceste cause envoyons de présent par delà nostre amé et féal Guillaume Cousinot, chevalier, lequel avons chargé avec vous de besogner et vaquer esdictes matières. Si voulons et vous mandons bien expressément que vous et lui ensemble besognez esdictes matières en la plus grande diligence qu'il sera possible ; et tout ce que vous trouverez faictes le mettre en forme deue et authentique, telle qu'on y puisse adjouster foi quand temps et lieu sera. Et au surplus, croyez ledit Cousinot de ce qu'il vous dira de par nous touchant lesdictes matières. Donné à Dieppe, cexvi® jour d'aoust.

Depuis ces lettres escriptes, nostre amé et féal Jehan Dovet, premier président de Toulouse, est venu par devers nous, lequel avons chargé aller par delà besogner es matières dessusdictes ainsi que l'un de vous. Donné comme dessus.

TOUSTAIN

A nostre amé et féal conseiller et chambellan le sire des Landes, bailli de Sens, nostre lieutenant à Paris*.

MDCCCCLXX.