LETTRE XX

AU ROI, A MADRID

(20 novembre 1525.)

Monseigneur, plus je voys en avant et plus je sens l'eslongnement de voslre veue , qui à grant peine se souliendroit, si le désir de vous obéir et fere chose plus nécessaire pour vostre service que ma demeure ne me donnoit force de le porter. Mais ce seul regard, avecques la seureté que j'ay de vostre bonne grâce et tant désirée santé, me contraint, contre mon vouloir, vouloir ce que vous voulez et me diligenter; ce que j'espère fere en sorte que, s'il est possible, je trouvera y Nouel à Nerbonne ; et pour cete cause, ay anjourd'huy doublé ma journée; et demain, qui est la Nostre- Dame ', feray cinq lieues sans subjourner que je ne soye en vostre terre. Et pour tout le secours que je vous demande en ce long et fascheux chemin , je vous supplie, Monseigneur, que vous mettez peine de vous esjouir et fortifier le plus que vous pourrez, sans prendre riens à cueur qui puisse empescher le bon coumancement de santé où (sic) partons ceux qui sont venus et qui m'ont escript, j'ay seu que Nostre Seigneur despuis mon partir vous a donné ; dont la louange à jamais luy en soit rendue, car c'est assez pour moy penser lesser ung tel frère, encores que vous

' La présentation de Notre-T3anie, le ai novembre.

feussiez sain , sans avoir la double de vous cslongner malade. Mais celuy qui vous donne la pacience vous donne la guérison , et à moy, oste la partie de ma peine qui estoit importable , et , qui plus est , nous donne espoir de vostre liberté, qui est la deslivrance de tous ceux qui vous aiment , desquels la prison est plus fermée et obscure , tant plus l'on est aux chans (sic) loing de Madrid. Je suis seure , Monseigneur, que si vous prenez quelque conclusion bonne, que ne la me retiendrez gueres, car vous savez que c'est le plus grant bien qu'espère avoir en son voyage

Vostre très humble et très obéissante subjecte et seur Marguerite.

[Ms, n" 126.]