LETTRE XXI

AU ROI, A MADRID '

(2 décembre 1526.)

Monseigneur, pource que vous saurez la venue de Don Hungues % ne vous en diray aultre chose; mais de peur que vous entendez par aultruy le mal que Madame a eu, vous en veux bien asseurer de la vérité, qui est que, après avoir eue la goutte au genouil et aux deux piedz , non avecques les douleurs estremes

' Voyez t. 1, p. 201 , la leUre 41, qui paraît avoir été écrite le même jour que celle-ci.

" Don Hugues do Moncade, qui fut vice-roi de Naples après Ch. de Lannov.

qu'elle souloit avoir, la seureté qu'elle a reçue de vostre bonne santé luy a redonnée la sienne; en sorte que maintenant elle est sans douleur, plus preste à recommencer son acoustumé labeur qu'elle ne fust oncques, espérant que Nostre Seigneur nous fera la grâce qu'il ne sera sans fruist; luy suppliant pour le plus désiré désir que je puis avoir en ce monde, me fere digne de vous y servir; qui est la seule cause qui me fait désirer vie et force et santé , car la mort après avoir fait chose qui vient au bien que je désire, me seroit tant heureuse, que je la tiendrois double vie. Et attendant l'heur que je say n'avoir envers Dieu mérité , ne cessera le supplier, ainsin qu'il a mis son seul filz médiateur de luy et de nous, envoier le moyen de paix à sa gloire, vostre honneur, et consolacion de tous ceux qui vous aiment. Du quel nombre, à vous qui luy estes frère, père et mary, se tient la plus obligée par son affecsion

Vostre très humble et très obéissante subjecte et seur Marguerite.

[Ms. n" 107.]