LETTRE CIL

(Décembre 1537.)

Monseigneur, ce n'estoitpas raison que pour si peu de chose que la maladie de ma fille, je vous eusse deu ennuyer de lire ma leclre, car j'ay bien veu l'heure que je reservois h vous donner peine pour estre, après Dieu, ma seule consolacion , veu le coumencement de sa fièvre, et de son flux, quy estoit, avecques sang et raclures, tant fort et furieux, que, sy Dieu au bout des vingt et quatre heures n'eust diminué la fièvre, son petit corps en avoit plus que sa portée. Demain sera son cinquiesmejour de son flux. A ce matin elle a pris de la reubarbe, dont je la treuve amendée, et espère que celuy qui l'a mise en ce monde pour vous fere service luy donnera grâce de parfaire le désir du père , de la mère et d'elle, qui est de plustoust la voir morte que d'y voir une seule faulte contre vostre intencion.

Et sur cete afecsion , j'ay fondée l'espérance de sa guerison ; car j'ay cete ferme foy, que ceux qui vous aiment et que vous faites l'honneur d'aimer, ne sauroient périr. Et pour ce, Monseigneur, que jamais vous n'avez eu mal que ma fille n'en ait eu au mesme jour, pour le désir que j'ay de vostre bonne santé et la crainte du contraire , envoie ce seur messaigier pour m'en rapporter la vérité, et aussy pour vous supplier. Monseigneur, pour le vray moyen de donner santé à la fille et contentement à la mère, nous tenir toutes deux à vostre bonne grâce; en laquelle, croyant fermement n'en pouvoir jamais partir, s'y va plus que très humblement recoumander

Vostre très humble et très obéissante subjecte ' et seur Marguerite'.

[Ms. n° 81.j

LETTRE cm.

(Tours, janvier ^- 1538, )

Monseigneur, le désir que j'ay de ne faillir à nul de vos coumandemens, me fait prendre la hardiesse de vous ramentevoir que le matin que vous partistes de Fontainebleau ', voyant que vous estiez en peine de

Voyez, sur cette maladie de Jeanne d'Albret, la lettre 146 à Montmorency, t. I , p. 563

« Mon nepveii, je vous veux bien ramentevoir que quand le Roy

Testât où tous laissiez la Pioine, je vous demanday s'il vous plesoit que je demeurasse pour luy ferc service durant sa maladie ; à quoy il vous pleust me respondre queouy; ce quej'ay faitjusqucs à la voir du tout guérie. Et combien que jamais despuis que feu Madame est trespassce, ne demeuray en la compaignye sans vous, mais en vous en partant m'avez tousjours donné congié d'aller fere mes afferes, sy n'ay je voulu partir sans entendre voslre bon plaisir. Mais, Monseigneur, ayant receu vostre coumandement, m'en allay voir ma fille à Biais ', que je trouvay guerye. Par quoy la menay jusques en cete ville de Tours, où de là m'en allay quérir ma pouvre seur * en toute la diligence que je peus, car la nécessité d'elle et de ses enfans ne pouvoit plus attendre, mais estoit si estreme, que la pitié du sang et la honte de voir ung si proche lignage ^ tant abaissé, m'a fait convertir la demeure que j'eusse fait avecques ma fille, pour secourir h ceux quy en ont plus de besoing, en un fascheux voyage,* duquel en trois semaines suis retournée, amenant ma pouvre seur grosse avecques ma fille pour la nourrir; attendant

partit de Fontainebleau, je luy demanday, voyant l'estat où estoit la Royne, etc. » (Lettre à Montmorency, t. I, lettre 147, p- 365.)

■ A Blois.

' Madame de Rohan, qui était ruinée. Voyez la lettre 147 à M. de Montmorency (t. I, p. 564), <iui donne un plus ample détail des faits touchés dans celle-ci.

^ Madame de Roh;!U (Isabeau d'Albret) était sœur du roi de Navarre, et d'ailleurs il y avait parenté entre la maison de Rohan et la maison d'Angoulême, comme la reine de Navarre le dit quelques lignes plus loin.

que leur maison soit acquittée. Et pour ce, Monseigneur, que j'ay trouvé la faulte ne venir point d'eux , j'ay plus voulentiers mis peine de leur secourir, espérant, Monseigneur, que avecques vostre bonne ayde, vous tirerez encore du service de la maison qui a l'honneur que d'un g costé vous en estes venu.

Monseigneur, je ramené ma fille à Biais pour là attendre ce qu'il vous plera me coumander; car, tout ainsin que avecques vostre congié je suis partie, il vous plaira que avecques vostre coumandement je y retourne, si vous voiez que je puisse servira la maindre personne qui y soit. Combien, Monseigneur, que je me sens telle que, contre mon désir, ne vous puis là ny ailleurs fere service, si n'est l'afFecsion maindre pour l'impuissance; laquelle il vous plera recevoir et cou mander, car en l'obéissance la plus voulontaire qui oncques fust jusques à la mort, n'en trouverez jamais qui passe

Vostre très humble et très obéissante subjecte et mignonne Marguerite'.

[Ms. nM3.]

■ Cette lettre fut envoyée avec celle à Montmorency, qui roule suile même sujet (t. I, lettre 147), et la reine de Navarre met en Postscviptum : « Je vous prie voir ce que j'escrips au Roy, et, s'il vous semble bon, la luy bailler, ou faire bailler, ou la brusler. Je remets tout à vous, j) Margueiùte ne pouvait accorder une plus grande preuve de conflance au connétable, qui certes ne la méritait guère.

LETTRE CÏV.

AU ROI

( Tours, janvier 1638. )

Monseigneur, en tant de sortes la lectre qu'il vous a pieu m'escripre m'a rendue plus que contente , que je puis dire que par elle j'ay receu une nouvelle vie, dont, je vous proumets, Monseigneur, j'avois besoing ; car, pensant partir de cete ville de Tours pour aller devers la Royne, vostre petite fille' s'est trouvée bien mal ; qui m'a contrainte parachever mon année de servir les malades avecques elle. Mais avecques vostre lectre sa santé est retournée, et combien qu'elle garde le lit , je n'y voy point de dangier de la lesser, ce que fois demain, espérant fere telles journées que le corps le pourra porter. Car sy j'allois selon l'esprit, qui n'aura jamais repous bien loing de vous, je prendrois la poste. Aussy, Monseigneur, j'avois eu quelque aultre fascherye qui m'estoit plus forte à porter que le mai de ma fille; de quoy votre seule lectre me pouvoit guérir : ce qu'elle a fait. Dont tant et si très humblement qu'il m'est possible je vous remercie. Et fault, que je vous die , Monseigneur, que si vous pouviez sentir le bien que vous m'avez donné , tant par la seureté de vostre bonne grâce que le coumandement que vous me faites de m'approcher de toute la félicité

■ Jeanne cl'Albret.

que je puis avoir en ce monde, l'aise que vous auriez d'avoir fait une euvre cherilaible et nécessaire pour moy, seroit la recompense qu'il n'est en ma puissance de vous rendre. Mais je supplie celuy qui vous a esleu pour fere par vous ses grans euvres sactifaire pour moy, en vous donnant après tant d'heureuses et honorables victoires, une ferme paix, en laquelle vostre vie ne soit empeschée de tout le contentement et repous que iiicessaument vous désire

Vostre très humble et très obéissante subjecte et mignonne Marguerite.

[Ms. n° 42.]