A MADAME LA DUCHESSE D'ALENÇON

Ma dame, le Roy c'est seujourné deux jours an ceste ville , la ou Pommeroye l'est venu trouvé, cjuy l'a aceuré de vostre bonne santé et luy a aporté les lestres que vous avés fait prendre; de quoy il a esté ausy aise et contant que je le vis honques de chose. Il s'an par à cete heure pour aler ci Taracon , et là, après avoire reponce de l'Anpereur, le vyceroy s'an partyra pour aller vers luy et me mènera quant et luy, et j'ay bonne espérance, Madame, que j'an aportere nouvelles quy vous plairont. Et ne vous povant, Ma dame , mander mieux que vous aceurere de la parfaite santé du Roy, feré la fin , me recommandant à vostre bien bonne grâce , Ma dame , tant et sy très humblement comme je puis ; suplyant Nostre Seigneur , Ma dame , vous donner an santé tout ce que vous désire

Vostre très humble et très hobéyssant subjet et serviteur,

Montmorency.

[F. Béth., n" SGI 2, fol. 32. Auto.]

iT XV.