TRESORIER DE FRANCE

En mer, le 10 juin (1526).

Monsieur, encores que entendes assez de la très bonne santé du Roy par Pommeraye présent porteur, si la veul-je bien asseurer telle que meilleure ne se pourroit souhaiter. Ledict seigneur advertit Madame de son acheminement en Espaigne, où nous espérons estre dedans cinq ou six jours. Vous aurez advis de là de tout ce qui s'y fera, qui sera, à mon jugement , selon l'intention du maistre. Il vous plaira, monsieur, faire cependant entendre à Madame que le Roy est répondant au capitaine Hairere de la rançon de monsieur le mareschal de Montmorency, et en a faict à Gennes la promesse , qui est de bailler à Lion , dedans la fin de ce mois , ung banquier ou autre , qui s'oblige de payer dedans six mois après, à Mylan, la somme de X mil escus, à quoy est besoing que l'on satisface, selon l'intention dudict seigneur.

Monsieur, je prie à Nostre Seigneur vous donner très bonne vye et longue.

Des Galleres, près Monègue, x* juing.

Vostre entièrement prest à vous faire service ,

Dei-ahartik.

[F. Béth.. n» 8612, fol. 14.]