LETTRE DE FRANÇOIS 1“ AD COMTE SIGISMOND DE HOHENLOHE

DOYEN DU CHAPITRE DE STRASBOI Rr..

Le 21 mars I62H.

Françoys, par la grâce de Dieu, roi de France, à noslrc très cher et amé cousin Sigismonde, comte de Haute- Flamme , salut et parfaicte dilcccion.

Comme pour tenir en seuretc nous et nostre royaulmc, terres, seigneuries et subjets , et obvier aux entreprises et invasions qui se deslibèrent sur nous et nostre rovaulme d’aucuns de nos ennemis et adversaires, nous avons advisé et dcslibcré de dresser et mettre sus par dessa une forte et puissante armée, et pour ce faire, convoquer non seulement nos subjets, mais aussy nos bons amis, alliés et confédérés, et vous entre aultres, comme l’ung d’iceux nos bons parens , amis , alliés et confédérés ; scavoir vous faisons que nous, ce duêment considéré, informés de vos sens, suffisance, loyaulté et vaillance, proximité de lignage , amour et dileccion que portez envers nous et nostre royaulme , vous prions bien affectueusement qu’avez à lever et mettre sous le nombre de trois mille hommes de pied combattans et suifisans; et d’iceux prendre la charge pour, par vous ou vostre lieutenant en cest affaire, mener et conduire aux lieux qui seront de par nous ordonnés. Desquels gens qui seront ainsy levés par vous ou vostre lieutenant, nous ferons faire la monture , et iceux payer au prix de six livres pour chacun homme prenant simple paye pour mois. Lesquels toutesfois entendons qu’ils payent raisonnablement

PIÈCES JUSTIFICATIVES JCT

les vivres qu’ils prendront par les lieux et passages où ils passeront et séjourneront. A quoi vous prions et vostre lieutenant, avoir l’œil soigneusement , tellement qu’il ne fassent oppressions quelconques. Mandons aussy et commandons à tous nos subjets qu’ils leurs subviennent pour leurs deniers, et les traictent comme bons amis de nous et de nostre royaulme, car tel est nostre plaisir.

Donné à Saint-Germain-cn-Laye , le 21* jour de mars, l’an de grâce mil cinq cens vint sept *, et de nostre régné le quatorzième.

FRA^COYS.

Par le Roy : Bbetok.

[ ffcku Urdigt Lehenxgenrhichte des Grafent Sigism. vun Houkiuue , p. 61.]