LETTRE DE FRANÇOIS 1“ A M DE MONTMORENCY

A M. LE ORAHT-.MAISTRE.

En bas ou en hault , Pierre Rouault je vous advise que le cerf nous a mené jusques au tartre de Dumigny, là où il est allé veoir vostre cousin de IS'ormanville , et suys avecques très grandes difficultés venu gagner ce dévost et bien basty monastère d'Ermyères , et fault que je vous die que j’ay trouvé une maison qui est à Lagnete, que je croy qui rend ses comptes extraordinaires devant la tour carrée , car n’y avons trouvé ny vin , ny saulce, et nous a fallu partir à la frescheur de la lune, où les estryers nous tenoient aux

* i5a8, selon notre manière de compter. Pâques fut cette année- là le 13 avril.

* C*est apparemment un dicton du temps.

pieds ; et Dieu sçail la pacience de ce secrétaire , car il avoit froit, faim et soif et bien las! Toutesfois, avec l'aide de Dieu , nous avons gagné ce logis , là où nous avons conclud pour demain de ne courre point , parquoy vous ferez bien d’amener demain mes oyscaulx au disner et les vostres , car j’avons espérance qu’y fera demain beau temps, veu ce que disent les estoilles que j’avons eu très bon loysir de veoir ; priant Dieu qu’ainsy soit il de vous. Jo m’oblie de vous dire que nous avons failly le cerf, et Perot * s’en est fouy, qui ne s’est ouzé trouver devant moy, car en lieu d’ung cerf, je croy qu’il a laissé courre un des gardes de Maulconnant

Frahcoys.

(F. Bélh., n° 8S46, fol 112. DicUe.]