A MON COUSIN , M. LE MARESCHAL DE MONTMORENCY

Aiguet'Mortes , le 27 août (162S).

Mon cousin, ce porteur vous sçaura bien au long compter de l’empeschement que j’ay eu jusques icy , et comme pour cela ne toutes les difficultés qui ont été mises en avant , (pour n’avoir mon saufconduyct par la mer ne assés ample, ne tel qu’il debvroit estre pour moy ' ; par la terre , par ce que les deux courriers ne sont venus.) Je n’ay laissé de prendre l’adventure, espérant qu’on me laissei'a voir le Roy; vous asseurant que ce seul désir m’a faict mettre toutes choses arrière, et m’en voys présentement embarquer avecques tel temps que l’ont demandé les mariniers et aultres, qui auparavant n’estoient d’opinion que je deusse entreprendre le voyaige, pour les mauvais temps qu’il a fait ces jours passés. Et plus n’en aurez pour ceste fois, priant Dieu, mon cousin, vous donner le contentement que vous désire, d’Aigues Mortes, lexxvij' jour d’aoust ,

Vostre bonne cousine, Marguerite.

[ F. Bcth.. ro 8661. fol. 36. Vict/e.]

' Le sauf-conduit avait été demandé sans dire pour qui. ( Voyez la lettre 27'.)

DE LA REINE DE NAVARRE

Fargue ' , le 10 aeptembro ( 1625).

Mon cousin , vous savez assez la peine en quoy m’a mise ce que vous m’avez escript par Périgort , parquoy je ne vous solliciteray autrement de continuer à m’en faire savoir nouvelles. Toutesfois afin que vous ayiez meilleur moyen de ce faire, je vous ay fait despeschcr le courrier après lequel va maistre Cliristofle, en la plus grande diligence que faire se pourra. Au demeurant, je sçay le travail que donneroit .à Madame une despesche venue de là où est le Roy , ou de ma part , faisant mention des affaires de la court de l’Empereur, sans qu’il y eust lettres dudict seigneur. Pour ce je vous prie que vous faites, s’il est possible, que ledict seigneur escripve quelque lettre à madicte dame , par le moyen de laquelle je puisse despescher en France, afin qu'il ne demeure riens de ce qui se doibt respondre au contenu de vostre chiffre et d’aultres affaires qui chacun jour occurrent. J’ay faict ce que j’ay peu pour diligenter mon voyaige, et ay assez bon cueur de faire mieulx, car vous savez assez quelle sera ma pacience jusques à ce que je veoye celuy duquel je vouldroys avoir rachapté la santé de ma propre vie, sans offenser celuy que je prie , mon cousin , vous avoir en sa saincte garde. Escript à Fargue, ce x' jour de septembre.

Vostre bonne cousine, MAncuEBiTE.

[ F. Bclh., n“ 8567, fol. 13. DicUe. ]

■ Village près de Bordcan». '