A MON NEPVEU, M. LE GRANT-MAISTRE

Vattra, 27 joùig(IS27).

Mon nepTCu , j’ay esté merveilleusement aise d’avoir entendu par ce que l’on m’a escript de la court et par les lettres d’Estienne , l’ung des vostres, la disposition de M. le Daulphin et la vostre, et le bon ordre que vous donnez aux affaires de par delà , dont ung chascun vous loue et estime. J’ay sceu aussy le chemin que prennent les ennemis , et m’a semblé qu’ils ne sçauroient pis faire pour eux que de se adresser à Thérouenne ou à Boulongne , estant lesdictes villes si bien garnies et munies de toutes choses comme elles sont. Je vous prie, mon nepveu, commander audict £stienne ou aultres tel que vous adviserez, que je puisse estre souvent advertie des nouvelles de M. le Daulphin et des vostres, sans prendre la paine de m’en escripre, pour les continuelles et nécessaires occupations que je sçay que vous avez ailleurs.

.Pour vous faire sçavoir de la disposition du roy de Navarre, il changea hier l’air du pont Sainct-Cloud en celui de Vanves, où il s’est assez bien trouvé, et commence à se pourmener par la chambre. Mais il est encores si foible qu’il ne peult pas faire grant chemin sans se reposer. J’espère, aidant Noslre Seigneur, qu’il sera bien toust guéry et en estât de faire service au Roy, selon le désir qu’il en a.

Je croy, mon nepveu, que vous avez bien sceu

DE LA REINE DE NAVARRE. 3&I

comme le Roy s’est trouvé mal , de quoy j’ay esté en très grant paine. On a envoyé quérir M. Burgencis, qui estoit icy avecques le roy de Navarre, pour aller devers luy. 11 est parti ce matin. J’entends que ce ne sera rien , car si sa maladie continuoit , le roy de Navarre m’a dict qu’il me donneroit congé pour aller devers luy, luy faire service pour nous deux.

Au surplus, mon nepveu, l’homme qui poursuit l’aflàire de Daulphiné, que vous entendez, est encores à la court pour entériner unes lettres du Roy addressées au président Bertrandy, pour exécuter la commission qui luy est addressée par le Roy, et n’a peu encores entériner les lettres , à cause des menées que l’on faict an contraire ; et une raison qu’on allègue , c’est que Gadaigne veult avoir la ferme du sel , et prester une grosse somme d’argent au Roy, ce qu’il ne vouldra pas faire s’il congnoist que l’on veuille icy maltraitter son prédécesseuiv Congnoissant les menées et ceulx qui les font , le roy de Navarre et moy avons envoyé M. de Juilly devers le Roy en diligence , pour luy offrir de vostre part et de la nostre tout ce qui pourra venir de ceste confiscation , et le supplier qu’il s’en aide au besoing pour son service, ayant bien le pouvoir cy après de nous en récompenser. Je vous prie, mon nepveu, en escripre encores unes bonnes lettres à M. le chancelier, car il me semble qu’il en est besoing. De nostre couslé, nous y ferons pour vous comme pour nom mesmes.

Il est temps, mon nepveu, que je fasse fin de lettres, .suppliant Nostre Seigneur vous donner aussy bonne

et heureuse issue de la charge que vous avez, que continuellement le requiert celle qui sera à jamais, de Vanves, ce xxvii' jour de juing,

Vostre bonne tante et vraye amye, Marguerite.

P. S. Je vous prie faire les très humbles recommandacions du malade et de moy à la bonne givice de Monsieur.

[ F. Bilh., n» 8507, fol. 85. Dictée. P. S. aulo. ]