A MONSEIGNEUR LE ROY

Bourges, le 9 janvier (1528 ).

Monseigneur, eu passant par le pays de Berry suivant vostre commandement, j'ay trouvé la pluspart des gentilshommes dudict pays assemblés à Bourges, attendant ma venue selon que je leur avois escript ; lesquels , après que je leur ay remonstré, ce qu'il m'a semblé devoir faire, joux ' la charge qu'il vous avoit pieu me donner, tous d'un commun accord, sans aucune contrainte, vous ont libéralement octroyé par forme de don , sans préjudice de leurs droits de noblesse, la décime de tous leurs fiefs et arrière fiefs, payable dedans le mois de mars prochain venaot , et m'ont requis vous supplier très humblement leur vouloir bailler vos lettres de desclaracion conformes à leur octroy , ouquel ils ont uzé de telle et si grande honnesteté , qu'il est facile de juger que leur première responce a plus esté faicte par inadvertance que faulte de bon vouloir et affection à vous obéir et faire service , ce que très humblement je vous supplie daigner croire , et les tenir tousjours en vostre bonne grâce pour très humblement recommandés, comme bons et loyaux subjects, qui ne voudroient espergner vie ne biens pour vostre service.

Monseigneur, je m'en vays en la plus grande diligence que je pourray parachever mon voyaige, que j'estimeroys heureux pour moy, si j 'avois le moyen de vous y faire congnoistre l'envye que j'ay de vous faire service. Me recom-

■ Jouxte, suivant.

mandant si très humblement que je puys à rostre bonne grâce , monseigneur, je supplie le Créateur vous donner en parfaicte santé très bonne et longue rie. A Bourges , le ix« jour de jauTier.

Vostre très humble et très obéissant subject et frère ,

Hehry '

[F. Bélh., n* 8562, fol. 3. IHetée. ]