AU ROY , MON SOUVERAIN SEIGNEUR

Sire , à la fin de ma vie j'ay esté enquis si des deniers de vos tailles et des crues qui ont esté levées de mon temps , estant en vostre service, combien j'en ay receu. Sire, je vous advertis que jamais je n'ay receu ni mangé deniers de vos traites , et ont esté vos receveurs généraulx qui en tiennent compte , et n'ay eu congnoissance ni maniement que des m mil escus de Naples , qui ont esté baillés par vostre commandement, et de Madame, pour vos affaires de vos guerres, et tout ce que j'ay fait de secourir à vos officiers a esté pour leur prester, et n'ay point faict leurs offices.

Sire , j'ay esté enquis de l'argent comptant que je puis

avoir receu. Répondu, et pour vérité, que depuis l'année 1523, je ne me suis point veu deux mil escus ensamble, après avoir forny les cent mil escus de mons'. d'Albanye , et 70 mille pour Bayonne. Et à présent je ne saiche or et argent la valeur de trois à quatre cens pièces d'or de toute sorte. Je vous supplie , Sire , ayez ceste créance que vous avoir veu en tant d'affaires que vous avés esté depuis, j'en eusse esté si malheureux , que je ne vous eusse secourru et de tout ce que j'eusse faict , (sic) et vous supplie , Sire , entendre que despuis deux ans souvent j'ai esté aux emprunts pour vivre '.

Sire, j'ai dict le surplus pour vous dire au curé de Saint- Nicolas-des-Champs, mon père spirituel, et à Madame. Je vous supplie le croire , et qu'il vous plaise , en l'honneur de la Sainte Passion de Nostre Seigneur, me pardonner si je ne vous ay si bien servy comme je suis tenu, et qu'y vous plaise avoir la femme et les enfans en vostre bonne grâce et avoir pityé d'eux, et que y vous plaise me faire acquiter pour ce que j'ay empruncté pour vostre service, et prie à Nostre Seigneur vous donner très bonne santé.

De vostre Bastille , ce vendredy.

Vostre très humble et très obéissant serviteur ,

J. De Beaxjne.

[F. Béth., n» 8606, fol. 68. A collât. ]

' Cela se trouve confirmé dans une longue lettre de Louise de Savoie , où elle rend une justice éclatante à la probité de Semblançay et à son dévouement pour le Roi. (Voyez Béth. 85o3, fol. i8.)