A MON COUSIN, M. LE MARESCHAL DE MONTMORENCY

De Saint-Germain-en-Laye, 28 septembre (15. . ).

Mon cousin , j'ay veu ce que m'avez escript pour le fait de l'élection de Senlis', en quoy, par le rapport de messieurs de Sens et président de Rouen , ayez si bien commencé vostre voyage, que , oultre le contentement que le Roy et Madame en ont de vous, j'ay ceste fiance que pour le service qu'avez fait au grant Roy , d'avoir esté cause de luy bailler ung tel serviteur *, il vous donnera la grâce de continuer à tel heur que aurez de plus en plus occasion de le louer. Vous me ferez au surplus plaisir de me faire souvent savoir de vos nouvelles ; je feray revanche de vous despartir de celles d'icy , qui jusques à maintenant sont très bien , et en la mesme sorte que à vostre partement les avez laissées; qui sera la fin pour ceste fois , priant Nostre Seigneur vous donner ce que plus désirez. De Sainct- Germain-en-Laye , xxviij® jour de septembre.

Vostre bonne cousine, Marguerite.

P. S. Mais la femme grosse ne l'est plus^

[F. Béth., n» 8514, fol. 53. Dictée. P. S. auto. ]

' L'élection de l'évêque de Senlis.

' Guillaume Petit, d'abord évèque de Ti'oyes. Plus tard il défendit Marguerite , accusée d'hérésie par Noël Béda , au sujet du Miroir de l'âme pécheresse.

' Je ne sais de qui Marguerite veut ici parler. Il } a apparence que c'est d'ello-niêmc. Elle n'eut point d'enfant dn duc d'Alcncon, mais pent-étre y cul-il un commencement de grossesse.

De Sainct-Germain en Laye, le 1 1= jour d'octobre.

Mon cousin, j'ay receu \ os deux lettres, et par la dernière me reprochez que je ne suis femme de promesse et que ne vous ay point escript, ce que toustesfois vous promis à votre parlement. En quoy fault que je vous die que vous errez, car je vous feis responce à ce que me mandastes de l'élection de Senlis et du contentement que le Roy et Madame en avoient de vous, et de l'espérance que j 'a vois que feriez heureux voyage , puisque le commencement y estoit sy bon; et davantaige vous faisois sçavolr , sy l'avez oblié, que la femme grosse ne l'es toit plus. Despuis n'y a eu nul changement , et est la compaignie au mesme estât que la laissastes, parquoy et que je voy que bien tost y serez de retour, ne vous en tiendray plus long propos , et feray fin en cest endroit, priant Nostre Seigneur, mon cousin, vous avoir en sa très saincte garde.

Vostre bonne cousine, Marguerite.

P. S. Vostre père n'oublie rien icy. Je vous prie que ne dormes pas avecques Mézières ', car l'on a belle envie de sçavoir sy vous avés riens faict.

[F. Béth., n° 8551, fol. 30. Dictée. P. S. auto.]

' Mézières était un secrétaire ou un courrier. Marguerite écrit à M. de La Rochepot : « Vous ferez bien de lui faire écrire par « Mézières. »