AU MEME

Sainct-Germain-en-Laye, dernier jour de février (15. .).

Mon cousin , pour vous faire sçavoir des nouvelles de Madame , je vous advertis qu'elle a esté merveilleusement malade d'une forte colicque, accompaignée de beaucoup de foiblesses. Vous povez penser la paine et l'ennuy que ce nous a esté ! Elle fist hier une pierre grosse comme ung pois; depuis, elle s'est tousj ours portée de mieulx en mieulx , mais elle se treuve toutesfois fort foible encores. Madicte dame m'a dict qu'elle désire merveilleusement h vous voir en ce lieu, et que j'eusse à le vous mander.

M. de Villene ' m'a advertie que vous aviez quelque mal d'estomac; parquoy, mon cousin, vous en ferez ainsi que vostre santé le pourra porter, que je désire estre telle et si bonne qu'elle permette vostre venue en ceste compaignie. Cependant qu'il plaira à Nostre Seigneur la vous envoyer , je vous prie me souhaiter pour ouïr les bons sermons de vostre Evesque % desquels je pense bien que ferez provision pour m'en faire part une fois.

Mon cousin, je prierai Nostre Seigneur en cest endroit vous donner l'heur et le bien que vous désire ( de

' Jean (le Brinon, seigneur de Yillaines, chancelier d'Alençon. " De Senljs, Guillaume Petit. Voyez ci-dessus, pages i54 et i56.

Sainct-Germain-en-Laye, ce dernier de fébvrier) celle qui csl

Vostre bonne cousine et amye, Marguerite.

P. S. Je vous prie sus tout, gardés vostre santé et me mandés comme elle se porte , car vous savés bien que je l'estime comme la mienne propre.

Je seray, s'il vous plaist, recommandée à M. de Sanlis.

[F. Béth., n° 85J4, fol. 57. Dictée. P. S. auto.\