A M. DE MEAUX

(Lyon? 1524.)

Bien que je sçay que ce qu'on estime bonnes nouvelles ne vous ont été celées, si faut il que je vous die que Dieu a faict la grâce au Roy de non seulement en son cueur le recongnoistre, mais souvent publiquement à tous dire et monstrer la grande miséricorde de Dieu avoir conduit son affaire , et par toutes les lettres qu'il a escriptà Madame, nefault à l'article d'en sentir tout venir du tout puissant, disant que nul n'en doibt ou peult prendre gloire; car il n'est en la puissance de raison de pouvoir entendre telle armée et artillerie en si peu de temps passer tels chemins, et qui, sans estapes , n'ont eu faulte de pain , mais abondance et à bon marché. Les rivières gaiables; que à tard se voit la ville de Milan forcée (les ennemis fuis dehors) sans estre pillée ; leurs gens battus , nuls des nostres morts; la peste par tout le quartier, sans que nul des nostres l'ait prise. Parquoy le Roy faict sa conclusion que c'est œuvre miraculeuse, où seulement a mis la main la bonté divine , qui , sans bataille ny assault , a donné victoire à ceulx qui croyent en luy et qui, sans rien

espérer de leur sens ou force, se confient en sa paternelle bonté; et requiert que Madame le fasse partout prescher et donner à entendre que le grant Dieu des exercites doibt avoir l'honneur, gloire et louange du tout. J'ay bien voulu retenir et vous escripre ces paroles , estant seure que aultant les sentirez comme Vostre bonne mère, Marguerite.

[ Suppl. fr., n» 337, fol. 410, verso. Copie. ]

Ici se place la bataille de Pavie, le 26 février 1625, jour de saint Mathias.

M. de Montmorency fut fait prisonnier avec le Roi , et ils ne furent point sépares.