A MON COUSIN , M. LE MARESCHAL DE MONTMORENCY

I.e despit de vous veoir si bon servicteur n'est pas sy giant qu'il me garde de louer Dieu de la grâce qu'il vous a faite de servir à heure et besoing celuy qui l'a mérité ; car croyés que la joye qu'il ' en a eue a esté sy bien sentie icy, qu'il n'est plus question d'ennuy ne de foiblesse de maladie , mais seulement se délibérer de faire ce qu'il a mandé. Bien est vray que toute ma vie j'auray envie que je ne puis faire pour luy office pareil au voslre , car où la voulenté passe toute celle que pouriés avoir, la fortune me tient tort, qui, pour estre femme, me rend le moyen difficile. Mais j'espère que Dieu quy voit mon désir, me garde heure où j'auray mon tour; à quoy vie, mort, et tout ce quy se peult craindre ou désirer, sera voulontairement sacrifié pour luy; et j'en supplie le tout puissant, vous

' Les premières lignes de cette lettre ont été coupées par le relieur. ' //, le Roi.

priant (sy voyés que bon soit) faire mes recornmandacions à M. le Vis-Roy % car l'honnesteté qu'il garde envers le Roy me rent si afrecsioniiée à luy, que je ne me puis tenir de vous prier luy en dire ce que vous connoissés que j'en doy penser; et le plus souvent que vous pourrez faire sçavoir à Madame toutes nouvelles de son fils , en la délivrance et santé duquel pend sa vie et consolacion, et sur les deux à la sienne fondée

Vostre bonne cousine, Marguerite.

[F. Béth., no 8550, fol. 17. Auto. ]