AU MEME

Mon cousin , il y a quelque recluse fort dévote, qui trois ans a , n'a faict que inviter ung homme que je congnoys à prier Dieu pour le Roy et luy faire service, ce qu'il a faict; et m'a mandé qu'il est asseuré que s'y plaist au Roy par manière d'oraison , tous les jours , quand il sera retiré, lire les épistres de Sainct-Pol, il est asseuré qu'il sera délivré k la gloire de Dieu et l'honneur de luy ; car il promet en son évangile que qui

' Le vice-roi de Naples, de Lanuoy, à la garde duquel François I'" avait été remis. François P"^ ne voulut lendre qu'à lui son épée : « Lannoy, un genou en terre, la reçut avec respect ; et détachant la sienne propre : Je supplie Votre Majesté, dit-il, d'agi'éer celle-ci, qui a plus d'une fois épargné le sang françois. Il ne convient pas qu'un officier de l'empereur voie un grand roi désarmé, quoique prisonnier. )> {Biogj\ iiniv.; Vov. Brantôme, Capit. illustres, XXIIL )

aime la vérité, la vérité le délivrera. Et pour ce que je pense qu'il n'en a point, vous envoyé les miennes, vous priant le supplier de ma part qu'i les veuille lire, et je croy fermement que le Sainct-Esperit, qui est demouré en la lettre, fera par luy chouses ainsy grandes comme il a faict par ceulx qui les ont escriptes; car Dieu n'est pas moins puissant ne bon qu'il a esté, et ses promesses sont toujours véritables. Il nous a humiliez par prison, mais il ne nous a pas abandonnez, nous donnant pacience et espérience en sa bonté, qui est tousjours accompagnée de consolation et plus parfaicte congnoissance de luy , ce que , je suis seure , mieux que jamais le Roy cognoist , n'ayant pour la prison de son corps l'esprit moins en liberté, et plain et remply de la grâce de celuy que je supplie parfaire en luy son commandement. En quoy ne peult avoir plus grand ennuy que se sentir pour son service inutile

Vostre bonne cousine, Marguerite.

[F. Bélh., n» 8562, fol. 38. Dictée.]