AU MEME

(Pau ou Nérac? Avril 1627.)

Mon nepveu , jamais femme ne fut en la paine en quoy je suis , saichant la maladie de Madame avoir esté plus grande que l'on ne m'a voit escript, et de ce que vous m'advertissés de son amendement je loue Nostre Seigneur, vous merciant de la paine que vous prenés à me donner la consolacion que plus je désire , qui est de savoir souvent nouvelles.

Mais, mon nepveu, je suis en merveilleux ennuyde ce que j'ay sceu qu'elle s'esbahit que je ne luy escrips point, et du tardement de mon retour, par quoy je vous prie prendre ce travail pour raoy que de parler au Roy, et luy dire que despuis la venue de M. de

Bayonne', jamais je ii'ay eu santé; mais cuidant de jom' en jour me trouver mieulx , je l'ay prié demourer icy, jusques à ce que je feusse en pouvoir de partir. Mais, à vous en parler privéement, je passe mon terme de plus de huit jours oultre mon mois , ce que je n'ay point accoustumé. Je n'en ouse faire bruit, de peur que ce ne soit riens ; aussy je crains à me mettre en chemin , afin que à ce commencement ' ne me viegne inconvénient, Toutesfois quoiqu'il y ait, s'il plaist au Roy me commander partir, je le feray, car je ne désire que luy obéir; mais en attendant, s'il luy pîaist faire celer à Madame ce qui est de son petitfils^, je l'en voudrois bien supplier, espérant moy mesmes luy dire en riant, et afin que Madame ne treuve estrange ma demourée, luy dire que j'ay ung reume sy grant , que j'en ay esté comme enfremée , et de vray je n'en ouse saillir de la chambre , et sus le tout je vous prie m'en mander vostre advis pour se conduire selon vostre bon conseil

Vostre bonne cousine et amye, Marguerite.

[F. Béth., n» 8550, fol. 65. Auto. ]