AU MEME

(Du même lieu et la même semaine que la précédente. )

Mon nepveu, puis que vous ramen levés le temps passé , il me semble que si vous pensés bien en tout ce que vous m'avés veu faire, vous jugerés que je voudroys plus toust mettre paine de vous retirer du feu si vous y estiez, que de souffrir vous voir en dangier de brusler'. Mais il m'a semblé que estant en Testât où vous êtes, ne devés craindre le feu d'ung aultre', veu que le vostre mesmes, en lieu de vous nuire, ne vous a servy que d'augmentation ou de preuve de vertus; parquoy devés avoir pitié de ceux à qui le feu ne peult donner que dimynucion de louenge. Mais , comme dernièrement vous ay escript, si plainte doit

' Marguerite reproduit en plusieurs endroits, et presque dans les mêmes termes, cette allusion à un fait que je n'ai pu découvrir.

' La passion de iVl. de Saint-Paul pour mademoiselle de Bonneval, fille d'honneur de la cour.

estre, c'est de moy, à qui vous mettes ung affaire en main où j'ay tousjours cspérimenté n'avoir nul pouvoir. Mais si j'entendoys aussy bien comme l'on peult vaincre par rigueur et audace ung cueur obstiné que vous faictes la passion de M. de Saint-Pol , je me feroys forte que le Roy seroit obéy, vous priant , si vous voulés y voir quelque fin , et aussy pour me ayder, m'envoyer quelque homme qui puisse respondre à ung cerveau plein de conclusions d'avocas , car mon esprit n'entend ne procès ne contrainte.

Je vous donneray cette paine de faire mes plus que très humbles recommandacions à la bonne grâce du Roy, et luy dire que, selon ce que vous m'avés mandé, j'ai escript nu roy de Navarre ne faillir à son obligacion. Il aura dans quatre jours ma lettre, et suis seure qu'il n'y faudra , si Dieu luy donne faute de moy.

J'attends à dimanche madame de Touteville , envers qui je feray ce que le Roy commande, vous priant (pensant au passetemps que je y auray) avoir pour recommandée à vos bonnes prières

Vostre bonne tante et amye, Marguerite.

[F. Béth., n» 8649, fol. 37, Auto. ]