IX. — Page 2o
Testament d' Anne Gohory.
Par devant André Bouret et Louis Pourat, notaires garde nottes du roy.,.. fut présente en sa personne damoiselle Anne Gohory, fille majeure.... demeurant à Paris, rue des Lions, au logis de M. le marquis de Sevigné, paroisse Saint Paul, estant au lit, malade de corps, touteffois en bonne santé d'esprit, etc.... Déclare la dicte damoiselle testatrice qu'elle n'a demeuré près la personne de madame la marquise de Sevigné depuis son mariage que par pure affection qu'elle luy a toujours portée et porte pour l'avoir la dicte damoiselle testatrice eslevée toute jeune et n'ayant jamais eu dessein de luy demander aulcune recongnoissance n'y apointements, depuis le dict temps, ayant eu assez de bien de son chef pour s'entretenir honnorablement, et touteffois, en tant que besoing est ou seroit, elle en quitte et descharge la dite dame marquise de Sevigné et monsieur le marquis son espoux, a laquelle dame de Sevigné elle a en oultre donné et légué, donne et lègue par ces présentes toutes les sommes de deniers qu'elle luy peut debvoir , a quelques sommes qu'elles se puissent monter contenues en ses promesses, que la dicte damoiselle testatrice veult lui estre rendues incontinent après son deces par madame de Colanges, a la quelle elle les a baillé, il y a quelque temps.
Comme aussy luy donne et lègue la somme de dix huict cens liures qui lui est deue par M. de Colanges, S*' de Saint Aubin, par contract passé par devant notaire, laquelle elle a aussi mis es mains de la dicte dame de Colanges , laquelle elle supplie de lui vouloir bailler et délivrer a la dicte dame de Sevigné, incontinent le dict deces d'elle testatrice arrivé. Et de plus elle a encore donné et légué a la dicte dame de Sevigné tous et chacun ses habits, linge et vaisselle d'argent et bardes generallement quelconques qui se pouront appartenir a la dicte damoiselle testatrice et estre en la maison de la dicte dame marquise de Sevigné, au jour du deces d'icelle damoiselle testatrice ; a la reserve et exception de son plus beau mouchoir de col, de point fin de Flandre, et d'une juppe de satin a fleurs fond vert, garnye de point fin, d'or et de soi(^, qu'elle donne a madamoiselh^ de la Trousse, fille de madame de la Trousse ; et de sa robe de taffetas qu'elh^ donne a madamoiselle du Verdier, estant près
de la personne de la dicte dame de Sevigné, et de son habit de ratine qu'elle donne a la damoiselle de la Masure, estant près de la personne de madamoiselle de Sevigné, fille de la dicte dame de Sevigné, le tout pour la bonne amitié qu'elle leur porte.
Le devant dict legs, ainsy faict par la dicte damoiselle testatrice a la dicte dame de Sevigné des choses susdictes, et tant pour la recongnoissance des grands soins et bons offices qu'elle a receus et reçoit d'elle journellement dans le cours de sa maladie dont elle
est atteinte il y a neuf à dix mois , et pour la recompenser de ce qu'elle faisoit des frais et despens a des prix extraordinaires que la dicte dame a faict a son subject, a cause de sa dicte maladie et infirmité corporelle, ensemble de sa nourriture ordinaire, depuis qu'elle est en la maison et avec la dicte dame de Sevigné ....
Item, son dict testament accomply, veult et entend ladicte damoiselle testatrice que tout le reste de ses biens, de quelque nature et condition qu'ils soient, demeurent et appartiennent purement et simplement du tout a toujours a noble homme Jacques Gohory, son frère, etc., etc.
Faict et passé.... l'an mil six cens quarante neuf le vingt cinquiesme jour de septembre, avant midy, etc.
