CLXXIX. (a3maiiî
LETTRE D'EDOUARD
Portant ratification et exécution du traité fait autrefois entre Henri III, roi d'Angleterre, et Louis IX, roi de France, pour la reddition de l'Agénois aux Anglais. (Rot. Vascon. à la Tour de Londres, an. 7 Ed. I, membr. l\- — Bréq. t. LXV.)
Edwars, par la grâce de Dieu roys d'Engleterre, sires de Irlande et dux de Aquitaine , nos fesuns à saver à touz ceus ki sunt et ki avenir sunt, ke cum nos requeissum nostre cher cosin et seyngnur Philippe, par la grâce de Dieu roi de France, et li demandissom ke il, solum la furme de la pès ke jadis fu fête et acordé entre soen père et le nostre de noble remembrance, c'est à saver Loys, jadis roys de France, et Henri, jadis rois de Engleterre, nos rendist et deliverast la terre de Ageneys, laquele estoit venue après le décès de soen uncle Alfuns, jadis cunte de Poytiers, et de la cuntesse Johane sa feme; etke il, à l'esgard de prodeshomes ke feussent nomez de une part et de autre, nos feist eschange covenable de totes iceles choses de treis citez et de treis éveschés , ce est assavoir de Limoges , de Caûrz et de Piéregort , lesqueles choses il ne puet mettre hors de sa main par lettres de soen père ou de ses ancessurs; cum li devant dist roys Lois, ses pères, ne peust avoir purchacé, solum la furme de la dite pès, envers ceus qe ces choses tennent, ke nos les eussuns euues dedens le terme establi en la pès; et requeissons encore ke il feist enquere en bone foi et de playn, par prodeshomes et léaus de une part et d'autre, si la terre ki li dis cuens de Poitiers tin en Caorsin de par sa femme , feu dou roi d'Engleterre, donée ou baillée ovek la terre de Agenoys, en tout ou en partie, par mariage ou par gagiere à sa soer ke fu mère le cunte Reymon de Tolouse, deroinement mort- et si il estoit trové ke
einsi fust icele terre, laquele li vint après le desès dou cunte et de la cuntesse de Poitieres devant dit, et laquele il tient en fée ou en demeyne, il nos donast solune la teneur de la pès devant dite. Et l'en propousast encuntre par le devant dist nostre seyngneur le roi de France, ke nos, avant totes ces choses, esteyuns tenuz à fere li doner la seurté des chevalers et des viles des terres ke ses pères dona au nostre en l'avant dite pès; de quele seurté la furme devoyt estre tele : c'est à saver ke li home et les viles des dites terres jurroient ke il ne dunroyent ne cunseil, ne force, ne eicle par quei nostre pères, ne si hoirs, venissent encuntre ladite pès; et que s'il avenoyst ke nostre pères ou si hoir venissent encuntre et ne le vousissent amender, pus ke le roy de Ffrance les en auroyt fet requere, cil ke, la seurté fête, dedens les trois moys ke il les aueroyt fet requere, serroyent tenuz de estre aidanz al roi de France et à ses hoirs, cuntre nostre père et cuntre ses hoirs, geskes à tant que ces feust amendé suffisamment à l'esgard de la court le roy de France. Et devoist estre renovelé ceste seurté de dis ans en dis ans, à la requeste le roi de Ffrance ou de ses hoirs, rois de France; laquele seurté ne avoit pas esté cumplie ne renovelé de nostre part, tut en eussuns esté bien requis de part le roy de France , et tout feust prêt à passer li termes ke ço deust estre fet, si cum la partie nostre cosin le rei devant dit affermoyt. A laquele chose nos respondiuns ke par nos ne estoit demoré ke tout ço ne eust esté cumpli, mes par les homes et par les viles de celés terres ki le serement ne voleyent fere par plusours resons, et plusures deforses ke il mettoient avant. A la parfin, après moût de traitiez et mult de voies palées seur totes les devant dites choses, feu fête entre nous et devant dist nostre seigneur le roi de France pardurable pès et concord, par laquele il nos a rendue selonk la furme de ladite pès fête entre nostre père et le sien, la terre de Ageneys, laquele li eschet de la cuntesse Johane devant dite, à nous et à nos heirs à tenir pardurablement de li et de ses hoirs, rois de France, par cel meime homage lige par lequel nos tenouns de lui, cum dux d'Aquitaine et pers de France, toute la terre ke nos avons de par
nostre père ou réaume de France. Et le roi de France demeure quite de la ferme ke il poiet avant pur celé terre ; et par ceste pès nos quita iceli rois à touzjours, pur li et pur ses hoirs et pur ses suecessours, lé seremens de la seurté des chevalers, des homes et des villes des terres que ses pères dona au nostre, par la pès fête jadis entre eus, si cum il est dist par devant, ço est à savoir touz iceus seremens que il poeyt demander par celé pès fête entre nos pères. Et si aukims de ces seremenz sunt receus par le roi de France devan dit, il les a quités pur sei et pur ses hoirs et pur ses successours; et en sont cens ki les seremens firent, si aucun en soit fet. Et nos, pur nos et pur nos hoirs et pur nos successours, li avum quité pardurablement tos les esehanges que nos li demandions ou poiuns demander pur ceus dé troiz citées et détroiz éveschiez devant dites, ke sount privilegez par lettres dou rois Lois devant dit ou de ses ancessours, qu'il ne puissent estre mis hors de la main le roi de Ffrance. Et demorent à nos et à nos heirs iceaus privilèges dé troiz citez et dé trois éveschiez devant dites, que se sunt turnez juskes aujourd'ui ou obéi à nos ou à nostre père, seit de leur volenté, seit à la requeste dou dit roi de France ou de soen père. Et par ceste concordance, li devant dit nostre sires le roi de France est tenuz et a premis ke il fera enquere, de la manere desusdite, si la terre ke li cuens de Poitiers tint en Caorsin de par sa femme feu donée ou baillée en tout ou en partie dou roi d'Engleterre par mariage ou par gagière à sa suer, qui fu mère au counte de Tholouse, si cum il est dist devant; et co ke trové serra ke en fu ainsi baillé ou doné, il nos serra tenuz à doner selonc la tenur de la dite pès fête entre nos pères. Et ceste pès et ceste acordance, si cum ele est cuntenue en ces présentes lettres, et touz les articles qui sunt contenu en ladite pès, que fu fête jadis entre nos pères, fors ceux qui sunt changiez par ceste présente acordance, nos avons promis et promettons à tenir, à garder et à cumplir fermement. Et toutes ces choses en la présence dou dit nostre seigneur le roi et en la nostre, nos avons fet jurer en nostre aime au saintes évangiles par Johan de Vesci, nostre chevaler, aquel nos do-
naines poer et comandement espécial à ço jurer en nostre noun et en nostre ame. Et kant à ces choses einsi tenir et acomplir, nos avons obligé et obligeons nos et noz hoirs à nostre seigneur le roi de France avant dit, et à ses hoirs et à ses successurs. Et cil masmes nostre sires le roi, en confermant et en aprovant que il fist jadis, ou tans que la devant dite pès fut fête entre soen père et le nostre , de celé pès tenir et gardir, a promis par çoli mesme serement à tenir, et à gardir, et à complir fermement et establement totes les choses que en ceste pès sunt contenues, et tous les articles qui sunt contenuz en la pès que feu fête entre nos pères, exceptez ceux qui par ceste présente pès sunt changiez. Et à ces choses einsi tenir et garder et acomplir il a obligé soi et ses hoirs à nos, et à noz hoirs, et à nos successours. Et en tesmoynage de toutes ces choses, nos avons doné au roy de France ces lettres sélées de nostre scel. Ço fut fet à Amiens, le vint é troisimejour de mai, en le an Nostre Seigneur mil deus cens septante et nef.
N. B. Ces lettres sont les mêmes [mutatis mutandis) que celles de Philippe, roi de France, que Rymer a publiées, 1. 1, part, n, p. 179, en latin et en françois, d'après L. B. pênes Camerar, Pat. 7. E. 1, m. i5, in schedula. B.
CiLXAA. 1 Juin U79.)
LETTRES
Par lesquelles le roi nomme Pierre Aucoste , receveur de ses revenus dans le Ponthieu. {Rot. Vascon. an. 7 Ed. I, memb. 1. — Bréq. t. LVI.)
Edward, par la grâce de Deu roys de Engleterre, et Aliénors sa cumpaingne , fesons asaver à tous ke nos avons establi et establissons Pieres Aucoste, nostre burgeois de Abbevile, receveur de tûtes nos rentes ke nous avons en Pontieu, tant en bois cum en autre choses,
et avérons aseiz ferme et estable tut ceo ke em fera à ly en nostre noun. Et en tesmoingage de ceste chose, nos li avons fet aver ces présentes lettres seellés de nos seaus. Et furent donés au Gart, en le an de grâce myl cclxxix, el meys de jun, la vigile Sein-Barnabé le apostole.
