A TOUS LES HABITANTS DU COMTÉ DE PONTHIEU ET MONTREUIL
Pour qu'ils reconnaissenlThomasde Sandwich, chevalier, pour leur Sénéchal. (Piot. Vascon. an. 7 Ed. I, membr 2. — Bréq. t. LVI.)
Edward , par la grâce de Deu rey de Engleterre , et neus Alianores sa cumpaingne , etc. a tus abbez , prieurs et autres religieus , contes, barons, chevalers, maieurs , esquevins , vescontes, provoz , serjaunz et à tus ces autres ministres et se sougis féals et léaus en le conté de Pontif et de Mostruel : Vous cez conu que nus establisons et avons establi notre féel et nostre léel Thomas de Sanwyks , chevalier,
nostre séneschal et gardein de tûtes nos terres de la cunté de Pontif. Si vos maundons et enjoinnons à tus ensemble et à chescun par ly , en le fey et en le amour ke vus nus devés , ke à l'avant dist Thomas, nostre séneschal , soés entendant et respondant, et fesant pur ly en tûtes choses dé busuingne et dé chose de nostre terre devant dit , ausi avant cum nous i esteimes présent par devant vus. Et en tesmoinage de ceo , nous avons séellez ces lettres de nos seaus. Faites en Tan
de grâce myl cclxxix, en le moys de may, l'endemain del de
Pentecuste.
CLXXVIII. (Ma
LETTRE
Par laquelle le roi ratifie un acte passé entre Jean de Nesle, comte de Ponthieu, etGobert André, bourgeois, pour la monnaie de Ponthieu , vendue et cédée par ledit Jean audit Gobert, sous certaines conditions y énoncées. [Rot. Vascon. an. 7 Ed. I, membr. 2. — Bréq. t. LVI.)
Edwàrs , par la grâce de Dieu roys de Engleterre , sires de Irlande, dux de Aquitaine, cuens de Ponthieu et de Mostreuil, et Aliénors, royne , dame , dukesse et contesse des lieus devant dis , sa compaygne , faysuns assovoyr à tous cheaus qui ces lettres verrunt et orrunt, que comme Johans de Neele , jadis cuens de Pontieu , et nostre chiere mère, medame Jone, par la grâce de Deu jadis roine de Castele et de Lion , contesse de Pontieu , se compaine , eussint baillié et vendu lé monoie de Pontieu à Gobert André , burgoys , de doze cens et chinquante le milier, dedens la Pestecostre ke fu en Tan lxxix, et devant estre li wint miliers de deners et li quaraunte de malles doubles; de lequele some devant dite il demora à faire après le terme passé , deus mille et neuf cent de deners au groys milier, et demorra de mailles mil set cens et dis luvres ; et eyns le chache achie-
vant , li devamt dis Gobers purfist et achatast dé devant dits monseigneur John et nostre chère mère madame Johanne, que Deus assoille, jadis reine, autre doze millers, ch'est assaver : vint de deners gros, et quaraunte de mailles doubles à faire et à deliverer de le Saint- Remi qui doit estre en l'an lxxix, dekes à la Saint-Remi ke sera en l'an (quatre) vinz et i an, ch'est assaver deus ans. Et si plus fesoit li dis Gobers de deners, eins cheu terme venant, il en devoit paer au feur des autres, ch'est assaver de checun miller seissaunte liuvres de corn, des doze millers deorains ; et se délivrent li deners de sey à quatre maille argent le rey , et de peys de xviij sous et deu deners au marc le rey ; et si treis mars faissoient plus ij deners , sa délivrance ne s'areste , et les mailles se délivrent à li à treis argent le rey et de pois de xxv sous au marc le rey; et est le taille de deners au treis forz et au treis febles au fereon. Et deitent fere prendre par tut le conté, i dener pur un dener et deu mailles pur un dener ; et deit cyl Gobert aveir tele de cange par tut le conté où yl plerra meuz ; et si deit le garde prendre dis deners de checun cent livres et mestre en boiste ; et quant ele serra dehvere par la main de nostre garde juré et de nostre eschaungeor juré, li devant dis Gobers en doit estre cuites et délivrés, et tut si apercevant par reson de la moneie. Et s'ensi estoit ke li essaiers trouvast meins en la novelle q'yl fra en la veulle, chose ke afeirt amender, li dis Gobert le deit amender einsi cum il est acoustumé es moneies le rey de France. Et a li dis Gobers ceste moneie sauns nuns enkierissement, et le deitom tenir franc luy et tute sa gent overers et moneiers, si cum om feit es moneies le rey de France. Et tute les feiz Gobers requerra ke om défende tute moneies en le cunté for la moneie le rey de France , et uni le deit fere. Nus Edwars par la grâce de Dieu reys de Engleterre , et Elianore par meime celé grâce reine et sa cumpainne , tûtes ces convenaunces et ordenaunces susdites faites à celi Gobers voluns et otreiouns cume seingneur de la monoie et chef. En témoinnage de ceo, nous auns baillié audit Gobert ce présentes lettres scellez de nos seus. Donées en l'an de grâce myl é deus cens seissaunte diz é nef, en mois de may.
