COMTE DE RICHEMONT
AU ROI D'ANGLETERRE
\u sujet d'un de ses fiefs sis au comté de Lincoln. (Des liasses de la Tour de Londres, n° i2.-.Bréq. t. LXVI.)
CES SONT LES SUPPLICATIONS QUE LE DUC DE BRETAIGNE FOlT POR LA RAISON DE SA COMTE DE RICHEMONT À SON SE TRES-CHIER SEI- GNOUR LE ROY d'eNGLETERRE.
Premièrement, misire Pierres de Savoie achata auscunes terres es fiez de Richemont, et enpreis le déceis à yceluy Pierres, les acquêts que il avoit foit furent à monseignour le roy d'Engleterre. Et autres foiz le duc desus dit requist monseignour le roy que il lui délivrast son fié , quar il ne poait estre son seignour et son home d'une chose maesmes. Et lores , monseignour le roy entendent que il requéroit raison, dona celé terre à Hues le filz Ote, et iceluy Hues en fist homage audit duc. Et en puis ycelui Hues vendist celé terre, qui est appelée la terre Ledeham, en la contée de Nichole, à sire Gautier de Colevile, seignour de Bitham, lequel ot un filz qui ot nom Rogier de Colevile, lequel Rogier tint la terre desus dite et en fut home audit duc. Yceluy Rogier morust et a un enffent qui est souz aage et air audit Rogier ; duquel enffent apartient la garde audit duc à ladite terre de Ledeham , par la raison de ladite contée de Richemont. Et corne le bailliuf audit duc eust foit saisir en sa main ladite terre par la raison de la guarde, les gienz monseignour le roy, ce est à savoir ses eschoieleours, gietièrent hors de la saisine la gient
audit duc, à tort et senz cause resnable; quar ledit Rogier ne tenoit rien en chief de monseignour le roy cVEngleterre. Pourquoy soupplie ledit duc que monseignour le roy ouste sa main, et la saisine sa gient de ladite terre de Ledeham, et que son fié et sa guarde lui soient délivrez.
Item soupplie le duc desus dit que monseignour le roy lui fasse grâce de mètre atorné por luy en sa contée de Richemont, qui ait pouer de mettre et establir autre ou autres pour luy, à requerre et à plédoier en demandant et deffendant.
Item, corne auscuns melféteours fussent venuz en la foire de Saint- Botou, etmeissentle feu en la vile pour rober les marchianz, dont plusors marcbaanz furrent desrobez et grantmant endomagiez, soupplie ledit duc que lesdiz malféteours soient amenez au leu pour prendre droit.
Item, corne la gient monseignour le roy demandent à la gient audit duc sys cenz livres de fescuage des trois guerres de Guales, dont monseignour le roy le a quité autrefois, soupplie ledit duc que monseignour le roy mande à sa gient que ils ne s'en efforcent pas é que ils laissent sa gient en paez, et que désoremès ne les demandent.
Item soupplie ledit duc que les wappetaz de sa terre de Nicbole lui soient baillez pour une certeine summe d'argent, non mie pour proffit que il i entent à avoir : mes parce que ses terres et ses gienz seroient mielxtenuz, etguardez, et mains chapitez des viscontes.
Item, remembrance des fiez et des arrière-fiez d'Engleterre que les
sougiez clovent à tenir des ans de domages vienent
et au roy et aus autres bauz bornes de la terre, et en guardes, et en juridicion, et en forfeitures, et en autres cboses.
Item, remembrance que ledit duc ne soit enploidié que de quatre cboses : novele de saisine, douaire de dame, etc.
.V. D. Copié sur la cétlule originale en parchemin, mangée des rats en un endroit. I».
