DE DIVERSES HOSTILITÉS
Commises sur mer par les Normands contre les Bayonnais et les autres sujets du roi d'Angleterre. (Des liasses de la Tour de Londres. — Bréq. t. LXVI.)
Ce sount les grevances et damages queux les Normauns ount
FAITS À VOS GENS DE , DE BAIONE , D'IrlAND ET D'AILLOURS DE LA
MARINE D'EnGLETERRE, ET LES RESPONS QUEUX VOS DITE GENS VOUS OUNT FAITS SUR LES CHOSES DOUNT VOUS LES AVES CHARGEES.
Âdeprimes, à Kymenois, es parties de Bretaigne , l'an de nostre
seigneur le Roy xx, en caresme , Normans ocistrent de
Bayone, à la funtayne de Kymenoys , et après assaillèrent la neef Piers de Nounay de Bayone, et coupèrent le mast, el 1 obèrent la neef, et les homes ocistrent, à leur gref damages de mil livres.
Et après, meismes ceux Normans vindrent à Ryauntsur Gérounde,
et trovèrent illeques quatre bateaux de Bayone, et les et
enfundrèrent desous l'ewe, et ocistrent vi homes deBayonneà terre. Quant les outraiges dessus dits furent faits noveles , vindrent de
c Burdeaux as mariners d'Engleterre, d'Irlaunde et de
Bayone , et monstrèrent le outrage et le fait au conseil de Burdeaux. Iter d'Engoleaime , meintenant le conestable , fesoit assembler les mariners d'Engleterre, de Bayone, d'Irlande, de Normandie et de
Bretaigne que ià furent; et là s'entrejurèrent tous les mestres que de cel eure en avant nul ne freit à autres grevauncc ne damage ; et si nul alast countre celi serement, tous les autres lui courrerent sus tanques le trespas fust amendé. Au partir de Burdeaus, les neefs d'Engleterrc et de Bayonne alèrent à parties où eles furent frettées, par cincs, par sis, par quatre, si corne elles furent chargés, les unes devant, les autres après, corne gents de pèes; à meismes cel eure quatre-vingts neefs de Normendie demorèrent à Burdeaus et se chargèrent des vins ; et quant les neefs furent chargées , ne se voloient partir nul de autre, mes tantost dressèrent leur chasteaux devant et derère, et chastel sus les masts , et leur hanères, si corne gents de guerre ; et en celé manère issèrent hors de Gerounde ensemble , siglèrent devant la Rochele et trovèrent en un lieu que est appelle la Pertuse de Antioche une neef de Bayone chargée de dras et des autres marchandises venant de Flaundres; ladite neef assadèrent et pristrent les mariners, et les marchans de Burdeaux et de Bayone ocistrent, les biens pristrent et robbèrent à lour gref damage de m mil libres, et la neef enfundrèrent en la meer. Après meismes l'an avant dit, les Normans trovèrent gent de Bayone à la tour de Vylein et ocistrent xx homes. Après meismes l'an , meisme ceux Normans à la Cheare en la Bay ocistrent xxn homes de Cinc Ports d'Irland.
En meisme l'an, une neef d'Irlande de la ville de Pios vint chargée des quirs et des leynes à la ville de Roan en Normandie, et le mestre de la neef vencli en meisme la ville les quirs et les leynes pur v cens livres; et quant il sigla vers son pays, Normauns li assaillèrent devant Cherebourgh et la neef pristrent, et ocistrent les mariners, et un garsoun pendirent à la verge del tref et les v cens livres pristrent, et menèrent la neef en la havene de Caan , atout le garsoun pendu.
Après, en meisme cel an xx, après pasches, Normans trovèrent une neef de Wycheringe de Sussex, la neef assailèrent et pristrent
les mariners, as uns couperount les es, et les ocistrent tres-
tous et les biens de la neef robèrent iv cens livres d'esterlings , et la neef enfundrèrent en la meer.
En mesme cel an, en la meer countre Fécaump, Normans trovèrent une neef d'Irlande de la ville de Drogheda; la neef pristrent et les mariners et marchans ocistrent , et lour biens i obbèrent et emportèrent à la mountance de v cens libres et de plius.
Après, en meisme l'an et en celé sésoun, gent de Winchelese e de Hastinges , vindrent devant Depe en deux neef, fesant lour marchandises à terre, les Normans de meisme la ville de Depe pristrent les ii neefs et les biens robbèrent à la vailance de v cens libres, les mariners coupèrent les pées à la mountance de xl homes qui mariners, qui pellerins, et les neefs enfundrèrent en la meer.
En l'an avant dit, la gent des Cinc Ports et de Bayone et autres de la marine d'Engleterre et d'Irlande , allèrent à Burdeaux à vendeges , pur chargir marchandement, si corne ils soloient faire, et pur ce
q'ils savoient bien que Normans les avoient maudis ferreient
Jamage, les mestresde la navie d'Engleterre , de Bayonne, d'Irlande ne se voloient mie purchargir; mais pur la doute des Normans ne se chargèrent fors que à la moyté, et ansi retornèrent à lour damage et al damage du roialme d'Engleterre x mille libres.
Après, en l'an xxi, le roi de Fraunce envoïa un soen chivalier à Burdeaux, et feseient soner trompes, et la pèes fist crier entre la gent le roi de Fraunce et la gent le roy d'Engleterre, et défendi de par le roy de Fraunce sur vie et sur membre et sur forfaicture des terres et chasteaux, que nul ne feist damage, moleste ne grevaunce à la gent du roialme d'Engleterre , d'Irlande.
A meisme celé eure, sire Edmond, vostre chier frère, fust à la court de Fraunce et entendi cornent la pèes fust comaundée; par quoi il manda à sire Estevene de Penecestre , nostre gardein , q'il entendi que vos gens de la marine d'Engleterre, de Bayone et d'Irlande poeient seurement alier à Burdeaux et aillours en le poer de France , fesans leur marchandises auxi corne ils soloient. faire; et seur icele asseurté, vostre gent de la marine d'Engleterre, de Bayone,
d'Irland, alèrent lour marchandises fesant à Bourdoaux et ailours, corne gent de pèes en la seurté avant dite et en la pèes cric ; vostre gent de la marine de Bayone , d'Engleterre et d'Irlande furent à Bourdeaus pur charger; et Normans avoient ce entendu firent une flote de m cens neefs et de pluis , et partirent la flote en trois, c'est assavoir, à le isle de Baas une partie , la secunde à Seint Maheu, la tierce à Pennarc (Penmark). Quant les neefs chargées retornèrenl vers l'ostel, là où eles estoient frettés, et si corne lesdites neefs vindrent corne ceus qui entendirent estre en pèes, la flote des Normans avant dis les neefs de vostre roialme de Bayone et d'Irlande assaillèrent felonousement , et encontre l'avant dite pèes crié , lxx neefs pristrent, si corne les neefs vindrent par v, par vi, par x; les hiens et leschateaus robbèrent, les marchans et les mariners ocistrent, et des neefs feseient lour volunté : et ce damage leur firent à la mountance de xx mille livres d'esterlings , et de plus , sans la gent mort. Uncore dedens l'avant dite pèes crié, à seint Malou de Lyle avoient xx neefs de Bayone. Normans pristrent les deus neefs et les biens robbèrent à la mountance de n mil libres et pristrent lxx homes, et les uns pendirent et les autres escorchèrent et les pendirent par leurs quirs de mené, et pendirent mâtins juste les cristiensen despit de la cristenté et de vous et de vos homes.
Après, à Lanyoun de Bretaigne, ix neefs de Bayone furent prises et arses par gent de Normandie , à lour damage de vi mille livres , et la gent occis.
Après, en l'an xxvi, en quaresme prochein passé, Normans robbèrent une neef chargée des vins de Aucerre , que furent les vins à Wauter de Sandwis , à soun gref damage de c libres.
Normans pristrent la neef Adam de Fulham de Loundres devant Soune , meisme cel an , et la neef robbèrent de vu vingts libres d'esterlings en deniers cornptans , et les mariners pendirent sur la verge de leur tref, et la neef lessèr«nt aler à Werks.
Après, une neef de Santwis, qi est appelé le Godier, fu chargée des vins de la Rochele et vint en l'ancresoun de Glenaunt; là vindrent
v neefs de Normandie et pristrent l'avaunt dite neef ove tous les vins, et ocistrent xvi homes de vostre port de Santwis. Des damages q'ils reçurent de leur châteaux, amounte ce lihres et plus.
Normans pristrent une neef de Donewis à Barheslet dedens la havene, et les biens aportèrent à la mountance de c libres et ni homes occis.
Sire, totes ces anguises et grevances nous avant dis avons resceu par la gent de Normandie, à leur tort à qi de rien n'avons ti espacé; quar tous jours nostre gardein nous defendi de par vous, que nous ne feisons damage ne grevance à la gent du roy de Fraunce ; mes vos gents dessusdits avoient mestier de alier à lour marchandises au Reks es par parties de Burdeaux, et se purvirent d'alier ensemble enterement corne gent de pèes , et garnis par la doute des Normans en aventure, si ascune gent les voloient assailer, que eus se puissent défendre et garder de péril et de tous damage , corne devant avoient resu; et si enterement et en celé manère partirent de Portesmue lendemem du jour de seint Jourge que passé est, et siglèrent taunt quesà la Seint-Maheu en Bretaigne; et en celés parties demorèrent, qe avant ne poeient alier par défaute de vent; et à meisme celé heure la navie de Normandie fust asemblé à la rivère de Charaunte, au pount de Fawney, et là se chargèrent des vins, chascun neef la moyté de soun charge, pur ce q'ils voloient alier légèrement pur grever vos gents de la navie d'Engleterre , de Bayone, dTrlaunde , les queux furent en la costère de Bretaigne , et les Normans bien le savoient. Les Normans se hastirent tant corne ils poeyent de issir hors de la rivière de Charaunte, et si tost corne les Normans furent hors de la rivière, ils avoient vent à soheit de alier à la costère de Bretaigne là où vos gents furent aunkrés, et là, le vendresdi prochein devant la Pentecoste que passé est en cest an , vindrent Normans ov ce neefs bien eskipées de gent d'armes, chasteaux hordis devant et derère, chasteaux au somet de chacun mast, banères desploies de rouge sendal , chascune banère de h aunes de large et xxx de lonc, lesqueles banères sount appelés baucans, et la gent
d'Engleterrc les appelent stremeres , et celés banères signefient mort sans remède et morlele guerre en tous les lious où mariners sont. Et en celé fourme et en tele manère, Normans vindrent sur vos genls et les assaillèrent félonusement encontre la pèes avant crié. Vos gents se défendirent et Dieu par sa grâce leur dona victoyre de leur ennemis, en eux-meismes défendant corne ceux que ne poeint eu autre manère eschuere la mort. Et totes ces choses sount faites par fait de guerre comencée et continué par Normans ; et notoires sount et opertes , compassées et faites félonusement et countre vostre gent dedeus pèes crié. Et pur ce que les Normans par lour outrage el par lour coulpe , ount commencé et continué ladite guerre et ount envahy et assailli vostre gent ove signe de guerre mortele, c'est assavoir de ledit baucan , et vostre gent ount fait ce q'ils ount fait en eux défendant , si corne il est dit par desus , nous dioms , par les choses et raisons desusdis , qe nous ne sums tenus faire restitution ne amende si nulle chose eit esté fait ou prise par nous en ladite guerre; quar il est usage et ley de meer que, de choses faites ou prises sur meer en guerre meismement ou ledit baukan soit levé, ne doit estre fait restitution n'amende d'une partie ne d'autre ; que celé banère levée, c'est usage et loy du roialme dEngleterre que, si un home feit un mort ou autre chose semblable en soy défendant, il n'est tenus de ce ne en temps de pèes ne de guerre; dount, sire, vos barons des Cinc Ports et tous les autres de la marine de vostre roialme d'Engleterre et de vostre seignurie vous prient que tort ne fource lour soit fait; quar eus serount tousjours prest de faire et receivre droit en vostre court par agard de leur paers, countes et barons , selonc la loy de marinage , quant deveront et là où ils deveront. Et , chier seigneur, vos barons des Cincs Ports et tous les autres de la marinage vous sount sermentés countre tous que purront vivre et morir, et, si vous plest , q'il vous sovigne cornent vous estes sermentés à vostre poeple de tener les endroiture solonc les loys, et les custumes , et les franchises que vos ancestres roys d'Angleterre ount donée, et vous-meisme granté, confirmé. Et soit le consail le roy
bien avisés que si tort ou grevance leur soit fait en autre manère contre droit, plus tost gerperont femes, enfans et quantq'il ount, et irrount purchacier par la meer, là où ils quideront leur preu faire.
Ce sount les damages qui les Normans ount faits as marchans
ET AS BONE GENTS DE BaIONE , ESTRE LES AUTRES DAMAGES CONTENUES EN LES GREVANCES FAITES AS BONE GENTS DENGLETEF.RE MARINERS ET ASDITS BAYONEIS EN COMUN.
C'est assavoir que les Normans félounousement et sans raison, les queus furent de Vernamle , murdrèrent et décolèrent William Pevre de Bardos, mestre de une neef de Bayone , et robèrent les biens à la value de iv mil libres, et de pluis.
Les Normans murdrèrent félonousement et à tort en le yle de Bas, Garcias Ernau de Byndos, et Piers de Lasican , et ascuns autres lour compaignons, jusques à x marchans et mariners de Bayone.
Item les Normans murdrèrent félonousement et à tors, Piers de Fort mariners de Bayone, et vi de ses compaignons, à la Palice en la Rochele.
Les Normans pristrent maliciousement Piers Ernaud de la Berne , marchant et mariner de Bayone, sans nul tort que il i avoit fait à Arefleu en Normandie, et si lui tindrent pris moût longement; pur laquele prison il fesoit coustages et despens à la mountance de M libres de turnoys, et de pluis, estre les damages q'il reùst.
Item les Normans si levèrent les ancres de la neef Arnaud Remon de Gastanos, laquele neef fu en ancre en le port de Hareflu, et la robèrent de celé auncre; par laquele levé l'avant dite neef si alapérilantpar la meer ; et si perdi v homes qui estoient en la neef; et si fu damage à la mountance de m libres de turnoys et de plus.
Item les Normans maliciousement et à tort se enancrèrent en port de Edierne, Piers de Sambyon, mestre de une neef de Bayone et ses compaignons qui furent en la neef ovesqes lui; et les plaïèrent morttement et ocistrent ascun des compaignons; et ceus qui remistrent vyfs pristrent, et les mistrent en maveis prisoun. et si les
firent reneer. Par les queus choses si sount damages à la mountance de x mil livres de turnoys et de pluis, estre les morts et les plaies et les cops q'ils prislrent.
Item les Normans si pristerent à Pennarks, en la costère de Bretaigne , n escarperyes ove le peysoun et les deners et les autres biens que furent dedens des bons genz et des marcbans de Bayone; et si en firent lour volunté à tort et à pecché et sauns raisoun, à la mountance de x mil livres et de plus.
Item les Normans pristrent countre raisoun et à tort , al boys de la Rochele, i selop chargée de cyre, de quirs et des autres avers de poys des bone gents de Bayone, à la mountance de xxx mil libres de turnoys et de pluis.
Item les Normans si pristrent à tort et countre raisoun une neef de Bayone laquele estoit annexe en sauvetée en le chay de la Rochele, et la botèrent hors de l'avant dit chay, et si les despecèrent et l'arsèrent en fîaumble ; laquele vausit comunalement v cens libres de turnoys et de plus.
Item les Normans si pristrent par lour malice à tort, en la Rochele, Piers de Artigalonga , Piers Vidal d'Ordice et William Arnaud ; donqe pristrent les meistres de m neefs de Bayone et si les détyndrent pris sans reson moût longement; par laquele prison si firent coustages et furent damages à la mountance de m libres de turnoys.
Item les Normans si pristrent sans raison, et à grant tort robbèrent William Arnaud de Naec, marcbans de Bayone et ses biens à la mountance de m cinc cens libres de turnoys, les queus biens estoient à la Rochele.
Item les Normans pristrent et robbèrent à la Rochele, de Pers, de Campeks, Père Remond Corder, Jehan de Juson, William Arnaud de Lagios, Piers Arnaud de Josses, Arnaud Doran, Remon de Sarges, Domenion de Lucbardis, Jehan de Hogorelh, Michel de Hogorelh , Piers Johan de Viks , William de Fremelet, Piers Durans, Piers Arnaud de Lescar, et de ascuns autres citeseins de Bayone que avoient acustumé à demorer à la Rochele et s'en sount luis
pur douteet par la malice des Normans, à la mountance et damage de v cens libres de turnoys et de pluis.
Item les Normans si vindrent à Seint-Bret en Bretaigne , le mercredi après la darreine feste de la Pentecoste passée, et si tuèrent et murdrèrent illecques Remoaud Arnaud de la Forcade , marchant de Bayone et pristrent ses deners et ses biens , et dépescèrent ses Chartres et ses lettres, et pristrent tous les autres biens que furent illeqes des bone gents de Bayone, et usèrent les vyhs, etfyrent damage à la mountance de xxx mil libres de turnoys et plus.
N. B. Copié sur un rôle en parchemin. — On Ht au dos : « Principium Guerre in mari
Anglie , tempore avi domini nostri Régis.» B.
Vovez ci-après les négociations entamées, à raison de ces faits, entre les rois de France et d'Angleterre, pages holi, l\ik- C. F.
