DE L'ABBESSE ET DES RELIGIEUSES DE FONTEVRAULT

A EDOUARD I, ROI D'ANGLETERRE

Pour le faire souvenir de la promesse qu'il leur avail faite de leur donner la princesse Marie sa fdle1. (Des liasses delà Tour de Londres. — Bréq. t. II.)

A très excellent et victorious prince, lor très chier seignor et bon père en Dieu , nostre seignor Eudduart , par la grâce divine très noble roy d'Engleterre , ses dévotes filles et ses norries , seur Gile , vmble prioresse, et tôt le couvent de Fontevraut, en li recomandant salus et oroisons espéciaus ou Deu , et après longue vie et victoriouse de cest reyne temporel la gloire dou reigne perpétuel. Nostre chier seignor et père et patron, de la très grant joie et de la graunt récréacion que nos avés deigné mettre en nous tours par vos douces et amiables letres , en nos certefiant par vostre grant humilité de vostre estât, lequel nous désirons tos jors beneuré sur tos autres , vos rendons, jointes mains, grâces et mercis si plenteuroses corne nos poons plus et savons , et de vostre bone prospérité loon-nos Dieu nostre seignor et mercion si dévotement corne nos plus poon. Par l'acostumance de la pitié et de la très grant franchise qe vos avés tos jors fait et montrei jusques-ci à nos vos dévotes filles , prenons-nos enqores hardièce de vos escrire , et souppleion ou dévotes prières de vostre excellence , que vos , par Dieu , deignés avoer en mémoire la douce et la benéurré promesse que vos avez , lonctems a sa , fait à vostre église de Fontevraut, de nostre chière dame demoiselle Marie, vostre

1 X oyez supra, n° CCXLIII, n° 7, page 317.

fille , laquelle promesse nos avon et tenon por ferme et por estable , et désiron, sur tos autres désiriers teriens, estre aconplie , et à droit, quarce sera, ou la volenté Deu, parement, lumière et arnement de vostre église de Fonte vraut et de tôt vostre couvent de celi leu. Nostre chier seigneur et père , les lettres qe vos nos avés envoier contiennent en une partie de eles une misture de pleur et de joie : de pleur, en ce qe vos nos mandés qe ou n'est pas en vos de vostre chière fille nos bailler, mes en nostre mère et la vostre , nostre dame la raine ; de joie en ce qe vos nos mandés qe ele sera nostre où que ele soit. Et saiche vostre grant excellence qe, si ladite vostre promesse n'est acomplie à nostre désirer, qe nos somes en grant poois et en grant doutance que nos dévocions en refrédissent envers vos , et que nos en compleignons au dous Jésus-Christ, nostre créator. Très doux seignor et père , oïés , nos par vostre miséricorde de nostre prière, si que nos en soions à tôt tens, mais plus efForcément et plus estrètement tenus et obligés par dévotes oroisons et contraies , plus et plus envers vos.

Vive et reigne le poeir nostre seignor le roi au dous Jesu-Crist nostre Seignor.

N. B. Copié sur l'original en parchemin. On voit au dos les traces d'un sceau en cire jaune. B.

LiLLÂAA. (xme siècle. ;

LETTRE DE JEAN DE NESLE

A EDOUARD I, ROI D'ANGLETERRE

Pour le prier de continuer la nomination à deux prébendes en l'église d'Abbeville, par des lettres patentes scellées, non-seulement de son sceau, mais de telui de la reine. (Des liasses de la Tour de Londres , Ed. I. — Bréq. t. IL)

A très haut et très poissant ségneur Edualt, par la grâce de Dieu, roy d'Engleterre , segneur d'Irlande , duc d'Aquitayne et conte de Pontieu, très noble Jehans de Néele, sires de Falem , siens liges en toutes choses, lui apparellié en toute manière de servige avec toute honour et toute révérence quie à souvrain. Très chiers sires, comme la roine que Diee absolve, et jou avec, eussons donné et otroié n prouvendes en l'église d'Abeville, les premiers qui escarroient, et des grans, l'une pour le fils dame Anelme Dolliens et l'autre pour maistre Estene Gorre; et jou prié vous en eusse en pancer; et vous mult débonairement m'en respondistes et m'otriastes que bien voliés que ce que nous avions faist fust tenu; très chiers sires, je vous prie en tant corne je puis ke vous, pour Dieu avant et pour l'amour de moi, après les n prouvendes devant dites, me vuelliées envoier par vos lettres patentes confirmées et otroiés de vostre scel et du scel ma dame la roine, pour che ke che muet de son hyretage, car autrement li capitres d'Abevile ne receveroient nului se on n'avoit le lettre du droit hoir. Quant les prouvendes seroient eskeus , pour Dieu, sire, s'en vuelliés tant faire que l'âme de li bone dame soit alégié de se promesse et que je m'aperchoive que vous aucune chose vuelliés faire pour une proière. Diex soit avec vous.

N. B. Copié sur l'original en parchemin. L'écriture paraît du règne d'Edouard I. B.