PHILIPPE H AUX QUATRE MEMBRES DE FLANDRE
II a renvoyé à l'archiduc Albert les écrits qu'ils lui ont fait présenter. Madrid, 18 février 1596.
Le Roy.
Chers et féaujx, nous n'avons voulu laisser de vous signiiïiei qu'avons prins de fort bonne part la remonslrance de quelques
poinclz et articles que de voslre part nous ont esté envoyez, par occasion de la venue du conte de Berîaymont, chevalier de nostre Ordre, pour le redressement de Testât des affaires de nostre pays et conté de Flandres, et des provinces de noz pays d'embas demeurées en nostre obéissance. Et, pour ce que aulcuns desdicts poinctz sont d'importance, avons trouvé convenable d'addresser à nostre bon frère, nepveu et cousin le Cardinal-Archiducq les escriptz que nous en avez faict tenir, afin que, après qu'en aurez prins vostre recours à luy, il ordonne ce qu'il trouvera y convenir, comme nous asseurons qu'il fera, pour remédier et redresser ce qu'avez remonstré, ou que de son advis il nous reserve bien particulièrement, ne désirant rien plus que de veoir nostredict pays et conté de Flandres soulaigé, et en la seurté et repos qu'il a esté du passé. Chers et féaulx, etc. De Madrid, le xvme de febvrier 4596.
Papiers d'Etat : Lettres de Philippe II aux gou verneurs généraux, t. V. fol. 13.
PHILIPPE lï AUX ÉTATS DE H ALNA UT.
Il est bien satisfait des bons devoirs qu'ils ont rendus en toutes occasions. — tl a envoyé à l'archiduc Albert la remontrance qu'ils lui ont fait présenter par le comte de Berîaymont.
Madrid, 18 février 1590.
Le Roy.
Révérends pères en Dieu, vénérables, très-eliers, chers eî féaulx, chers et bien amez, nous avons esté reservy, par lettre de nostre cousin le conte de Fuentes, et sernblablement de
noslrë cousin le prince de Chimay, lieutenant et capitaine général et grand bailly de noz pays et conté de Haynault, des bons debvoirs qu'avez rendu, à toutes occasions, en tout ce qu'est de nostre service, et pour la conservation de ladicle province en icelluy, mesmes par la diversité du temps présent et des emprinses des François et aultres mal affectionnez : dont avons receu la satisfaction qu'est raisonnable, avecq asseurance que continuerez tousjours semblables debvoirs. Et, pour ce que, par occasion de la venue du conte de Berlaymont, chevalier de nostre Ordre, nous a esté envoyé certain escript de la remonstrance qu'aviez faict par delà, contenant quelques poinctz d'importance, avons trouvé requis de l'envoyer à nostre bon frère, nepveu et cousin le Cardinal-Arcbiducq, afin qu'il y ait le regard que convient, comme nous asseurons qu'il fera; et, à tel eifect, vous ordonnons de vous addresser à luy. Révérends pères en Dieu, vénérables, Irès-chers, etc. De Madrid, le xviu° de feb vrier 1 596.
Papiers d'État : Lettres de Philippe II aux gouverneurs généraux, t. V, fol. 14 v°.
Il a remis leur remontrance à V archiduc Albert. Madrid, i 8 février 1596,
Le Roy.
Révérends pères en Dieu, vénérables, Irès-chers, chers et féaulx, chers et bien amez, comme, par le conte de Berlaymont, chevalier de nostre Ordre, gouverneur et souverain bailly do
nostre pays el conté de Nainur, nous soit esté exhibé l'escript de certaine remonstrance qu'avez faict par delà par voz députez, au mois de may de Tan 1595 passé, nous avons trouvé convenable de remectre ledict escript à nostre bon frère, nepveu et cousin le Cardinal-Archiducq, afin qu'il y pourvoye endroiet les poinctz qui dépendent de sa charge de nostre lieutenant, gouverneur et capitaine général de noz pays d'embas, et qu'en regard d'aultres poinctz de la mesme remonstrance, il nous ait à reservir son advis, pour après en estre par nous ordonné comme trouverons convenir, et prendrez audict effect vostre recours à luy; vous recommandant au surplus les debvoirs de fidélité en tout ce qu'est de nostre service : en quoy ledict conte de Berlaymont nous a asseuré qu'avez continué avecq le zèle auquel espérons que ne défauldrez. Révérends pères en Dieu, vénérables, très-chers, chers et féaulx , chers et bien amez , etc. De Madrid , le xvme de febvrier 1596.
Papiers d'État : Lettres de Philippe U aux gouverneurs généraux, t. V, fol. 15 v°.
îl leur ordonne de faire payer exactement une rente due à une fondation faite, en l'église de Sainte-Gudulc , à Bruxelles, par Pierre Damant, et d'en user de même pour toutes les renies dues aux pauvres.
Tolède, 12 juin 1596.
Le
Révérends pères en Dieu, féaulx, chers et bien amez, la
Roy.
vénérables, très-chers, chers el plaincte que nous a esté faicte,
( 7fi )
par l'escript cy-joinct de nostre conseillier d'Eslat, suyvant nostre personne pour les affaires de noz pays d'embas, messire Nicolas Damant, chevalier, aussi chaneellier de nostre conseil en Brabant , contient raisons tant fondées qu'il représente endroict le payement de la rente de certaine fondation d'aulmosne laissée, en l'église de Sainte-Goele, en nostre ville de Bruxelles, par son père, Pierre Damant, en son vivant nostre conseillier et garde-joyaulx par delà, pour xxv povres, à trois pattars de pain à chascun, et aultant en argent, afin d'en estre faicte la distribution en icelîe église, aux jours de dimanche et aullres f estes de l'année, que nous sommes grandement esmerveillez que, à l'effet d'œuvre tant pieux, redondant au bien des povres, ayez discontinué le payement de la rente que y est deue par quelques années, comme porte le mesme escript, et partant avons plus d'occasion de vous requérir, et néantmoings ordonner, comme vous ordonnons bien expressément, que non-seullement vous acquictez de ladicte rente, faisans payer, sans aulcune remise ou délay, tout ce qu'en est deu doiz les années passées jusques oires, sans aussi rien en déduire, et de faire le mesme, par continuation de bon payement, de ce qu'en escherra à l'advenir, de terme en terme, mais qu'en usez de semblable manière en regard de toutes rentes dont estes chargez pour les povres, considéré que à eulx sera-ce de quelque soulagement, et à Dieu agréable que l'on se comporte ainsi en œuvres de charité vers eulx. Et n'y iaictes faulte. Révérends pères en Dieu, vénérables, etc. De Toledo, le xiie de juin 1596.
Papiers d'Elat : Lettres de Philippe II aux gouverneurs généraux, t. V, fol. Gl v°.
