B. HUCHET

2iaf

Mandement d'indemniser, après enquête, les religieuses de S^^Georges, à raison des

nouvelles fortifications de Rennes,

A Rennes, 1435, 1 5 février. — « Jehan... A révérend père en Dieu nostre très chier cousin, compère, bien amez et feaulx comsoillers Tevesque de Nantes, nostre chancelier, Parchediacre de Rennes, les seneschal et alloué de Rennes, salut. Comme naguieres, sur la complainte et humble requeste que de la partie de humbles et dévotes religieuses les abbeesse et couvent du benoist moustier de S^ George, situé en nostre ville de Rennes, disant que pour la cloaison et fortifficacion des murs et aultres abillemenz neccessaires pour la fortifficacion de nostre ville neuffve de Rennes, led. moustier a esté griefivement et excessivement diminué et endomaigé, et les revenues d'icelui grandement amaindries par pluseurs voyes et moyens bien à plain dederés par noz lettres à vous adreczées, par lesquelles cestes présentes sont annexées *, Nous vous eussions commis les aucuns de vous pour voairs et visiter le préjudice et dopmaige que led. moustier povet et pourroit avoir par raeson de lad. fortifficacion et cloaison ; à quoy avez aucunement vacqué ; mes pour ce que le temps «stoit brieff et auxi que par nozd. lettres n'avez de nous auctorité et povair de pourvoairs aud. moustier de la rescompense et dopmaige qui par cause de ce lui peut et doibt apartenir, lesd. abbeesse et couvent, qui désirent garder les droiz de leurd. moustier, nous ont humblement suppliez sur ce leur pourvoairs de remède convenable. Pour ce est il que nous, voulans led. moustier augmenter et non diminuer et convenablement faire rescompenser du dopmaige et préjudice qui par cause de lad. cloaison et fortifficacion de nostred. ville peut avoir, Vous mandons, commandons et chargeons ou à dous de vous, très expressément, que promptement et sans deloy vous vacquez ou fait de lad. commission, au désir de nosd. lettres, et tout ce que trouverez suffizanment led. moustier avoir esté et estre en diminucion de revenues, tant en cimitere, jardrins, vergiers, Tignes, prez et aultres chouses, en ruement et destrucion de mesons et ediffices que aultrement, vous les faictes valablement rescompenser es lieux et endroitz que verrez estre expédient, et sur