I06 LETTRES ET MANDEMENTS
Décharge de 20 L à la veuve du fermier du devoir des vins à Rennes.
Orig. jad. scellé en cire rouge sur s. q. (Ar. mun. de Rennes, liasse 64).
A Rennes, 1435, 6 février. — « Jehan.. . A noz cappîtaine, connestable, lieutenant, Perrin Peppin, reppareur, miseur et receveur des deniers ordennez pour les repparacions de nostre ville de Rennes, Jehan Guerriffet touz... salut. Receue avons la supplicacion et humble requeste de nostre povre subgite Jehanne, femme de deffunt Guillaume Vincent, exposant que comme il soit ainsi que led. deffunt eust prins de nostre reparour de nostre ville de Rennes, dès la feste de la Chandelour eut un an, la ferme et devoir des vins, et est vroy que en cest an presant le feu est prins en la meson dud. deffunt et ardit toute jucques à terre, et n'y demoura chose qui ne fust arce. Et emprès ce, led. deffunt estoit allé à S^ Jame en Galice, et ou veaige lui est prins maladie et assez tost après sa venue dud. voiage ala de vie à trespassement, et est demourée lad. suppliante chargée de lad. ferme, que n'a peu ne sceu cuillir led. devoir, et ausi n'a esté que de bien po de valour, car les gens d'armes estoint ou pals d'Anjou et n'y ousoint les marchens aller, et ausi les charretiers n'ont peu charroier pour les groz et naiff. Et pour les causes dessurd. et aultres est chaite en rest vers led. reparour de saixante 1. et plus que s'efforce lui faire poier, quelle somme ne porroit poier car il ne lui est ainsi comme riens demouré, nous suppliant et très humblement en pitié et aulmosne led. rest lui donner, ou autrement s'il le lui convient poier, elle est à povreté, requérant sur ce nostre provision. Savoir faisons que nous, en pitié et aulmosne... quictons et donnons par ces présentes à lad. suppliante, sur ce qu'elle peut devoir à cause de sond. rest de lad. ferme, la somme de vignt 1. mon. pour lui aider à se recouvrer de lad. perte. Si vous mandons, etc.
Par le duc. — Par le duc, de son commandement, le comte de Laval, le sire de Montaffillant, l'abbé de Beaulieu et autres pluseurs presens. — B. Huchet. »
Décharge de 88 L, réduite à 20 L, au fermier de l'apetissemeni des vins à Rennes.
Orig. jad. scellé en cire rouge sur s. q. (Ar. mun. de Rennes, liasse 64).
A Rennes, 1435, 9 février. — « Jehan... A noz cappîtaine, connestable, lieutenant, Perrin Peppin, reppareur, receveur et miseur des deniers des euvres de nostre ville de Rennes, Jehan Gucrriff et à touz..., salut. Receue avons la supplicacion et humble requeste de nostre povre subgit Colin Graslen, de nostre ville de Rennes, exposant que comme ainsi soit que dès le doziesme jour d'apvrill derroin, il print et afferma pour un an de Jehan Guinot et Eudin du Rocheel l'apetisalge des vins qui seroint venduz en detaill es rues du bourg l'Evesque, la rue Haulte, la rue aux Foulons et la rue Hus, pour la somme de deux cens L m., quel apetisaige lesd. Guinot et Eudin avoint prins de vous nostred. reparour; quelle ferme n'a que po de chose valu, et ont lesd. Guinot et Eudin tourné led. suppliant de poier lesd. deux cens 1. m, à Jehan Guerriff, vers lequel Guerriff led. suppliant est chaist en rest de vi« viii 1., car, la merci Dieu, qu'il ait esté grant nombre de vins
Dl JEAN Y, DUC DE BRETAONB IO7
et de citres, et chascun s'en estre pourveu et es tavernes ne vont les gens ausi comme riens querrir. Et pour ce que n'a peu poier, a vendu led. suppliant aud. Guerriff saixante solz de franc prisaige sur son héritage, o condicion de racquit dedans la Madelaine prouchaine, pour la somme de seix vigns ouit 1., quel racquit ne porroit faire si de nostre grâce ne nous plaist lui aider, il lui conyendra perdre son héritage et en estre il, sa femme et dix petiz emffans qu'il a, déshérité à tourjours mais, humblement requérant sur ce nostre provision. Savoir faisons que nous..., en pitié et aulmosne, quictons et donnons par ces présentes aud. suppliant sur ledit rest, la somme de quatre vigns huit 1. m., et le parsus dud. rest, qu'est quarente 1., avons receu à nostre main, savoir est, par nostre aulmosnier quinze 1., et par Son de Carné, garde de noz petiz cofres, vignt escuz de pois de franc, valans vignt et cinq 1., dont comptera et respondra, qu'est somme ensemble seiz vignt huit 1. m. ; de laquelle somme l'avons quicté et quictons entièrement, et voulons qu'il en soit et demeure quicte envers nous, lesd. Peppin et Guerriff et touz autres. Si vous mandons, etc. — Et ce voulons par ainsi que led. suppliant poyra oultre ce que dessus est dit, aud. Guerriff, la somme de vignt et cinq 1. m. que nous approuvons. Donné comme dessus. — Et poyra led. suppliant lad. somme aud. Guerriff dedans la feste de la Magdelaine prouchaine venant; et partant, et ce faisant et poiant lad. somme de xzv 1. aud. Guerriff, demourra envers led. Guerriff quicte. — Et ne voulons que cestes noz présentes luy vaillent que de la somme de vignt 1. m., et le parsus qui reste poyera ausd. nommez, fors ce que il a baillé et poayé à la main de mond. sf' et à son aumosnier, qui a esté délibéré paraillement luy valloir descharge. Donné comme dessus. — Phelipot.
Par le duc. — Par le duc, de son commandement, Vous, les evesques de S^ Brieuc et de Léon, le sire de MontafiUant, le maistre des requestes et autres pluseurs presens. — B. Huciiet. »
Mandement d'enquérir du tort causé à l'abbaye de S'-Georges par les nouvelles fortifications
de Rennes.
Orig. scellé en cire rouge sur s. q. du sceau n© 8 (Ar. lUe-et-Vil., H, f. de Si-Georges de Rennes). — Copie papier timbré (Ihid.). — Cartulaire de SrGeorges de Rennes, par P. de la Bigne Villeneuve, p. 273-275.
A Rennes, 1435, 10 février. — « Jehan... A révérend père en Dieu nostre chier et bien amé cousin, compère et feaulz conseillers Tevesque de Nantes, nostre chancelier, messire Robert d'Espinay, grant maistre de nostre hostel, salut. Receue avons l'umble supplicacion et requeste de noz humbles religieuses et dévotes orateures les abeesse et couvent de nostre benoist moustier fondé en Tonneur de Dieu et de Mfr saint George près nostre ville de Rennes, contenant que pour la guerre et doubte des annemis. Nous et nostre conseil aieons ordrenné faire clorre de fossez et murs certaine quantité des forbourgs de nostre ville de Rennes et, entre aultres lieux, est nostred. moustier ; lesquelles douves et murs ont esté faites par les cimiteres, jardrins, prez et aultres heritaiges des appartenances de nostred. moustier, et mesmes, pour ce faire, ont esté abatues pluseurs mesons tenues prochement d'iceluy esquelles avoint hommes estagiers qui, par cause de ce, leur devoint en chascun an pluseurs et grans numbres de rentes, et y avoint pluseurs aultres proufilz, tant à leurs moulins que d'aultres droiz de seigneurie, de quoy, par cause desd. choses, nozd. suppliantes n'ont plus le joissement ; mesmes a esté levée et getée la pierre et terre troite desd. douves, à l'entour des murs dud. moustier tellement que, par cause de ce, les eaues sont cheues dedans lesd.
I08 LSmtBS ET lUNDEMXirrS
murs et en sont pourris et empirez, par occasion de quoy i'eglise dud. moustier est en yojre de choairs et démolir, si de brieffnY est pourveu; mesmes, pour faire lad. fortifficacion, a esté abatu et dilaxeré quantité de la chaucée de s moulins de la ripviere de Viilaigne appartenans ausd. suppliantes ; pour occasion de quoy nocd . suppliantes sont grandement endommaigées et plus seront si, de brieff, provision n'y est faite... Savoir faesons que nous... vous mandons et commandons et très expressément enchargeons que vous transportes sur les lieux et... vous informez sommairement et de plain du donné entendre desd. suppliantes et quelle perte et dommaige elles ont eu ou peuvent avoir par cause et occasion de lad. closture et fortifficacion, affin que, suivant vostre raport nous fait, puissions pourvoairs esd. religieuses par vostre advisement ainsi que de reson... Par le duc, en son conseil, ouquel : les evesques de S' Brieuc et de Léon, l'arcediacre d'Acreleon, messire Alain de Karozeré, le maistre des requestes et autres plusseurs estoint. <—
