Les souscriptions n'ont pas été transcrites

DB JBAK Y, DUC HE EUTAGNX 79

gcrs illec demeurant, nous a esté exposé que depuis peu en çà il fut par nous, comme leur avoit exposé nostre bien amé et féal conseiller et chambellan le sire de Coesquen, lors nostre capitaine aud. lien, fait une ordonnance que tous les Normans et estrangers et spécialement les demourans aux ville et forsbourgs de Dol, se retrahissent et allassent hors iceux lieux, et que désormais ils ne fussent soufferts demourer en icelle Tille ne y faire guet... ; sur quoi se retirèrent vers nous et nous remonstrerent qu'ils estoient Tenus en nostred. Tille et pais pour peur et avoir refuge, et se sont fouis de doute et crainte de lours anciens ennemis, et que grande partie d'eux, les uns à cause de leurs pères, les autres à cause de leurs mères, estoient issuz et extraits de nostred. pais, et plusieurs autres mariez à femmes dud. pais et y avoient meubles, héritages et ediffices à grande valeur ezd. ville et forsbourgs, et la pluspart natifs de la feu ville de Pontorson et des marches d'environ, de tout en tout destruites et deshabitées, et n'avoient plus d'espérance, et par ce demandoient à estre tenus pour Bretons... Pour ce est il que nous... vous mandons... que sur iceux ne Tun d'eux ne leviez aucune somme d'argent ne finance que sur les bourgeois et autres coniribuans nez en nostre pais de Bretaigne... et les recevez à faire lesd. guet et garde... ; sauf que si y avoit aucune suspicion sur aucun d'eulx, ferez mettre en leur place autre non suspect...

Par le duc, de son commandement : Vous, l'evesque de S* Brieuc, l'abbé de Beaulieu, Jehan de Musillac, le procureur gênerai, le capitaine et seneschal de Moncontour et autres presens. — R. *

Arrentement à Jean de Lambilly de la Garenne près l'étang de Ploërmel.

Orig. jad. scellé en cire rouge sur s. q. « (Ar. L.-Inf., B, Baillées à rente : Ploërmel).

c Au bourc de Serant, » 1434, 14 mars. — « Jehan... A noz seneschal, connestable et alloué et recepveur de Ploërmel et à leurs lieutenans, salut. Comme à nous apartienne par héritage certaines terres et héritages situées près nostre estang de Ploërmel joignantes noz moulins d'ilecques, nommez la Garene, contenans douze journeulx de terre ou environ, destennuz d'un costé de nostred. estangc, et d'aultre des terres et demayne de l'osteuie S 1 Malou, queulx noz héritages dessurd. sont de petite valour et infertiles, aenxin que avons sceu, et ne nous valent communs ans, scllond le raport de noz recepveurs dud. lieu, que environ cimquante ou sexante s. de ferme par chascun an, et mains aucunesfoiz; lesqueulx noz héritages si ilz estoint es mains de gens qui mettroint paine de les clorre, labourer et proufilter en y faisant mise, pourroint mieulx valoir qu'ilz ne font, au bien et augmentacion du pais d'ileques environ et à plus grant seurté de nostre revennue, Savoir faisons que nous... baillons..., en nom et par tiltre de rente de censie annuelle et perpetuele, à nostre subgit Jehan de Lembilly, se* de Lembilly, qui a prins et accepté de nous, à celi tiltre, nosd. terres de sur dessur bonnées et declerées, pour le pris de sexante s. de rente nous paier et rendre par la main de vous nostred. recepveur et de ceulx qui pour le temps à venir le seront, et par dous termes, savoir par chascune feste de Noël, trente s., et par chascune feste de saint Jehan Baptiste xix s., oultre vingt cinq escuz pour chauces que avons eu de lui par la main de Eon de Carné, garde de noz petiz coffres, qui en comptera et respondera. Et quant à nous paier et fournir led.

1. Nous avons à diverses reprises, dans notre Introduction, signalé le scellement anormal de cette pièce qui aurait dû être scellée sur lacs. CL notamment p. xui et cm.

numbre de sexante s. de rente par lesd. termes, nous demeure et demoura lad. baillée obligée, ensemble o les biens qui dedans seront trovez, faczons et reparacions qui y seront faictes ou temps à venir ; et en reffors de gage nous a led. prenour obligé aultres sexante s. de rente, à estre prins et levez sur ses héritages... Si vous mandons, etc. Et combien que si davant soit dit que nous avons eu dud. Lembilli lesd. vingt cinq escuz par la main dud. Carné, en la vérité du fait, pour l'absence dud. Carné, nous avons fait bailler lesd. vingt cinq escuz, savoir à Jehan d'Ust vingt escuz, et à l'abbé de Beaulieu, nostre ausmonnier, cinq escuz pour emploier en noz ausmonnes ; et d'icelle somme l'avons quitté et quictons.

Par le duc. — Par le duc, de son commandement, presens : l'abbé de Beaulieu, messire Jehan de Kermelec, Jehan de Musillac, Jehan d'Ust et autres plussieurs. — J. Piron. »

Mention dans un compte de Mauléon (D. Lob. II, 1037 et D. Mor. Pr. II, 1270).

1434, 25 mars. — Mandat de paiement « à Guillaume le Régnée, autrefois varlet d'echanezonnerie du duc, pour porter à S 1 Jacques en Galice l'offrande du duc pour la feste de Pasques l'an xxxiv, xxx escus, et pour ses despens, messes et chevelices, xx 1. »

2142 — 2143 Mentions au 2e compte de Guinot (D. Lob. II, io35 et D. Mor. Pr. II, 1261).

1434, 10 avril. — Mandat de paiement de c liv. « à Jehan Guiho, maistre d'hosteill du duc, pour bailler au sire de Beaufort et à messire Rolland de S 1 Pou que le duc avoit ordonné à la garde de S 1 Mallo par certain temps. »

— 1434, 16 avril. — Mandement relatant que « le duc faisoit travailler à l'édifice de S 1 Père de Nantes. »

*>44 Exemption d'une aide pour les habitants des Marches.

Copie du XVII* s. (Bibl. nat., ms. fr. 22332, f° 192). — D. Mor., Pr* II, 1263.

'A Vannes, 1434, 17 avril. — « Jehan... A tous... salut. Comme en obtempérant à la requeste de M* r le roy et pour aider et secourir nos charges, mond. sf r et nous eussions délibéré faire lever et mettre sus un certain ayde par manière de don et subeide sur les habitans et demourans en la Marche des pays de Poitou et de Bretaigne, et pour y procéder avec les commis de mond. st le roy, avons ordonné Jehan de Touscheronde nostre secrétaire; et néanmoins, pour ce que de la part des nobles et de grant partie des habitans en lad. Marche, nous ont esté bien à plain remonstrès et déclarés les griefs, exceix, domages et pilleries que le temps passé ils ont soustenu et soustiennent chacun jour par gens d'armes, pillars et larrons qui continuellement fréquentent celles Marches, et qui n'ont de quoy leur vie soustenir et ne pouroint nullement poyer l'ayde dessusd.; disans mesme combien qu'ils auroient puissance de ce faire, que, de leurs privilèges, ils ont tou-

DE JEAN V, DUC SB BRETAGNE 8l

jours esté et qu'ils debvent estre francs et quittes de tous subcides... Nous... avons donné et quitté... l'aide qui devoit estre levée sur lesd. habitans... Par le duc. — Par le duc, de son commandement. — Godart. » *

Mention au a« compte de Guinot (D. Lob. II, io35 et D. Mor. Pr. II, 1261).

1434, 20 avril. — Mandat de paiement « à l'archidiacre de Rennes pour Padvancement du mariage de sa niepce avec Gilles, fils messire Henri du Val. »

Confirmation pour le sire de Penhoet du rattachement d'une partie de ses vassaux à la

barre de Morlaix.

Copie (Bibl. nat., ms. fr. 2233a ; anc. Bl. M* XLVIII*, fo 193).

A Redon, 1434, 12 mai. — « Jehan... A tous... salut. Comme autres foys et dès Pouitiesme jour de juin Pan mil quatre centz vingt et cincq ', à Phumble supplication et requeste nous faicte de nostre très cher et féal ch" et chambellan le sire de Penhoet, quel nous avoit exposé qu'il avoit et luy pouvoient et debvoient competer et appartenir plusieurs hommes, terres, rentes, herittages, fieffz, jurisdictions, seigneuries et obéissances en plusieurs manières, en et soubz nostre barre et chastellenye de Guingamp, sçavoir est es paroisses de Guerlesquin, Ploegroys, Botsorzer, Ploenerin et Plestin, lesquels ses hommes et subjects avoint moult souvent à besoigner es plaidz dud. lieu, et pour ce qu'ilz estoient demourans à six ou sept lieues loing de nostre ville de Guingamp, auquel lieu estoient continuellement tenus et exercez noz plaidz et aussy ceux de nostred. chambellan, auquel convenoit tenir et avoir senneschaux et autres officiers aud. lieu pour exercer sa jurisdiction, sesd. hommes soustenoient et portoient plusieurs grands coustages et mises, et iceux ses hommes estoint demeurans à trois et quatre lieues de nostred. ville et Chastellenye de Montrelaix, auquel lieu et chastellenye de Montrelaix nostred. chambellan avoit plusieurs et grand nombre de hommes que tenoit de nous, et y estoint ses senneschaux et autres officiers à exercer la jurisdiction ; et pour eschiver la paine et travail de sesd. hommes estantz en nostred. chastellenye de Guingamp, et aussy la mise et charge de nostred. chambellan..., octroiasmes, de nostre grâce e spécial le, que pour le temps advenir iceux ses hommes, fiefz, jurisdictions, seigneuries et obéissances estants paravant celles heures soubz la jurisdiction de nostre court et barre dud. lieu de Guingamp, obéissent et fussent traictés et justicez en et soubz la jurisdiction et barre de nostred. ville et chastellenye de Montrelaix, ainsy et pareillement que Pestoint en nostred. barre et jurisdiction de Guingamp, tant en ressort que aultrement..., et les y meismes et adjoineismes, et ennexames heritellement et en perpétuel, tant pour nostred. chambellan que pour sesd. hommes et successeurs, ainsy et comme plus à plain est contenu et peult aparoir par noz lettres patantes sur ce faictes, que nostred. chambellan obtint de nous, donnés et dabtés dessurd. Et soit ainsy que puis nagueres,

i. Voy. plus haut n* 1628.

et que que soit puis lad. grâce et octroy par nous faictz à nostred. chambellan, Nous ayons fait donnaison et transport à nostre très cher et très amé fils Pierres, de nostred. ville et chastellenye de Guingamp, par vertu de laquelle donnaison, le procureur et autres officiers de nostred. fils aud. lieu de Guingamp, veullent et s'efforcent donner trouble et empeschement à nostred. chambellan sur le joissement de lad. grâce et octroy par nous luy faicte... Sçavoir faisons que Nous, attendu que ne fust oncques ne n'est à nostre intention, quelque donaison ou transport que ayons faict à nostred. fils de nostred. ville et chastellenye de Guingamp, que ce prejudiciast ne deust aucunement desroger ausd. grâce et octroy par nous faictz à nostred. chambellan, ains pour declerer et interpréter de nostre intention et volonté sur ce, voulions et ordonnons et nous plaist qu'il en jouisse heritellement et en perpétuel, tant pour luy que pour sesd. hommes et successeurs, en perpétuel, au désir et contenu de nozd. lettres, lesquelles nous louons, ratifiions et confirmons... Sy mandons et commandons à noz senneschaux, allouez, bailliffz et procureurs de nous et de nostred. filz, de nosd. barres, courtz et jurisdictions de Montrelaix et de Guingamp, etc. ; sauff et réservé en ce que touche lad. parroisse de Plestin que nous voulions que soit annexée et demeure enthierement en lad. chastellenye et jurisdiction de Guingamp comme avoit acoustumé es temps passez.

Par le duc. — Par le duc, de son commandement et en son conseil, ouquel : Mf le comte de Montfort, les evesques de Dol et de S' Brieuc, l'abbé de Beaulieu, messire Pierres Eder, les seneschaux de Rennes, de Nantes et de Ploermel, les seneschal de Moncomour, alloué et procureur de Rennes et autres estaient. — Pasquisr. »

Lettres dejussion au sujet du droit des religieuses de S?-Georges de relever de la barre de

Rennes pour leur domaine de S'-Sequelin.

Orig. jad. scellé en cire rouge sur s. q. (Ar. Ille-et-Vil., H, f. de Si-Georges de Rennes, liasse 8). — Inclus

dans une procédure du 3i mars 1436 (Ibid., 1. 5) *.

A Redon, 1434, i3 mai. — « Jehan... A noz seneschal, alloué et procureur de Plermel, salut. Receue avons l'humble supplicacion et requeste nous faicte de noz humbles religieuses et oratrises les abbasse et convent de S 1 Georges près Rennes, contenant [comme ainsi soit que led. convent soit] fondé de nous et noz predicesseurs roys, ducs et princes de Bretaingne, et ce qu'ilz ont soit tout en chieff tenu de nous, n'en obbeir celles religieuses autre[ment que par nostre court] de Rennes, et ainxin ait esté leur temporel troicté et justice par tant de temps qu'il n'est mémoire du contraire, et que ce neantmoins, vous nostred. procureur de Plermel avez fait convenir et troere en cause lesd. suppliantes par nostred. court de Plermel, en propoussant vers elles qu'ilz tiennent de nous soubz nostred. court de Plermel ung lieu et mestaierie nommé S 1 Sequelin, situé es fins et mectes d'icelle juridicion, et que lesd. suppliantes et leurs predicesseurs avoint et ont fait pocession de obbeir par nostred. court de Plermel à cause desd. chosses, en faisant conclusion affin que fussent condempnées en bailler leur avou et tenue par escript, et oultre avoir demandé et conclut vers le procureur desd. suppliantes que fust comdempné reparer led. lieu, qui besongnoit de repa-

1 . L'orig. et la copie sont l'un et l'autre en mauvais état. De là quelques lacunes auxquelles nous avons suppléé par les passages entre crochets.

racion et de le mectre à [deu] estât... ; quelles chosses, sy ainxin estoit que fussent contraintes à se aller délivrer par cause desd. chosses à nostred. court de Plermel, seroit à leur grant lésion, mises, préjudices et domaige et dud. moustier, pour ce que en la vérité du fait, ilz tiennent de nous toute leur fondacion à en obbeyr à nostre court de Rennes et non ailleurs, et sont lesd. chouses de po de valour, situées à sept leues dud. moustier, et led. lieu de Plermel à dix leues, et que s'ilz estoint convenues ou ajournées aud. lieu de Plermel, les ajournemens ne vendroint à leur cognoessance synon bien artement, et suppoussé que leur vendroint, elles qui sont occupés ou service divin et qui sont religieusses, ne y pouroint pas aller pour elles deffandre, mais leur convendroit envoier procureur et autres personnes et conseil à grande mise et charge..., et ainsi seroit led. lieu et mestairie, que leur devons avoir donné en augmentacion de nostre fondacion, plus à charge que à profilt, que ne fut oncques nostre intencion ne de nosd. predicesseurs ; et que autresfois lesd. suppliantes en obtindrent de ce lettres de nous * contenantes que neantmoins le proceix intenté de vous nostred. procureur, affin de bailler leur tenue par escript, que nous voullions que lesd. chosses fussent gouvernées soubz l'obbeissance et juridicion de nostred. court de Rennes, en mandant à vous nostred. procureur de Plermel en cesser la poursuite; à quoy n'avez aucunement obbey... Pour ce est il que nous... octrions par cestz présentes ausd. religieuses que ou temps advenir, elles ne leurs subcesseurs n'obbeissent ne soint tenues obbeir à cause d'icelles chouses et mestairie de S 1 Sequelin, ne autrement pour quelque tenue que ce soit, à nostre court et juridicion de Plermel, fors seullement à nostre court et juridicion de Rennes... Si vous mandons, etc.

Par le duc. — Par le duc, en son conseil ouquel : l'evesque de S 1 Brieuc, les seneschal, alloué et procureur de Rennes, le maestre des requestes et aultres estoint. — O. de Coetlooon. »

Mandement de laisser les vassaux du sire de Penhoet jouir de leurs franchises.

Vidimus du 25 mai 1434 (Ar, Finistère, E 452). — Copie (Bibl. nat., ms. fr. 22332, fo 196).

A Redon, 1434, i3 mai. — « Jehan... A nostre bien amé et féal conseiller Hervé le Ny, seneschal de Cornouaille, salut. Comme autrefoez nostre chier et bien amé et féal chambelain le sires de Penhoet nous ait expousé que jasoit ce que touz et chascun les hommes et subgiz proches de la rivière de Penhoet fussent et aint acoustumé es temps passez, et tant que mémoire de homme n'estoit au contraire, estre francz, quittez et exemps de touz fouages, impostz, tailles et aultres subcides et subvencions quelconques ; ce neantmoins, noz fermiers et receveurs en la partie de Timpost et subcide par nous ordrenné estre prins et levé generalment en nostre duché sur ceulx qui s'entremectoint et soy sont entremis de croqs et de balances, vouloint et s'efforczoint lever et exiger led. subcide sur lesd. hommes et subgiz de nostred. chambelain s'entremectans desd. croqs et balences, en son grant grieff, préjudice et domage et de sesd. hommes et contre leurs libertez et franchises, et nous eust supplié et requis sur ce nostre provision; Pour quoy nous... vous eussions mendé et commis vous imformer et enquérir du nombre desd. hommes de lad. rivière s'entremectans desd. croqs et balences et de lad. franchise et exempcion, et lad. enqueste et imformacion