Cf. n- 2236 et 238a

et autres gens d'église, bourgeois, manantz et habittans de nostre ville de S 1 Mallou, nous a esté en suppliant exposé que, combien que nostred. ville soict Tune des plus notables cittez et villes de nostre duché, où plusieurs marchantz hantent et habitent et y font leurs exploictz de leurs denrées [et] marchandises, au bien universel de nostre pals et particulièrement de plusieurs suppostz d'icelluy, et tousjours ayantz esté et sont en nostre vroye submission et obéissance ; et que mesmes, sur la complainte de leur partie à nous faicte de ce que Morice de la Noe et autres noz fermiers, en certains portz et havres s'estoint efforcez de contraindre et de faict contraignoint les marchandz qui entroint en nostred. ville de leur payer auchunes sommes d'argent, par cause du devoir de troicte, pour les danrées [et] marchandises qu'ilz y faisoint vendre et esploicter, ainssy que celles fussent portées hors de nostre duché, nous eussions ordonné et octroyé esd. exposantz que tous marchandz peussent aller et venir marchander en nostred. ville, et apporter, vandre et exploicter vivres et touttes autres espèces de marchandises, sans avoir à en paier aud. Morice ne autres, par cause de troicte ne autrement, fors seulement le devoir anxien, comme appiert par la teneur de noz lettres sur ce données, en datte du dix huictiesme jour de décembre derroin passé; lesquelles ayant apparues aud. Morice et autres à qui il en pouvoint appartenir, et soint venuz à leur congnoissance, ce neantmoins dempuis, led. Morice et autres ses consortz, facteurs et servitteurs, de par luy et en son nom, luy aiant agréable, et autres noz fermiers de lad. troicte s'estoint efforcez et efforcent contraindre et deffaict contraignent plusieurs marchandz qui en nostred. ville mettoint leurs danrées et marchandises pour les vendre et distribuer, à leur poier led. devoir et acquict de troicte ainssy que si nostred. ville feust sepparée de nostre duché, dont elle est membre et subjecte ; par occasion de quoy plusieurs marchandz laissent à y fréquenter et habituer et y retirer leurs biens neccessaires pour lad. ville, ainsy qu'ilz souloint et avoint acoustumé ; quelle chosse dient lesd. exposantz estre contre raison et en leur grand préjudice, destriment et lezion, requerantz sur ce nostre provision. Pour ce est il que nous... vous mandons... que vous faictes de par nous deffense et prohibicion aud. Morice et autres qui au temps avenir se vouldroint advencer à telles extorcacions ou exaccions d'argent faire, et à chascun d'eulx à paine de mil liv. monnoie..., de non empescher aucuns marchandz, de quelque nation qu'ilz soint, de franchement aller et venir marchander en nostred. ville de S 1 Malo, que vandre et exploicter leurs biens et marchandises, ne à cause d'icelle, sy elles ne sont transportées ailleurs, et à l'heure du transport d'icelle et non autrement, d'eulx ne de l'un d'iceux prendre ne exiger auchune somme d'argent ou de finance à cause de troicte ne autre devoir, fors noz anxiens devoirs et coustumes ; et sy vous trouvez aucune chosse avoir esté au contraire faict par led. Morice ne autres, les arrestez de corps, etc ft . »

2i3ç Ordre de traiter comme les autres habitants les Normands résidant à DoL

Copies du XVII» s. (Bibl. nat., ms. latin 52iic, p. 8 et ms. fr. 22329, P« *>)• """ D. Lob. II, 1029-1030. —

D. Mor., Pr. II, 1289- 1290.

A Moncontour, 1434, 6 mars. — « Jehan... A nostre capitaine de Dol... salut. De la part des nobles bourgeois, habitans et contribuans à la garde des portes dud. lieu, et des Normans et estran-