L'inventaire donne la date du 14 novembre

les grandes mises et charges innumerables qu'il nous convient porter pour le bien de la chose publique de notre pays ; Et soit ainsy que les doyen et chapitre de notre ville de S 1 Malo nous ayent humblement supplié qu'il nous plaise leurs octroyer que ce ne prejudicie aux libertés et franchises dud. lieu de S 1 Malo, Sçavoir faisons que nous n'avons entendu ny ne voulons aucunement prejudicier auxd. libertez de lad. église par cause de lad. ordonnance et impost, et aussy ne voulons ne entendons par cette présente réservation à nos souverainetés et noblesses prejudicier ; encore voulons que les droits de nous et desd. suppliants demeurent en Testât qu'ils estoient au temps et de paravant lad. ordonnance.

Par le duc, de son commandement, presens : les evesques de Rennes et de Léon, le grand maistre d'hostel, l'archidiacre, le senechal du ressort de Goellou et autres. — Lenevou. »

Anoblissement et franchise pour Pierre Pillet.

Vidimus du 3 mars 1437 (Ar. L.-Inf., B, Anobl. et franchises).

A Dinan, 143 5, 23 novembre. — « Jehan... A noz bien amez et feaulx conseillers les gens de noz comptes, salut. Comme de noz droiz, etc. ; et soit ainsi que nostre homme et subgit Pierres Pillet, de la parroisse de Breteill, et ses enffans nous aient fait es temps passé de bons, grans et agréables services, et soit led. Pierres exu et extroit de noble lignée et extraiction, et pour ce qu'il s'est entremis et s'entremet de fait de marchandie et gouverne soubz bource coustumiere et autrement, les parroissiens de lad. parroisse se sont avancez à mectre et imposer led. Pierres Pillet es fouages et autres subcidés par nous en nostre conseill ordennez ; et de présent nostre bien amé et féal secrétaire Jehan Pillet, filz dud. Pierres, nous ait supplié que en faveur des services qu'il nous a faitz et fait continuelment de jour en autre, tant en fait de recepte de fouages que autrement, il nous plaise exempter led. Pierres son père et les enffans malles d'icellui procréez de sa char, de touz fouages... Savoir faisons que nous..., pour recongnoessance et partie de remuneracion des services que nostre secrétaire nous a faiz..., octrions... que sond. père et sesd. enffans malles... soint quictes de touz fouages..., et avons led. Pierres Pillet et sesd. enffans ennobly..., et que aux parroissiens de lad. parroisse de Bretell soit défalqué ung feu... Si vous mandons, etc.

Ainsi signé, Par le duc, de sa main. — Par le duc, de son commandement et en son conseil : M« r Pierres de Bretaigne, le conte de Laval, Vous, l'evesque de Léon, l'abbé de Beaulieu, Thebaud de la Claretiere, Jehan de Musillac, Jehan Guihou, le maistre des requestes et autres pluseurs presens. — B. Huchet. »

Décharge de la garde d'une mineure pour le sire de Coëtquen.

Orig. jad. scellé en cire rouge sur s. q. (Ar. du Hallay-Coëtquen, B 10).

A Dinan, 1435, 25 novembre. — « Jehan... A touz... salut. Savoir faisons que aujourduy nostre très bien amé et féal ch er et chambellan le sire de Coëtquen nous a rendu et enmené devers nous

nostre fealle Jehanne de Meuellen mineure, laquelle nagueres par nostre commandement il avoit prinse au lieu de Foulgieres où elle estoit, et icelle avons receue et prinse en nostre garde, et en deschargé et quité, deschargeons et quictons par ces présentes led. sire de Coetquen, tant de lad. prinse que de lad. restitucion, sans jamès aucun reprouche lui en faire, et ainsi le lui promectons. Par le duc. — Par le duc, de son commandement. — R. Lenevou. »

Fondation de la collégiale de Lamballe.

Orig. scellé en cire verte des sceaux de Jean V (no 2) et de François, son fils aîné, sur doubles lacs, l'un rouge, l'autre multicolore : vert, rouge, blanc (Ar. L.-Inf., E 83 ; anc.Tr. des Ch. E. B. 46). — Copies des i5 nov. 1437, i*r mars i533, sept. i656 (Ar. CôtesAiu-Nord, E 187, f. de Penthièvre). — Copie du XVII« s. (Bibl. nat., ms. fr. 2708, f<> 129). — D. Lob. II, 1040- 1043. — D. Mor. Pr. II, 1285-1288.

1435, 9 décembre. — « Jehan... A touz... salut. Savoir faisons que nous, considerans que le plus agréable sacrifice que on peut en ce monde faire à nostre Saulveur, est offrir le Filz au Père; laquelle oblation est ordonnée, selon que dient les saincts pères, pour Dieu apaiser envers les pechours et adfin que les armes soient délivrées des purgatoires et gloriousement mises en paradis ; voyans la situation de l'église de N. D. de Lamballe et les ediffices d'icelle estre lieu et place très devotz, de ancienne et. très notable edifficacion et en laquelle nous avons très singulière et dévote affection, desirans de tout nostre cuer le service divin y estre bien fait et perpétué..., avons au jour duy... fondé... pour durer à jamais en perpétuel, un collège de six chappellains quielx seront chantres ydonnes et suffisans, et desquielx six chappellains avons retenu... la nomination, présentation et tout droit de patronnaige..., et voulions que révérend père en Dieu et nostre bien amé et féal conseiller Hervé, evesque de S 1 Brieuc, et ses successeurs evesques dud. lieu en aient la collacion..., et dès à présent avons nommé, nommons et présentons... messires Gilles Gouelou, Olivier le Bel, André Guillard, Eon le Lamballays, Raoul le Fournier et Pierres Burnel presbtres, lesquielx... diront à note chascun jour perpetuelment toutes les heures canonialles..., tout ainsi que on le fait et est acoustumé estre fait ou collège de l'église cathedral de Me saint Brieuc des Vaulx... Pour lequel service divin fere perpetuelment... ordonnons esd. six chappellains le numbre de deux cens seze 1. de rente perpétuelle et six poys de cire par chascun an, chascun poys contenant six 1. et demie de cire, qui seront convertiz et emploiez en cierges et luminaires à faire lesd. services... Si mandons, etc.

Par le duc. — (Sur le repli) Par le duc, de son commandement et en son conseil : Mp le conte de Montfort, M* r Gilles de Bretaigne, l'evesque de S* Brieuc, l'archediacre de Rennes, messire Pierres* Eder ch«' et chambellan, le procureur gênerai et maistre Raoul de la Moussaye presens. — Guillemet ft . »

1. Par acte du a3 déc. 1435, transcrit après coup au bas et sur le recto des lettres du duc son père, François, comte de Montfort, ratifia la fondation de Jean V et la scella à son tour. Pierre Eder seul figure parmi les témoins de cet acte supplémentaire ; c'est donc à tort que les Bénédictins ont donné comme présents aux lettres de François du 23, les personnages qui furent en réalité témoins des lettres de Jean V du 9 déc.

DS JEAN V, DUC f>E BRETAGNE 135

Franchise defouages pour les vassaux de Vévêque à Bréhand-Moncontour et Yffiniac.

Orîg. jad. scellé sur s. q. (Ar. C.-du-N., G, f. de l'év. de S*-Brieuc).— Copie du 18 fév. 1524 (Ibid.).-Hist. des évêques de S'-Brieuc par Guimart, i852, p. 196. — Annuaire des Côtes-du-Nord, 1859, p. 7.

A S 1 Brieuc, 1435, 27 décembre. — «Jehan... A touz... salut. Révérend père en Dieu nostre bien amé et féal conseillier Pevesque de S & Brieuc nous a par complainte exposé que, non obstant que de si long temps que mémoire de homme n'est du contraire, ses hommes demourans ou fié d'église ou bourg de Brehant Moncontour qui sont en nombre deux feuz, et en la parroisse de Yffiniac un seul estagier demourant ou bourg de Yffiniac, aient esté et soint francs et exemps de toute autre juridicion temporelle que celle dud. révérend père, et de touz fouages, tailles et autres subvencions quieulxconques sans y avoir oncques contribué, les receveurs de fouage se sont puis nagueres efforciez de voulloir contraindre et compeller lesd. habitans à poier et contribuer esd. fouages, et à cause de ce leur ont fait pluseurs domages neantmoins qu'ilz soint si povres gens que à paine peunt illeques vivre, et si n'estoit lad. franchisse, pour ce qu'ilz n'ont que pou de chose oud. fié, ilz n'y habiteroint aucunement, ainczois yroint ailleurs vivre et demourer, et dès à présent veullent frostir et inhabiter led. fié pour la charge que lesd. receveurs leur ont fait, ou grant grieff, préjudice et domage dud. révérend père en Dieu et en diminucion des revenues de lad. église qui par nous et noz predicesseurs est fondée, nous supplians humblement sur ce leur pourvoir de remède convenable. Pour ce est il que nous... exemptons par ces présentes lesd. habitans oud. fié d'église de touz fouages, taillées, subcides et autres subvencions quieulxconques, en deschargent et deschargeons par ces mesmes présentes les contribuans à foage desd. parroisses de Brehant et d'Yffiniac, savoir est aud. lieu de Brehant, de deux feuz, à Yffiniac, de ung feu. Si donnons en mandement, etc.

Par le duc. — Par le duc, de son commandement, presens : le grant maistre d'ostel, l'archediacre de Rennes, Jahan de Musillac et autres. — Le Nevod. »

Mention dans un compte (Bibl. nat., ms. fr. 11 543, f° 32 ; anc. Ch. des c. de Nantes).

1435, 29 décembre. — Quittance du duc à Eon Conan, receveur de la châtellenie de Duault, de la somme de 20 l. baillée à E. de Carné, garde des petits coffres. — Signé, Par le duc. - Eon de Guurê.

Mention (Ar. des forges de Lanouée, Morbihan).

1435. — Lettres d'institution de foires au bourg de S 1 - Jean et de confirmation des foires de Miniac.

Mise hors de procès de Philippe de Coetgourheden, chambellan.

Copie du 22 nov. i555 (Ar. Côtes-du-Nord, E 952, f. de Penthièvre).

A S'-Brieuc, 1436 n. s., 11 janvier. — « Jehan... A toutz... salut. Comme nostre bien amé et féal escuier et chambellan Phelippes de Coatgourheden fust mys en procès et traict en cause par devant nous et nostre conseil, à l'instance de nostre procureur gênerai, sur ce que l'on avoict dict vers luy que nonobstant qu'il soict nostre homme de foy, il s'estoict avancé à tenir et excercer court et jurisdicion sur notz subjectz en nostre prevosté de Guingamp, en usurpant notz droictz, nonobstant que en celle prevosté de Guingamp nully n'eust droict de y avoir, tenir ne excercer court ne jurisdicion, fors nous ou ceulx qui en sont fondez de nous et de notz prédécesseurs, sçavoir l'abbé de S u Croix, les prieurs de la Trinitté et de S 1 Saulveur, dont nous sommes fondeurs, Ce neanltmoins, nostred. chambellan, soubz ombre et coulleur d'aulchuns herittaiges qu'il a en celle prevosté, quieulx disoict nostred.procureur estre partables, ainsin réglez et gouvernés et acquis de gentz partables, et generallement toutz les herittaiges estantz en icelle prevosté estre partablement réglez et gouvernez, concluant envers nostred. chambellan affin qu'il fust et soict condempné cesser de plus tenir lad. jurisdicion. — Lequel nostred. chambellan, en soy justiffiant, confessa bien qu'il avoict et tenoict jurisdicion et avoict court et obboissance sur ses hommes et subjectz en lad. prevosté, destroict et obboissance de sesd. hommes à aller à ses moulins et poier le debvoir de moulture, et y avoir estangs, garaines, colombiers, comme à homme noble apartient, et aultrement comme s« r prouche peult et doibt justiczier ses hommes et subjectz, qu'il le povoict faire, car il est noble et de noble anccessorie, se governant noblement luy et ses prédécesseurs, et ses fiez et herittaiges estre nobles..., et estre, luy et ses prédécesseurs, en bonne pocession de jouyr de droict et seigneuries en celle prevosté sur ses hommes... ; et comme d'aultresfoiz, par aulchune hayne que ceulx de Biais avoinct conceue vers les ayeul et père de nostred. chambellan, lesquieulx pour le temps estoinct s*« dud. lieu de Guingamp, sur ce leur misrent impeschement et furent traictz en cause par la court dud. lieu de Guingamp, nonobstant lequel impeschement ilz desmeurerent en leur pocession... — Mesmes, puix la confiscacion à nous escheue de ceulx de Blays, nostred. chambellan s'estoict, de son auctoritté, intrus et avancé à tenir et occuper la dettencion de certains prés appeliez les prés à la duchesse et de certaines landes et villaiges y adjoinctz, avecques environ la seixiesme partie [d'un moulin] appelle le moulin Guillemet, sittuées en [la parroisse de] Ploemagoer, au terrouer [...', quelles choses] disoict nostred. procureur aultresfoiz avoyr esté et appartenir ausd. de Blays et, par le moyen de lad. confiscacion, nous estoinct acquis et debvoinct apartenir, et que d'iceulx herittaiges nostred. chambellan et ses prédécesseurs avoinct faict les levées par plusseurs années, concluant adfin de se ruser dessur la pocession desd. choses et nous en laisser jouir pour le temps advenir et nous en poier les levées. — Lequel nostred. chambellan avoict congneu tenir lesd. herittaiges, disant que ce est son droict herittaige et pocession et de sesd. prédécesseurs, et que aultresfoiz par lad. haine que avoinct iceulx de Blays vers luy et ses prédécesseurs leur donnèrent trouble et impeschement sur lesd. choses, et que dempuix sur le

i. Ici la copie est endommagée.

débat qui en estoict, fust tant exploicté par nostre court et barre de Chastelaudren , soubz laquelle sont lesd. herittaiges tenuz, qu'il fust jugé et declairé qu'il en povoict et debvoict jouyr. Desquieulx cas et chascun dessurd. nostred. chambellan s'est excusé envers nous et nous a aparu de ses droictz et justifficacions par proceix, sçavoyr ungn proceix de la court de Guingamp faisant mencion que aultresfoiz, par cause de lad. jurisdicion, plaict et litige fust meu par lad. court de Guingamp entre le procureur d'icelle et le père de nostred. chambellan comme il avoict esté jugié et declairé qu'il en povoict et debvoict jouyr et desmeurer vray pocesseur d'icelle court et jurisdicion en lad. prevosté, lequel procès est en dabte du quart jour de mars l'an dict mil quatre centz et quinze, passé de la main Jehan de Launoy et signé de la main Guillaume Collet ; item, ungn aultre procès faict et donné par la court de Chastelaudren faisant mencion que sur le débat qui estoict entre le procureur de lad. court et Foucquet Regnart, au nom et comme procureur dud. Phelippes nostre chambellan, à cause desd. prez, herittaiges et moulin..., fust jugé et declairé que nostred. chambellan povoict et debvoict jouyr herittierement d'icelles chosses, lequel procès est du dabte du quatorziesme jour d'apvril avant Pasques l'an dict mil quatre centz vignt et troys ; par quoy nous aict nostred. chambellan supplié que il nous plaise en ce luy pourvoir de justice, tellement qu'il puisse doresnavant jouir desd. pocessions, droictz, seigneuries et obboissances sellon le contenu en ses jugés et procès, sans débat ne impeschement ou aultrement ainsin que voirrons au cas apartenir. Sçavoir faisons que nous... meptons led. de Coatgourheden hors du proceix en quoy il estoict et est dettenu à cause des chosses dessurd., en imposant et imposons sur ce silence à nostre procureur.

Ainsin signé, Par le duc. — Par le duc, de son commandement ; et dempuix en son conseil, auquel: l'evesque de S 1 Brieuc, les archediacres de Rennes et de Kermenedili, Jehan de Ust et aultres estoinct. — Guillemet . »

Orig. jad. scellé en cire rouge sur s. q. * (Ar. Ille-et-Vil., H, f. de St-Georges de Rennes, liasse 60). — Visé dans un mandement du duc François II, du i3 février 1459 n. s. * (Cartulaire de S*-Georges de Rennes, par P. de la Bigne Villeneuve, Appendice, p. 289-292).

A Rennes*, 1436, 16 février. — « Jehan... A touz... salut. » A la requête des religieuses de l'abbaye de S'-Georges, lésées parles travaux des nouvelles fortifications de Rennes, le duc leur accorde 600 1. d'indemnité, attendu que « partie des jardins, vergiers et courtz appartenant à lad. abbaye, lors joignant aud. moustier et au manoir principal d'iceluy y a esté rasé et attribué esd. douves et fortifficacion. »

Par le duc — Par le duc, de son commandement, presenz : l'evesque de Rennes, l'abbé de

Beaulieu, les archediacres de Acreleon et de Kemenedili, Jehan de Musillac et pluseurs autres. —

Busson. »

1. L'orig. de cet acte, dont le parchemin s'est ef&ité, est en fort mauvais état. Il nous a, par suite, été impossible d'en donner autre chose qu'une analyse.

2. Enjoignant de payer à l'abbaye 38o 1. restant dues encore sur les 600 1. octroyées par les lettres de Jean V.