Et non le 23 avril comme on Ta imprimé dans V Annuaire

l30 LETTHBS ET MANDKMKNTS

comme ja piecza, pour la singulière devocion que avons touzdix aux sains glorieux et confesseurs saint Brieuc et saint Guillaume, patroms et fondeurs de l'église de S* Brieuc, et aultres pluseurs corps saintz desquieulx les reliques sont illec honorablement gardées et le divin office solempnement continué ; meismes considerans les grans oppresscions et dogmages que celle église, avecq nostre cité dud. lieu, ont souffert par les hostilitez et guerres des ennemis de nous et noz prédécesseurs et pour loyauté nous porter, dont icelle église devenoyt en ruyne et destruccion se n'y eussons pourveu, nous ayons souvent eslargi de noz aulmosnes ; et pour octroire tout le peuple à bien y fere et aquerir leur sauvement, ayons cestes choses signifié au saint siège appostolique en supliant y donner secours et provision. Et à nostre prière et supplicacion y a esté octroyé de l'auctorité appostolique par nostre saint père le pape, que touz ceulx qui visiteront dévotement et en bon estât celle eglyse chascun an et y donnent de leurs biens aux festes de saint Brieuc, du saint Sacrement et de la Dedicacion de saint Michel, à touzjours et en perpétuel gaygneront celles indulgences et remissions de péchez que gaygnent ceulx qui visitent l'église de Treguer, chascun an, au prochain dimanche après la feste de la Trinité, ainsin que plus à plain est contenu es lettres appostoliques sur ce faictes qui de novel nous ont esté apparues. A rencontre de quoy aucuns envieux et meuz de mal esperit ont fait dire et faulcement puplier que le temps de celles indulgences estoit passé, et mesmes suplié de par nous au saint syege apostolique de les casser et abolir s'iiz eussent peu, en impechant le bien de celle eglyse, la devocion et sauvement de tout le peuple, à nostre très grant deplaysir. Si est ainsi que nous..., après avoir visité en nostre conseill la tennour et effect desd. bulles et lettres apostoliques, o bonne deliberacion et advisement, certifiions par la tenour de ces présentes et declerons que ce ne fut oncques nostre vouloir ou intencion poursuir ou fere aucune chose dérogatoire ausd. indulgences à durer en perpétuel; et se aucuns ont^pourpousé ou fait du contraire, ce n'a pas esté à nostre sceu et ne voulons qu'il en soit usé ne trait à aucun effect ou conséquence. Pourquoy vous mandons... ainsin le faire savoir et puplier, etc. Par le duc. — Par le duc, de son commandement et en son conseill. — R. le Nbvou. »

Décharge de 28 L aux fermiers des moulins de la Perche et de Lissillion.

Orig. jad. scellé en cire rouge sur s. q. (Ar. Côtes-du-Nord, E 589, f. de Penthièvre).

A Jugon, 1436, 7 mai. — t Jehan... A nostre bien amé et féal Charles Mancel, nostre receveur de Lamballe, salut. Receu avons la supplicacion et humble complainte de nostre subgit Jehan Bertho, de la parroesse de Hylion, exposant que autresfoiz nostre sugit Denis Redon print et afferma de Jehan Picart, pour lors nostre receveur dud. lieu de Lamballe, noz moulins de la Perche et de Lissillion, pour le temps de dous ans qui finiront le derroin jour du moys de juign prochain venant, pour en poier aud. le Picart par chascun desd. doux ans la somme de trente seix 1., oultre les chauces et autres devoirs ad ce acoustumez, ainsi se montent ensemble lesd. doux ans à cler saixante et doze 1. ; pour lesquelx poier aud. le Picart, ou nom que desur, led. Denis Redon obligea touz ses biens meubles et autres, et d'abundant en eust tenu vers led. Picart, nostred. suppliant qui se y mist et institua piège et caupcion pour son propre fait. Durant laquelle ferme nosd. moulins ont esté ruyneux et en indigne reparacion ; par quoy ils ont tardé de mouldre par le temps de onze moys, et parle temps de quatre moys ont tardé nosd. moulins de mouldre par l'occasion du deffault

DE JEAN V, DUC DE BRETAGNE f3l

d'eau qui y a esté, ainsi soit ensemble quinze moys que led. nostre suppliant et Redon n'ont, fors bien pou, peu proufiter ne recovrer à cause de nosd. moulins. Et combien que de lad. ferme ils fussent et soint grandement perdans et qu'ils n'eussent à cause de nosd. moulins fait que bien pou de recepte, toutesfoiz par leur dilligence ont ils tant fait qu'ils en ont poié à vous nostred. receveur la somme de trente 1. diz s. chascun an, et nous seroit deu, led. terme de doux ans fini et escheu, la somme de quarante et une 1. diz s. mon., ce que nosd. supplians ne pourroint poier ne satisfaire, obstant les fortunes et occasions que desur, par le moien desqueles lesd. nostre suppliant et Redon en sont venuz à tele misère et povreté que led. Redon en a fouy et delessé nostre pals, et a delessé ses femme et enffans indigens et querans l'aumosne de pals en autre, et nostred. suppliant venu à totale destrucion et mis à povretté si par nous ne lui est pourveu de nostre grâce, humblement requérant sur ce nostre provision. Pour ce est il que nous, lesd. choses considérées, et que mesmes d'icellui suppliant a esté, cest an derrain passé, ars sa meson et tous ses biens, et que suymes bien à plain et au vroy informez par noz commissaires, et actendu que nosd. moulins ont retardé de mouldre par le temps desurd. et par les moiens que desur, des pertes et domaiges que ont eu et soustenu lesd. Bertho et Redon à cause de ce, et par ce que nostred. suppliant nous a aujourdui poié et baillé par la main de nostre aumosnier la somme de diz 1. mon. et doux moutons d'or, que sont ensemble lesd. moutons la somme de saexante et diz s. mon., traeze 1. diz s., ainsi ne reste plus desd. sommes que vingt et ouit 1. mon., Nous aujourdui... avons donné et quité... auxd. Bertho et Redon lad. somme de vingt et ouit 1. mon. et tout ce qu'ils nous doyvent ou pevent devoir... à cause de lad. ferme... Si vous mandons, etc.

Par le duc. — Par le duc, de son commandement, presens:le grant mestre d'ostel, l'arche diacre d'Acre et autres. — Loret. »

Arrentement d'une venelle dans la ville de Vannes.

Vidimus du 3o juin 1436 (Ar. L.-Inf., B, Baillées à rente : Vannes).

« En nostre chastel de Lehon », 1436, 14 mai. — « Jehan... A touz... salut. Savoir faisons que nous considerans que une quantité de terre en venelle qui estoit en nostre main, estante en nostre ville de Vennes en la parroisse de S 1 Père, contenant saixante piez de long et quatre piez de lèse ou environ, entre la maison Robin Bonneffant d'une part, et d'aultre à la maison dom Jehan Monnoye, où demourent à présent dom Henri Legouz, et la maison où demourent Eonnet Bino, et d'un chieff sur une rue par laquelle l'en vait d'icelle venelle à la maison maistre Jehan Lebreton, et d'aultre bout sur la rue S 1 Père, qui estoit comme chose en ruyne et ne nous portoit aucun prouffilt, voullans ad ce pourvoirs et mectre la chose à prouffit , baillons aud. Robin Bonneffant à jamais à héritage lad. quantité de terre et venelle..., pour nous en poier en chascun an... deux soulz de rente, sur l'obligacion des choses baillées avecques et sur l'obligacion de la maison, herbregement et tenue appartenans aud. Bonneffant qui habite en quantité o lad. venelle...; mandons et commencions à noz senechal, alloué, procureur et receveurs dud. lieu de Vennes, etc.

Ainssy signé, Par le duc, de sa main. — Par le duc, de son commendement. — E. de Carné. »

l32 LETTRES ET MANDEMENTS

Mandement de laisser les habitants de Mont fort jouir de leurs franchises.

Vidimus du 14 février 144 1 (Ar. L.-Inf., B, Franchises).

Au château de Lehon, 1436, i5 mai. — « Jehan... A touz... salut. Savoir faisons neantmoins que autresfoiz et dès le ouytiesme jour d'octobre Tan mil quatre cens trente un, à la supplicacion et humble requeste à nous faicte de la partie de nostre très cher et très amé filz et féal le conte de Laval, s** de Vitré, de Montfort et de la Roche, touchent la diminucion des demourans en ses ville et forbourgs de Montfort, qui, es temps passez, avoint esté et estoint en des grans charges et servitute, tant à la cause de la charge qu'ilz avoint de faire guet et garde à lad. ville de Montfort que autrement, et par especial les demourans en lad. ville qui, pour occasion de pluseurs qui estoint allez de vie à trespas et les autres allez hors lad. ville pour demourer, dont les maisons estoint et sont demourées froustes et inhabitées, ne povoint ne pourroint plus oboir ne fournir à porter lesd. charges sens nostre provision et remède convenable ; et ad ce que sad. ville peust estre relevée de telle charge et que pour le temps advenir les demourans y peussent demourer et servir au guet et garde à leurs povoirs pour le bien et tuicion du pals, mesmes pour donner occasion à d'autres d'y venir demourer, nous eussons, de grâce especial, octroie à nostred. beau filz que ses hommes qui demouroint en ses fiez et mettes des trois parroisses dud. lieu de Montfort seroint frans et quictes de poier fouages, taillées et aultres subeides ou temps advenir, après le dabte de nosd. lettres, tout ainssi que les demourans es autres villes et forteresses de nostre duché, sauff quant le cas advendroit, à nous aider semblablement comme celx de nosd. autres villes font, selon que sur elx seroit ordenné ; parmy ce que les demourans esd. trois parroisses, en la meste et fiez de nostred. filz, feroint garde à lad. ville chascun à son roisonable tour, en la manière que celx qui ont demouré et demourent en lad. ville ont adeoustumé faire. Si est ainsi que non obstant nosd. lettres de grâce et octroy ainssi faiz, aparues à vous les gens de notz comptes, aucunement ne les avez mises à excucion, ains avez refusé et deloyé à noz officiers et receveurs commis pour faire la recepte de nosd. fouages et autres receptes, depuis nostred. don et grâce faicte, de mectreen descharge le nombre des feuz estans es fez proches de nostred. beau filz, estans esd. trois parroisses de Montfort, combien que nulle recepte n'en ayent faicte, anezois les avez mis en charge tout ainssi que feissez par avant nostred. grâce; Pourquoy vous mandons expressément que... vous alloez... à nosd. receveurs... le numbre des feuz estans es fiez et meste de nostred. filz, etc.

Ainssi signé, Par le duc, escript de sa main. — Par le duc, de son commandement et en son consoill, ouquel : Vous, le sire de Coyquen, Jehan Mauleon, Pierres Ivete, le trésorier et pluseurs autres. — Loret. »

Franchise de fouages pour Jean Potier.

Vidimus du 9 mars 1440 (Ar. L.-Inf., B, Anobl. et franchises).

A Dinan, 1436, 16 mai. — « Jehan... A touz... salut. Comme à nous... appartienne franchir, etc. Savoir faisons que pour les bons et agréables services que nostre bien amé Jehan Patier, queu de

DB JEAN Y, DUC DK BRETAGNE l33

nostre très cher et très amé aisné filz le conte de Montfort, a fait es temps passez à nostred. filz, à la requeste mesmes et supplicacion de nostred. filz qui de ce nous a très affectueusement requis, au jour de huy, de nostre grâce, avons franchi... celuy Patier avec ses hoirs descendens de sa char en loyal mariage, de touz fouages..., et deschargeons aux parroissiens de la parroisse où led. Patier et sesd. hoirs seront demourans, sur le numbre des feuz d'icelle, ung feu entier... Et avec ce, avons donné et donnons à iceluy Patier, sa vie durante seullement, les devoirs et acquiz nous appartenans..., par cause des impostz et billotz, du numbre de quinze pipes de vin qu'il vendra ou fera vendre par chascun an en sa maison, le temps durant que lesd. impostz et subsides auront cours en nostre pays. Si donnons en mandement à noz seneschalz, allouez et procureurs de Rennes, Plermel et Broerech, etc. En tesmoing de ce, nous avons signé ces lettres présentes de nostre main et fait seeller de nostre seel en laz de soye et cire vert.

Ainssi signé, Par le duc, de sa main. — (Et en double d'icelle lettre, sur l'envers, estoit contenu ce que s'ensuit) : Par le duc, de son commandement et en son conseil, auquel : Mf* le conte, le conte de Laval, Vous, l'evesque de S 1 Malou, le grant mestre d'ostel, l'abbé de Beaulieu, messire Pierres Eder, le confesseur, Jehan Mauleon et aultres estoint. — Pasquier. »

Lettres d'apanage pour François de Bretagne, neveu de Jean V,

Orig. jad. scellé sur lacs (A. L.-Inf., E 2 ; anc. Tr. des Ch. G. C. 22).

A Dinan, 1436, 29 mai. — « Jehan... A touz... salut. Savoir faisons que nous, pour la très singulière amour que avons à nostre très chier et très amé neveu Françoys de Bretaigne, filz de nostre très chier et très amé frère le conte d'Estampes, à iceluy nostre neveu, pour son bien et avancement, avons donné..., pour luy et ses hoirs, les terres, chasteaulx, chastelenies et seigneurie des Essars, Poiroux, Ryé, Aisenays, Ardelay, la tierce partie de la terre, chastelenie et seignourie de Mortaigne, les terres de Poillé, Nalliers, la Chastaigneroye, la Mote de Fontenay le Comte, la Guierche, Teigpé, et la quarte partie par indivis de la terre, chastelenie et seigneurie d'Aspremond ; et generalment tout le droit, cause, nom, raison et action, tant en propriété que possession, que avions et qui nous povoit et devoit, peuet et doibt competer et appartenir par quelque moyen ou couleur que ce soit, esd. terres, chasteaulx et chastelenies et seigneuries dessus nommées, sans aucune chose à nous y reserver ne retenir ; pour celuy nostre neveu en faire et disposer ainsi que bon luy semblera. Car il nous plaist et est nostre volunté. En tesmoign de ce, nous avons fait seeller ces présentes de nostre seel en laz de saye et cire vert.

Par lb duc. — (Sur le repli) Par le duc, de son commandement et en son conseill, presens : le conte de Laval, Vous, le grant maistre d'ostel, messire Pierres Eder, l'archediacre d'Acre, Thebaud de la Clartiere et autres. — Godakt. »

134 urrntBS bt mândxiocicts

Autorisation aux religieuses de S*-Sulpice de transférer un marché du dimanche au

vendredi.

Copie d'après l'orig. scellé en cire rouge sur s. q. (Bibl. de Rennes, Cartulaire de St-Sulpice de Rennes,

fo i3 v°).

A Dinan, 1436, 3i mai. — « Jehan... A touz... salut. Receue avons la supplicacion et requeste de humbles et dévotes orateures les abbesse et religieuses du benoist moustier de l'abbaye S 1 Sulpice, contenant comme puis le temps de trante ans leurs predecesseures, abbasses et religieuses dud. moustier, eussent acoustumé avoir et faire tenir ou bourgc dud. lieu S* Sulpice, ung marché par chascun dimamche, dont ilz jouissoint paisiblement, avecques des revenuz et debvoirs d'iceluy, et bien est à présumer et sçavoir, car aud. lieu y a haulte cohue qu'il convient ausd. suppliantes maintenir en reparacion ; et il soyt ainsi que dempuis, pour honneur et révérence de Nostre Seigneur et par l'introduction et enseignement d'aucuns bons prédicateurs qui sur ce prescherrent, en blasmant grandement les foires et marchez qui estoint tenuz au sainct dimamche, que chascun bon catholicque doibt festiver et sollempniser, on ayt cessé generaulment par tout nostre duché et à bonne cause, de non tenir foires ne marchez aud. jour de dimamche, et à celle cause, mesmes pour occasion des guerres et aultrement, a esté dempuis tosjours retardé led. marché aud. lieu de l'abbaye, sans aucunement avoir tenu, au très grand grieff, préjudice et domaige desd. suppliantes et de leurs noblesses, rentes et revenuz... Pour ce est il que nous, bien informez par gens notables que aud. lieu de l'abbaye y a eu aultresfoiz marché, dont les abbasses et religieuses jouissoint comme dessus, ne voullans le leur empescher, ayns desirans garder leurs droictz et augmenter et acroistre les revenuz de saincte église à nostre povoir..., voulions et octroyons par cestz presantes auxd. supliantes, que elles et leurs subcesseures, abbesses et religieuses dud. moustier, aynt et puissent avoir et faire tenir ou temps advenir aud. lieu de l'abbaye, ung marché au jour de vendredi de chascune sepmaine et qu'ilz en jouissent perpétuellement des droictz, prérogatives et devoirs, ainsi et en la manière que elles et leurs predecesseures avoint acoustumé le faire au jour de dimamche ; et de nouvel... le leur avons octroyé et octroyons de grâce especial. Si donnons en mandement à noz senneschal, alloué et procureur de Rennes, etc.

Ainsi signé, Par le duc. — Par le duc, de son commandement, presens : Vous, l'archidiacre d'Acre et plusieurs aultres. — A. Phelipot. »

Jugement dans une cause entre les religieux de Boquen et les héritiers de Tiphaine Quémar.

Orig. jad. scellé sur s. q. (Ar. Côtes-du-Nord, H, f. de l'abbaye de Boquen).

A Josselin, 1436, 5 juin. — « Jehan... Savoir faesons que aujourduy à cestes assignences se sont comparuz frère Rolland Chevalier, comme procureur aprové par lettres pour les abbé et convent de N. D. de Bosquien d'une part, et Gillet le Conte en son nom et comme procureur de Margot Begace sa femme et de Jehan le Mognelès, d'autre. Lesquieulx furent congnoessans que autres*

DE JBAM V, SUC DE BIBTAOME l35

foez sur le fait de ce que frère Pierres Eschyerdel, comme procureur desd. abbé et convent, avoit dit vers led. Gillet, esd. noms, que autresfoiz une nommée Thiphaine Quemar avoit donné et fait donnaison esd. abbé et convent de toutes et cbascune les héritages que ycelle Tiphaine avoit et avoir povait en la parroesse de Morieuc, sellond et pour les causes contenues en la lettre d'icelle donnaison en fesant mencion, et certaines autres ordrennances ; que ne congnoessoit aucunement led. Conte, ains avoit dit plusseurs causes et raisons à rencontre ; dont en estoint à cause de ce en plet et litige par la court d'iglise de S 1 Brieuc et par la court des assignences et autrement^ et cncores s'en peust ensuir pledaerie entr'elx. Sur quoy, pour obvier plet de tout ce, avoint voulu et esté d'assentement de comparoir davant nostre bien amé et féal conseillier maistre Pierres de l'Ospital, nostre présidant et juge universel de Bretaigne.. ., à cestes assignences et sur ce tenir et souffrir son jugement... Et en y fournissant » furent produites par les parties trois actes de la procédure antérieure, datés des 16 avril, 3o avril et a juin 1436. « Et en procédant oultre, fut apparu de la partie dud. frère Rolland une lettre du date du quinz m » jour de juillet Tan mil un" 5 trame et ungn, saellée des seaux desd. abbé et convent et passée par Bertran le Champion, en ce que touche lad. Tiphaine et auxi led. Thomas de Brehant, contenant en effait que lad. Tiphaine Queqpar avoit donné et aumosné aud. convent, en pure et perpétuelle donnaison inrevocable, c'est assavoir touz et chascun les héritages, terres et rames et obbeissances quieulxconques que celle Tiphaine avoit et luy appartenoit et povait appartenir en la parrouesse de Morieuc, parmy ce que led. convent, en la présence et du consentement dud. abbé, devoint et estoint tenuz obligez faire et dire et cellebrer à jamais perpétuellement ou temps avenir futur, aud. lieu et moutier de Bosquien, une messe par chascune sepmaine au jour du vendredi ou que que soit à un autre jour de la sepmaine, pour l'arme de lad. Tiphaine et de ses père et mère et autres amys trèspassez, et pour estre à compaignée es prières et ausmonnes qui sont et seront faictes aud. lieu et

moutier de Bosquien Et, adfin que led. frère Rolland ne doibt joir d'icelle donnaison ne ycelle

lettre sortir ne avoir effait, fut dit et proposé dud. Gillet contre led. frère Rolland que ycelle Tiphaine, au temps de lad. lettre, de paravant etdempuis, estoit veille et ancienne, décrépite et incencible, desavante de san et de bon gouvernement, et celle donnaison estre inmense et excéder plus que le tiers de son héritage, et que elle avoit fait pluseurs autres contraz et donnaisons, tant à son mari que à autres, et que elle n'avoit nulz hers de son corps et avoit fait ceux contraz pour deserer ses hers, et que mesmes elle avoit révoqué par son testament et derraine volante les donnaisons et ordrennances que elle avoit fait deparavant, et que par la manière d'icelle donnaison n'avoint pas esté stipullans ne la possession baillée réellement et de fait, et que mesmes ycelle Tiphaine avoit fait autre donnaison aud. convent de seix perrées de fourment en revocquant l'autre précédante donnaison, et dont lesd. abbé et convent avoint demandé par court d'iglise joir, et

ainssi par la derraine, la première seroit deffaicte Lequel frère Rolland non congnoessant des

choses allégées dud. Gillet, dist et allégua que ycelle Tiphaine estoit au temps du date de lad. donnaison, de paravant et dempuis, sciente et de bon gouvernement, congnoessante de raison et de son proufit, et habille de faire celuy contrat et donnaison, et que elle avoit au temps delors et luy appartenoit héritages et rentes, les dous pars ou plus que lad. donnaison ne monte... Sur quoy, par avisement et deliberacion, en tant que sont en fait contraire touchant la décrépite, incencibillité d'icelle et auxi touchant la donnaison inmense et plus que le tiers de son héritage, et ce que led. frère Rolland a dit le contraire, en avons les proves jugiées à chascune des parties à suffire et nous avons réservé faire raison de leurs autres raisons, veu que sera fait des proves d'une et autre

l36 LETTRES ET MANDEMENTS

part. Et quant pour y recevoir tes moins d'une et autre part, les jurer, purger et enquérir, avons commis noz bien amez et féaux Jehan Troussier, Loys le Nevou, Pierres Riaczon et chascun, un clerc appelle en la compaignie de celuy qui y vacquera, et entendre par un jour et pluseurs entre cy et noz prochaines assignences. Donné à noz generalles assignences tenues en la ville de Jocelin.

Par le duc, à la rellacion du conseill tenant les generalles assignences. — Loys le Nevou *. »

Mention dans des lettres du duc Pierre II, du 21 juin 145 1 (D, Mor., Pr. H, i593).

1436, juin. — Lettres confirmatives d'autres lettres, de janvier 1423% par lesquelles Jean V avait donné à Pierre de la Marzelière 200 1. de rente.

222g Anoblissement du manoir de Trevran en faveur d'Olivier du Bot.

Vidimus du 20 nov. 1436 (Ar. du château de Penhoët près Josselin) \

« A l'abaye de S k Jehan des Prez, près Jocelin, » 1436, 3o juillet. — « Jehan... A noz bien amez etf aulx conseilliez les gens de noz comptes, salut. Receu avons la supplicacion et humble requeste de nostre bien amé et féal serviteur Olivier du Bot, contenant ainssi soit que led. suppliant ait et lui appartienne ung hostel, manoir et herbregement, en la paroesse de Lanoes, nommé Trevran, noblement tenu en jouveignourie de Olivier de Timadeuc ; neantmoins laquelle noblesse, pour ce que les demouranz qui depuis certain temps ont demouré oud. hostel, par leur simplesse ou aultrement, ont fait posession de contribuer es fouages par nous ordrennez, et à celle cause veulent les paroessiens d'icelle paroesse que le metaier dud. suppliant et les demourans en icelui hostel, contribuent es fouages poier, en grant préjudice dud. suppliant, requérant sur ce nostre provision, et qu'il nous plaise luy franchir led. hostel et les demourans ou temps advenir en iceluy, de touz fouages et aultres subvencions quelxconques, humblement le nous requérant. Savoir faisons que nous, lesd. choses considérées et les bons et agréables services et plaisirs que led. exposant nous a faits..., quictons et exemptons led. hostel et les demourans en iceluy ou temps advenir, de touz fouages, subeides, gabelles et de toutes aultres subvencions quelxconques ; en voulant et voulons que aux paroessiens d'icelle paroesse soit rabatu et défalqué du nombre des feuz anciens de lad. paroesse, pour led. hostel un tierz de feu, et vous mandons et commandons, etc. Ainssi signé, Par le duc, de sa main. — Par le duc, de son commandement, presens : les evesques de Rennes et de S* Malou, l'abbé de Bcaulieu, Jehan de Mesuilac et aultres plusieurs. — Blanchet. »