Ut GontrerUtsres n'ont pat reproduit lat t*wcriptiMt
cher et très amé frère le conte d'Estampes, que Dieu pardoint, avecques beau cousin Franczois, sire de Rieux et de Rocheffort, nous eussions promis et graié en la faveur dud. mariage, pour estre fait et en cas que seroit fait, accompli et consomé, et non aultrement, le nombre et somme de vignt et cinq mill escuz bons et de poys, à estre emploier et convertir en heritaige au prouffit de nostred. belle niepce ; ainsi dit et expressément réservé que lad. somme nous retournèrent et redunderoit, ou l'eritaige que d'icelle seroit acquis, ou en cas que led. mariage ne seroit fait ou auroit effet ; pour laquelle somme, deffunct beau cousin sire de Rex et de R[och effort] ft , tant en son nom que ou nom de messire Pierres de R[ocheffon] ■ son frère puisné, mareschal de France, avoit vendu le chastel, chastellenie, terre et s* ric de Ranroet, o toutes et chascune ses appartenances. Et entretenant celui contract de vente, nous eussions avancé et poyé aud. deffunct sire de Rex et de R[ocheffort] la somme de quinze mill escuz, à estre baillez et emploiez pour lad. délivrance dud. messire Pierres, lors prinsonnier et détenu en Engleterre ; pour lesquelx quinze mill escuz, led. deffunct sire de Rex avoit assigné, transporté et acquis les trois quintes parties desd. chastellenie, terre et richesse de Ranroet. Et par celui tiltre et à celle cause, nostred. beau frère d'Estampes, ou nom de nous et de par nous et soubz umbre de nostred. belle niepce sa fille, avoit prins et aprehandé pocession desd. trois quintes parties, et y mis et constitué officiers, en joy et fait les levées par longe temps, pour estre et redundez au prouffit dud. mariage, en cas que seroit fait et accomply, ou aultrement, se ainsi n'estoit receu, à nostre main, comme dit est ; quelle pocession et touz les esploiz y faiz estoint et devoint estre en nostre nom, pour ce que avons baillé et poié lad. finance pour led. mariage estre fait et acomply, et en celui cas et non aultrement. Lequel mariage n'a depuix sorti aucune effet, et ainsi lad. finance avecques tout le contract en fait, en principal et levées, est révolu et redundé à nous et à nostre prouffit et disposicion ; et par ce moyen et aultrement nous soions fondez à en avoir et retenir la pocession et en joir comme du nostre propre. Savoir faisons nous, eue consideracion es chouses dessusd., voulans tousjours nostrje droit conserver et garder d'alienacion, avons aujourduy, par meure deliberacion de nostre conseill, prins et saesi en nostre main icelles trois quintes parties de lad. chastellenie et terre de Ranroet, à la cause dessusd. Et quant affin de prandre la pocession en nostre main et de par nous et de y faire touz esploiz pour pocession avoir et retenir, avons commis nostre bien amé et féal conseiller Pierres Josso, aloé de Vennes, auquel avons donné et donnons povoir, etc.
Ainsi signé, Par le duc, escript de sa main. — Par le duc, de son commandement et en son conseill, presens : le conte de Laval, Tevesque de S* Brieuc, Yvon de Rocerff, le trésorier gênerai et aultres. — J. Godart. »
Pouvoirs de sénéchal, procureur et receveur de Ranrouet pour Gilles le Bel, Henri de
Chamballon el Jean Pasqueau.
Copie du XV* s. sur parchemin (Ar. L.-Inf., E 3o; anc. Tr. des Ch. J. F. 26).
Au château de Succinio, 1440, 26 août. — « Jehan... A touz... salut. Comme pour certaines et justes causes plus à plain desclerées en noz lettres, nous aions prins et saesi en nostre main les
i. Jean III, sire de Rieux et de Rochefort.
j. Pierre de Rieux die de Rochefort, maréchal de France, avait été fait prisonnier en 1419.
trois quintes parties des chastellenie et terre de Ranroet o ses appartenances ; et il nous besoigne et soit licite y meictre et instituer officiers de par nous et en nostre nom, Savoir faisons que nous, confians à plain es scens, leauté et bonne diligence de maistre Gilles le Bel, maistre Henri de Chamballon et Jehan Pasqueau..., les instituons et ordennons, savoir: led. maistre Gilles, nostre seneschal, led. Chamballon, nostre procureur, et led. Pasqueau, nostre receveur esd. trois quintes parties de lad. terre de Ranroet, durant nostre bon plaisir, aux gaiges et prouffiz auxd. offices deuz et acoustumez...; en mandant, etc.
Ainsi signé, Par le duc, escript de sa main. — Par le duc, de son commandement. — Godart. »
2441 (Mandat de paiement) Copie dans un mémoire produit vers 1467 par le fils de Mauléon (Ar. L.-Inf., E 204; anc. Tr. des Ch.).
Au château de Succinio, 1440, 28 août. — « Jehan... A nostre bien amé et féal escuier et conseillier Geffroy le Ferron, nostre trésorier et receveur gênerai, salut. Comme Auffroy Guinot, lors nostre trésorier gênerai, eust baillé à Guyon de Carné, trésorier de noz petitz coffres, une quictance de vu* livres ou plus, sur le foage de l'evesché de Vennes,pour icelle somme bailler à Jehan Mauléon, trésorier de nostre espargne, qui en bailla sa quictance aud. Auffroy, et led. Guyon son obligacion aud. Mauleon de luy fournir icelle somme ; et au poiement que celuy Guyon en fist aud. Mauleon, luy restoit encores n M 11 e xxxvi 1. xvi s. x d. Et pour ce que dempuis, au compte que led. Guyon rendist en la chambre de noz comptes de l'office de nozd. petitz coffres, fut trouvé que luy estoit deu très grant numbre de finance qu'il avoit avancé pour noz aulmosnes et affaires; ne voulans, pour la descharge de nostre conscience, que pour nous servir les avances qu'il nous a fait, luy soyent plus retardé, ainz desirons nous en acquicter vers luy, affin qu'il se acquicte vers led. Mauleon du rest desurd., Vous mandons... que... vous poyez et baillez aud. Guyon icelle somme de n M 11 e xxxvi 1. xVi s. x d., pour les bailler aud. Mauleon. Et que en ce ne y ayt faulte, etc.
Ainsi signé, Par le duc, escript de sa main. — Par le duc, de son commandement, presens : l'evesque de S 1 Brieuc, l'abbé de Beaulieu, messire Jacques de Penhoetdic, Jehan Labbé, Jehan de Musuillac, Charles de la Ville Audren, Jehan Mauleon, Jehan de Vennes et aultres pluseurs. — Du Troley. »
Anoblissement de Mathurin Gaultier.
Copie papier du 8 nov. i565 (Collection de M. le baron de Wismes).
1440, 3o août. — « Jehan... A toutz... salut. Comme à nous... appartienne donner franchises et libertez... ; et soict ainsin que nostre bien amé et féal segretaire Mathurin Gaultier, dès le temps de sa jeunesse nous a tourjours servy oud. office de segretaire et aultrement en plusieurs manières, à grandz fraietz, mipses et coustaiges, et sans avoir eu aulchune ordonnance de gaiges, ce que ne pouroict continuellement faire sans avoir auschune recompanse, Savoir faizons que nous, desiranu recongnoistre nostred. segretaire, comme raison est, pour bonne exemple demonstrer à aultres d'ainsin le faire, des services qu'il nous a faict..., ennoblissons, franchissons.., nostred. segretaire avecq son filz aisné, à jamais en perpétuel, de toutz fouaiges..., par ainsin qu'ilz seront tenuz nous
DE JEAN V, DUC DE BRETAGNE l5j
servir en armes scellon leur faculté et puissance touttes foys qu'il en sera nécessité. Et en oultre... franchissons et quictons à nostred. segretaire, durant le cours de sa vye, l'impost des vins qu'il vaudra ou fera vandre par détail en son hostel, jucq au numbre de quinze tonneaux de vin par chascun an, et pareil le debvoir d'entrée, jucq aud. numbre... Sy donnons en mandement, etc. Et affin que se soict chose ferme et estable à durer en perpétuel, nous avons signé les présentes de nostre main et faict sceller de nostre sceel en laz de soye et syre verte.
Ainsin signé, Par le duc. — Et sur le reply est escript, Par le duc, de son commandement. — G. de Carné. »
Mention d'après des preuves de Malte (Ar, de M. de Secillon au château de Kerfur)'. 1440, 3i août. — Lettres d'anoblissement en faveur de Jean Gaultier, sp de Trovray.
Don à François, fils aîné du duc, des terres confisquées à Gilles de Rays.
Orig. jad. scellé sur s. q. (Ar. L.-Inf., E 3 ; anc. Tr. des Ch. M. C. 11).
« Au Plesseix de Reczac », 1440, 3 septembre. — « Jehan... A touz... salut. Comme ainsi soit que Gilles se disant sire de Rays, de sa volenté desordonnée, contre roison et justice, ait commis et perpétré certains dampnables cas et énormes exceix, et se soit tellement forsfait que par justice les terres et revenues qu'il tient en nostre duché doient estre à nous confisquées et acquises, et nous appartienne à en disposer et ordonner à nostre plaisir, Savoir faisons que nous, considerans la singulière amour et afection que avons à nostre très cher et très amé aisné fils Franczois, conte de Montfort, et les grandes charges que chascun jour lui covient porter pour son estât honorablement soustenir, desirans en ce le supporter et aider et pour autres justes causes ad ce nous mouvans, A icelui nostre fils avons aujourduy donné et octrié toutes et chascune les terres, rentes, revenues et héritages qui deparavent lesd. exceix appartenoint aud. de Rays, et qui à cause de confiscacion pour les exceix dessusd. et autrement nous povent et porront competer et appartenir; et dès à présent lui en avons baillé et transporté tout le droit, cause et action qui nous y peut et doibt appartenir, et nous en suymes departiz, voulans que nostred. fils en joisse entièrement ainsi que nous mesmes faire le pourrions, sanz riens en retenir ; sauff et réservé l'ipoteque et obligacion que nous et nostre beau fils Gilles avons sur lesd. terres de Rays pour le garentage de Chantocé et d'autres terres et héritages que celui de Rays a transporté à nous et à nostred. fils deparavent ces heures; voulans par ces mesmes présentes que le transport qui a esté fait à nostred. fils Gilles de lad. terre de Chantocé o ses appartenances, vaille et tienne, sanz ce que par vertu de ceste présente donnaison y soit dérogé ne porté préjudice à nostred. fils...
Par le duc. — Par le duc, de son commandement. — Godart. »
