Communication de M. le marquis de l'Estourbcillon

2 58 LETTRES BT MANDEMENTS

Ordre de détruire les haies faites près de la forêt de Saffri par J. de la Mortraye.

Qrig. jad. scellé sur s. q. (Arch. du château de Saffré) «.

A Kerango, 1440, 25 septembre. — « Jehan... A tous ceulx... sahat. Savoir faisons que comme à nostre bien amée et fealle cousine dame Jehanne de Saffré, dame de la Hunaudaye et dud. lieu de Saffré, soit et luy appartiegne, de ses droiz heritaux, une forestz et boys estant en la parroesse dud. lieu de Saffré, près et ajacens de laquelle Jehan de la Morteraye ait et luy appartiegne certaine quantité de boys de revenue, esqueulx et joignant lad. forestz, yceluy de la Morteraye et ses enfans aient fait faire hayes et plesses à prendre bestes, es terres et endroiz où n'avoit oncques bayes et plesses ; lesquelles hayes et plesses ainsi faites par led. de la Morteraye, nostre bien amé et féal cousin et chambellan le sire de la Hunaudaye, fils aisné de nostred. cousine, auroit fait desrompre et dilacerer, pour ce que à l'occasion d'icelles led. de la Morteraye se peust attribuer possession et droit qui luy appartenoint et les y avoir. Depuis laquelle rompeure et dilaceracion, led. de la Morteraye ait fait refaire lesd. hayes en s'efforçant vouloir soy attribuer droits de chasse esd. lieux, de doubte que feussent desrompues, et fait savoir à nostred. cousine qu'il estoit en nostre sauvegarde, et luy fait faire défense par nous de non ycelles desrompre, humblement nous requérant sur ce nostre amé serviteur... Pour quoy nous, desirans eschiver à toutes voyes de fait qui pourroint estre faites, et bien acertenez et informez que esd. lieux où sont lesd. hayes il n'y avoit oncques eu hayes ny plesses, mandons, commandons très expressément et chargeons noz bien amez et féaux escuyers Girard Blanchart, s? r de la Blanchardaye, Pierres de Severac, s* r dud. lieu et à chascun ung des sergens de nostre court de Nantes en la compaignie de celuy d'eulx qui y vaquera, de soy transporter esd. lieux où sont lesd. hayes et plesses faites, et icelles réellement et de fait desrompre et dilacerer et mettre lad. chose en Testât qu'elle avoit accoustumé à estre; et ce, nonobstant quelconques plegemens, arrestz, appointemens ou défenses faites ou à faire dud. de la Morteraye ou autres ; sauf aud. de la Morteraye, s'il a aucun droit esd. choses, à l'esliger par action par devant nostre court et barre ordinaire de Nantes ou ailleurs où la chose seroit trectible...

Par le duc. — Par le duc, de son commandement. — G. de la Croez. »

Mention dans la Réformation de Léon (Bibl. de Nantes, n» 54756, tf> 6). 1440, a5 septembre. — Lettres d'anoblissement pour Jehan Mengant, de la paroisse de Ploediry.

Affranchissement pour Henri du Chastel d'un manoir sis à Ker Pasquiou.

Vidiraus du 14 février 1441 fAr. L.-Inf., B, Ànobl. et franchises).

A Kerango, 1440, 27 septembre. — « Jehan... A touz... salut. Comme à nous... appartienne franchir, etc. Savoir faisons que nous, considerans les bons, loyaulx et très greables services que