Plus haut n
et appartenais... Et avesques ce, à la complainte et supplicacion desd. religieux, exposantz que leur moustier et abbaye est située sur nostre grant chimin duchal venant de nostre pals de Treguer, et loign de trépas où les passante et faisante chimin par celles mettes pourroint trouver repaire ne logeiz pour eulx ne leurs chevaulx, et pour ocasion de ce, le plus des passans et alans par cellui chimin se chargent en leurd. moustier à y avoir et prendre leur recreacion, tant pour eulx que pour leurs chevaulx, et telement que souventesfoiz lesd. religieux ont grant soufferte et besoign de vivres ; et pour eschiver à icelle charge, ont fait faire et ediffier de novel une maeson avesques unes estables oud. lieu de l'Estanc Neuff, pour y tenir hostelerie, en laquelle maeson ne trouveroint qui vouldroit demourer ne y tenir logeiz ne denrées sanz avoir aucune liberté et franchise pour l'aider à ses denrées et logeiz mentenir, Nous, pour les causes dessurd. et que de ancienne fundacion celle abbaye fut fundée de noz prédécesseurs..., franchisons, quictons et exemptons, pour le bien et augmentacion dud. moustier, les demourantz et qui ou temps avenir tandront et exposeront vin, avesques autres denrées nécessaires pour logeix en lad. meson, de touz debvoirs d'impôt ordrenez et qui ou temps avenir le seront sur les vins venduz en detaill en nostre pals, jusques au numbre de cinq tonneaulx de vin chascun an, en perpétuel, sanz ce que les demourantz en lad. meson soint contrainctz nous en poier aucun debvoir d'impôt en aucune manière ; en mendent à noz trésorier et receveurs generaulx, etc. Et ce voulons au regard dud. impôt, de cy à dix anz et non en plus large.
Ainxin signé, Par le duc. — Par le duc, de son commendement, presentz : Vous, l'evesque de S 1 Brieuc, le grant maestre d'ostel, l'abbé de Beaulieu, le sire de Ploeuc, Charlles de la Ville Audren, le maestre des requestes et plusieurs autres estoint. — • M. Colin. »
Franchise de l'impôt sur les pins en faveur d'une chapelle à Châteauneuf-du-Faou.
Vidimus du 9 nov. 1442 (Ar. L.-Inf., E 83 ; anc. Ch. des comptes de Nantes).
Au château de l'Hermine, 1440, 26 décembre. — « Jehan... A noz trésoriers, recepveurs et fermiers de noz impostz... salut. Comme de par avant ces heures nostre subgit Jehan le Prat, pour le bien et augmentacion d'une chappelle nommée Nostre Dame des Portes, quelle nostred. subgit esmeu de singulière devocion a encommencé faire en nostre ville de Chasteauneuff du Fou, ou lieu où souloit estre le chasteau de nostred. ville, ait, o nostre congié et liscence et par vertu de noz lettres patentes du xxm e jour de décembre derroin, prins lieu et place en laquelle il ait commencé maison pour sa résidence, près lad. chappelle, affin que plus convenablement il puisse parachiver l'edeffice y encommenczé; et nous ait supplié que pour lui aider à faire et acomplir lad. chappelle, en laquelle le divin office est dit et célébré et y fait nostre creatour plussieurs beaux miracles, nous plaisse à icelle chappelle, pour augmentacion d'icelle et du lieu, faire et donner aucunes grâces et previlleges sur noz impostz, à ceulx qui ediffieront et autrement à nostre plaisir, humblement le requérant; Savoir faisons que nous, desirans lad. chappelle estre acomplie, et le lieu d'environ icelle où estoit nostred. chasteau, qui estoit inhabité, estre acreu et augmenté, affin que icellui Qostre subgit et aultres qui auront volenté deydiffier, soient plus inclins de ce faire et de y faire du bien, meismes pour participer au divin office qui est et sera fait en lad. chappelle et especialment en honnour et en reverance de Dieu et de Nostre Dame..., à icellui suppliant, oultre le
27O LETTRES ET KANbEHENTS DE JEAN V, DUC DE BRKTAONE
contenu de noz premières lettres que nous conformons..., donnons et octrioni l'impost de cinq tonneauz de vin, des vins qui seront vanduz en detaill en la maison qu'il a nouvellement ydiffiée près lad. chappelle, et avecques tout le debvoir d'impost des vins qui seront vanduz au lieu et mectes de lad. chappelle, dedanz la place où estoit nostred. chasteau, par chascun derroin dimanche d'aougst et a la feste de la saint Michel Monte Gargane, et es festes de Nostre Dame et durant les octaves desd. festes, pour les assemblées et pèlerinages [qui se feront] â lad. chappelle ; à estre ceulz debvoirs recepuz par Icd. suppliant et mis et amploiez en l'augmentacion du[d. lieu] et au prouffit de ceulz qui ydeffiront, et d'iceulz debvoirs les avons franchiz... Si vous mandons, etc. A durer nostred. [don de l']impost desd. cinq tonneauz de vin, dix ans. Ainsi signé, Par le duc, de sa main. — Par le duc, de son commandement. — Caooa. >
Mention dans un inventaire (Bibl. nat., ms. fr. ii33i, p. 164).
1440. — Lettres du duc consentant à ce que Béatriz de Rieuz, dame d'Vssé, eût garenne en toute la paroisse d'Yssé, tant par eau que par terre, et qu'elle pût tenir aud. lieu « hostel clouant à pont levis et fort. »
C4CHEVÉ MMPR1MER
