Communication de M. le marquis de l'E&tourbeiilon

DB JSAtt V, DtJC DE BRETAGNE i$[)

nostre bien amé et feâl ch* r et chambellan messire Henry du Chastel nous a fait..., en récognoissance et pouf partie de recompense et remuneracion d'icelx, à ieeluî avons... franchi... un sien lieu et herbergement situé ou village vulgaument nommé Kaer Pasquiou, evt la parrôesse de Ploesat ou dioucesse de Treguer', duquel lieu à présent desmoure un nommé Jehan Gourïou..., de touz guetz, garde porte, fouages ; » avec décharge d'un feu pour les paroissiens de Ploëzal. « Si donnons en mandement à noz cappitaines, seneschalx... de Rennes, du ressort de Goellou et de Treguer, que de noz presentz fouages de lxhi s. par feu, etc. Et afin que ce soit chose ferme et estable pour durer à tousjours mays en perpétuel, nous avons signé ces présentes de nostre main et fait seller de nostre grant seell en laz de saye et cire vert.

Ainsi signé, Par le duc, de sa main. — Par le duc, de son commandement, presens : Vous, M« r de Chateillon, messire Robert d'Espinay, messire Guillaume de Plouec, Charles de la Ville Audren et aultres pluseurs. — P. Biseul. »

Lettres d'apanage pour Pierre de Bretagne, fils de Jean V.

Orig. jad. scellé en cire rouge sur double q. (Ar. L.-Inf., E 3 ; anc. Tr. des Ch. N. C. 5).

1440, x tr octobre. — « Jehan... A touz... salut. Comme par avis et deliberacion de nostre conseill, et pour nourrir la fraternelle et naturelle amour qui entre nostre très chier et très amé fils le comte de Montfort et Pierre, nostre puisné fils, est et doibt estre, par avant ces heures avons, mesmes o le consentement de nostred. fils le comte, ottroyé et baillé à nostred. fils Pierres, pour son droit d'apasnage et qui luy peust compecter et appartenir à cause de nous et après nostre deceix, à en joir heritelment, la somme de seix mill 1. de rente, oultre la succession collateralle que à nous et à nostred. fils le comte peust ou pourrait eschoir, si le cas du décent de nostre très chier et très amé frère le comte de Richemond, que Dieu ne vueille, escheoit sans hoir procréé de sa char en leal mariage; et quel nostred, frère a jà, en celui cas, créé et adopté à son hoir nostred. fils Pierres; desquelles seix mill 1. de rente luy a esté, selon les livres et rapport de la chambre de noz comptes, fait assiepte, sauff que il dit que luy en reste pour parfournissement, la somme de deux cens quatre vings dix ouyt 1. de rente, pour l'enterinance de laquelle promesse, Savoir faisons que, oultre les devoirs et rentes par deniers nous deuz en nostre isle de Queberon par les y ahabitans et que lieve pour le présent nostred. fils Pierres, luy avons, o l'assentement de nostred. fils le comte, baillé..., pour en joir heritierement lui et ses hoirs, toutes et chascune les rentes que oud. isle prenons et avons par blez, de quelque espèce que soient, et luy en transporté et transportons dès à présent la droicture, proprietté, possession et saesine, sauff que de la revenue de cest an présent et du prochain, joirons pour partie de noz provisions; et en recompanse de ce, à nostred. fils avons ordonné prendre et avoir par la main de nostre trésorier, pour chascune desd. deux levées, la somme de deux cens quatre vings dix ouyt 1., et avecques ce, de nostre don, deux cens deux 1., ainsi pour chascune d'icelles, cinq cens 1.; quelles deux levées escheues, joira icelui nostred. fils Pierres desd. blez de Queberon et en pourra faire comme de sa propre chose, sauff et réservé à la foiz que nostred. fils le comte vouldra avoir et recouvrer lad. récepte et revenue de blez de Queberon, baillant et asseant tout premier à nostred. fils Pierre et avant le despartir de ce, la somme de deux cens quatre vings dix ouh 1. de rente de levée en nostre pays ou celui de France, il le pourra faire

et nostred. fils Pierre n'en reffuser, sellon la teneur des lettres du droit d'apasnage de nostred. fils Pierre. Et s'il est trouvé par le prisage fait des terres ainsi assignées à nostred. fils Pierres selon l'appointement, qu'il ait et tienne à suffire et à equipolente valeur desd. seiz mill 1. de rente oultre lad. sussession dud. beau frère, si le cas si offre, la revenue desd. blez vendra et retournera à nous, nostred. fils le comte ou autres noz héritiers et à nostre demaine, ainsi que paravant cested. baillée. Si donnons en mandement à noz trésorier et receveur gênerai, etc. Et en tesmoign de ce, nous avons signé ces présentes de nostre main et fait seeller de nostre seel.

Par le duc. — Par le duc, de son commandement et en son conseill, ouquel : le conte de Laval, Vous,l'evesque de S 1 Brieuc, le sire de Chasteillon, le grant mestre d'ostel, messire Jehan de Kermellec et plusieurs autres estoicnt. — Cador. >

Nouveau renvoi à la cour de Guingamp d'une cause entre J. le Blets, prêtre, et ses parties

adverses.

Orig. jad. scellé sur s. q. (Ar. Côtes-du-Nord, H, f. de l'abbaye de Bégard).

A Vannes, 1440, 3 octobre. — c Jehan... Savoir faisons que par devant nous à cestes noz assignants se sont huy comparuz et représentez le lieutenant de nostre procureur gênerai, d'une partie, et Guillaume Bach, Yvon Kcrguinyou, Guillaume Nicolas, Jehan Tau bal, Jehan Olivier, Guillaume Olivier son filz, Charles Rielou, Jehan son filz, Yvon Caffat, Yvon son filz, Alain le Danoet et Guillaume son filz, icelx et chascun huy comparuz et deffenduz par et en la personne de Geffroy du Goezlin, leur procureur gênerai trouvé et prouvé par lettres, d'aultre partie. En rencontre desquelx et chascun fut dit et proposé dud. lieutenant de nostred. procureur gênerai que icelx et chascun, de leur auctorité propre, l'un d'elx en force, aide et compaignie à l'autre à ce faire, avoint prins les biens dom Jehan le Bleiz presbtre, et icelx biens et chascun tournez à leurs possessions et saissines, â ton et sans cause, et l'avoint ainsi congnu et confessé. Et disoit led. lieutenant de nostred. procureur gênerai que ilz avoient fait tort et le debvoient admander, et restituer lesd. biens ou leur valeur au montement de deux cenz liv., à nostre esgart. Lequel du Goezlin, procureur que dessus, non confessant dud. cas, nous monstra et apparut par procès fait devant nostre conseil le sixiesme jour de juign derrain, signé par M. Colin, commant led. Bleiz avoit mis lesd. nomez et chascun d'elx en ajournement et procès à son instance par devant nous et nostre conseil sur l'acusacion de la prinse desd. biens, et fait sa conclusion affin de restitucion, et que sur le cas, en délivrant partie vers aultre, ilz avoient estez envoiez par devant nostre bien amé et féal conseiller Jehan Kercoent, seneschal de Guingamp, ou qui comectroit pour olr et décider de lad. cause entre les parties selond la teneur dud. procès. Neantmoins lequel procès, led. presbtre, à l'ajournement qu'il avoit fait donner depuis ausd. dessur nomez et chascun, devant nous et nostre conseil au xxi« jour de juillet derrain, avoit deffailli vers led. du Goezlin esd. noms, recours à l'esplet de lad. deffaille, par lequel avions octroie que led. renvoy se tenseist et que pour le temps advenir lad. cause, o ses séquelles et deppendences, seroit décidée et déterminée par et devant led. Kercoent selond la fourme et teneur dud. renvoy, ainsi que a qsté apparu par le procès fait le xxi« jour de juillet derrain, signé par A. Baudoin. Esgart esquelx renvoy et deffaille, nous, aujourduy avons lad. cause... renvoiée à lad. court de Guingamp à y estre conclute et décidée...

Par le duc, à la relacion du conseill, tenant les générales assignances. — De Kernechuzian. »

DB JVAK V, DUC DU BAVTAGNB 20 1

Mentions dans des procès-verbaux de récolement de 1678-1679 et de 1708-1709 (Ar. L,-Inf., B 1920, r* 48

et B 1921, f° lx).

A Vannes, 1440* 7 octobre. — Lettres de commission données par le duc à Jean Jocet, alloué de Ploërmel et à Nicolas le Conte * pour la réformation des feux dans les paroisse d'Augan et de Réminiac.

Franchise de fouages pour Pierre Bretagne.

Vidimus des 10 déc. 1440 et 11 sept. 1444 (Ar. L.-Inf., B, Anobl. et franchises).

A Vannes, 1440, 8 octobre. — « Jehan... A touz... salut. Comme à nous... appartienne donner previleges... Savoir faisons que nous, considerans la grant misère et fortune avenue à nostre bien amé et féal secrétaire Pierres Bretaigne, de la parroaisse de Loheac, lequel a perdu la veue de ses yeulx, la débilité de sa personne, et pluseurs grans pertes et domages qu'il a eu par avant ces heures en pluseurs et diverses manières ; à la requeste mesmes de nostre très chier et très amé cousin et féal le viconte de la Belliere, sire de Malestroit, du père duquel led. Bretaigne a esté autresfoiz officier et serviteur, lequel nous a de ce requis et supplié affectueusement..., icelui Pierres Bretaigne, avec ses famme, enfans et hairs masles procréez de sa cher, et leurs hairs et descendans d'elx en loyal mariage, avons aujourdui francbiz... de touz fouaigés.... en perpétuel ; » avec décharge d'un demi feu pour leurs co-paroissiens. « Si donnons en mandement à noz présidant, seneschal, alloué et procureur de Rennes, etc. En tesmoign de ce et pour valloir en perpétuel, nous avons signé ces présentes de nostre main et fait seeller de nostre seell en laz de saie et cire vert.

Ainsi signé, Par le duc, de sa main. — Par le duc, de son commandement, presens : l'evesque de Vennes, l'abbé de Beaulieu, Yvon de Roscerff, Pierres de la Marzeliere et pluseurs autres. — Mauvoisin. »

Confirmation des droits de juridiction des religieux de Redon.

Copie du XVIIIe s. (Ar. Ille-ct-Vil., H, f. de l'abbaye de Redon, liasse 17). — Mention (Bîbl. nat., ms. fr.

aa33o, fr 543).

A Redon, 1440, 17 octobre. — « Jehan... A notre bien amé et féal conseiller maître Pierre de l'Hôpital, notre président et juge universel en notre duché, et à tous... salut. Receu avons la complainte de notre bien amé et féal conseiller l'abbé de Redon et des religieux du benoit moustier dud. lieu, contenant que nonobstant que par le moyen des privilèges par nos prédécesseurs donnés et octroyés ja pieça aud. moustier et es religieux, prieur et ministres d'icelui, et aussi à leurs hommes

1. Les noms des commissaires ne sont pas cités dans les récolements, mais ils nous ont été conservés par divers extraits des registres de la Réformation de S'-Malo.

362 LETTRES ET MANDKHSETS

et subjets des paroisses de Redon, Baing, Brain, Langon, S 1 Cogo, Reczac et es lieux de Brûlis, et par appointements et traités autrefois fait entre Jehan, jadis duc de Bretagne, notre prédécesseur que Dieu pardoint, d'une part, et les abbé et religieux dud. moustier qui pour lors etoient, d'autre, ils et leursd. hommes ayant droit que Ton les puisse seulement convenir, traiter et actionner par la cour desd. abbé et religieux et non ailleurs en cour séculière, sauf à Rennes devant nous ou notre sénéchal dud. lieu seulement, et par actionnement escript et scellé de nous ou de notred. sénéchal et baillé à l'abbé ou à son procureur à Redon pour le faire savoir, en trois cas seulement contenus et raportés en certaines lettres autrefois faites et accordées entre led. Jehan, jadis duc de Bretagne, notre prédécesseur, et les abbé et religieux dud. moustier, savoir est : d'appel pour ce que ils seroient en défaut de tenir justiciement, et aussi pour contredit de leur court, ou pour délit fait à nous ou à ceux de nostre service ; lesquelles lettres avecque plusieurs autres, tant croniques, bulles plombées et authentiques faisant mention de leursd. droits et des possessions qu'ils avoient d'en jouir, que aussi autres mandements et lettres patentes de nous eues et obtenues en notre derroin parlement général et dempuis;par lesquelles nos lettres... vous eussions mandé que vous fissiez joir et user lesd. religieux, prieurs et ministres, leurs hommes et subjets, plainement et paisiblement de leursd. lettres d'appointement... ; que dempuis le traité et appointement dessusd..., avés adjugé et defféré en escrit leurs requestes et conclusions auxd. religieux, et i bon droit, sauf aucunes modifications que avés assises en votre sentence...; dempuis et nonobstant laquelle sentence par vous ainsi donnée, plusieurs se sont advancés de faire adjourner, treiter et poursuivre, aucunes fois lesd. religieux, autrefois leurs subjets desd. terres, es assignancesà Rennes et ailleurs par devant vous, autrement que faire ne se doit...; et que par ce moyen on eut surpris sur lesd. religieux en la conservation de leursd. droits ; quelle chose, s'aucune a été, ne voulons que leur porte préjudice, et vous mesme par votred. sentence i'avés jugé, et nous ont très humblement supplié que sur ce leur voulissions en outre donner provision convenable... Pourquoi... et pour ce que en vous notred. conseiller avons de tout temps eu notre singulière confiance, parfaite seureté de gouverner la justice de notre pays, en manière que ce fut à la louange de Dieu, à la décharge de notre conscience, de quoi jusques au temps de présent avons été et suimes certains, nous vous avons ordonné et ordonnons, pour et ou lieu et nom de nous, estre garde et conservateur des privilèges dud. moustier et aussi la tenour et effet de votred. sentence, sauf à nous à donner provision au parsur quand mestier sera ; en vous mandant et mandons, etc.

Ainsi signé, Par le duc, de sa main. — Par le duc, de son commandement, présens : M* r le comte de Montfort, les s* n de Rieux et de Chatillôn, les abbés de Baulieu et de Reuys, Thebaut de la Claretiere, Pierre de la Marzeliere, Charles de la Ville Audren et autres plusieurs. — Jean du Troley. »

Confirmation à Raoul de Coëtquen du droit de fortifier son château de Coëtquen.

Orig. jad. scellé eh ciré rouge sur s. q. (Ar. du Hallay-Coëtquen, C 18).

A Redon, 1440, 19 octobre. — t Jehan... A noz seneschal, alloué et procureur de Rennes et à toux... salut. Nostre chier, bien amé et féal ch" et chambelan Raoul, sire de Couesquen, nous a de présent en suppliant par complainte remonstré que combien que de pieça lui avons doané et baillé

noz lettres de povair et congié de ediffier et faire un chastel et forteresse sur une mote en noz fiez et seigneurie près son manoir de Cosquen ; ce neantmoins, nostre très chier et très amé cousin et féal Michiel de Rieux, sire de Chasteauneuf, pour l'inpescher de ce faire lui a donné et fait donner plusieurs plegemens, deffenses et impeschemens, si que par iceulx ne peuet son euvre para* chever et en est retardée et retarde, en son très grant préjudice et dommage, considéré la saeson, et nullement ne se vouldroit s'avancer à ce faire ne y besongner si nostre plaisir n'estoit, humble* ment requérant sur ce nostre provision. Savoir faisons que nous, attendu ce que dit est et que suymes bien ascertenez des povair, congié et licence que de ce faire lui donnas me s, pour ce que peut moult valoir à la garde et deffense de noz pals et subgiz d'environ..., aujourduy, neantmoins quelconques plegemens, inhibicions, deffenses et autres impeschemens que led. Chasteauneuf a donné et porroit donner et faire à rencontre pour impescher led. euvre, avons voulu et voulons que nosd. lettres de congié lui données, aient lieu et sortent leur planier effet selon leur contenu, et qu'il continue à l'acomplissement dud. chastel sans acheson d'atemptat, et en tant que mestier est, par ces présentes louons, confermons et approvons nosd. lettres ; en vous mandant, etc. Par le duc. — Par le duc, de son commandement. — P. Biseul. »

Anoblissement de la métairie de la Hingaudaye pour Charles du Dresnajr.

Vidimus du 12 janvier 1442 (Ar. L.-Inf., B, Franchises).

A Redon, 1440, i er novembre. — « Jehan... A touz... salut. Comme à nous... appartienne donner noblesses, franchisses, etc. Et il soit ainssi que nostre bien amé et féal conseiller maistre Charles du Dresnay, personne de Crauson, ayt acquis une metaerie nomée la Hingaudaye, siise en la parroesse de Crehen, laquelle est contributoire aux fouaiges, taillées et subcides de lad. parroesse, et ait nostred. conseiller intencion, ainsi qu'il dit, donner celle metaerie à l'ospital du Guellidou pour l'augmentacion du divin service, et pour ce nous ait supplié la franchir et exempter desd. taillées et subcides ; Savoir faisons que nous..., desirans de tout nostre cueur subvenir et aider à lad. église, affin de participer aux biensfaiz, prières et oroisons qui en celle sont et seront diz et célébrez ou temps avenir..., avons... ennobli, franchy... lad. metaerie, hostel et herbregement de la Hingaudaye, ainssi qu'il se poursuit, et les demorans en i celle de par nostred. conseiller et ses successeurs, pour tous temps mes avenir, de touz fouaiges... Si mandons et commandons à noz présidents, seneschalx, allouez et procureurs de Rennes et de Dinan, » etc. ; avec décharge d'un feu aux paroissiens de Créhen. « En tesmoign de ce affin que ce soit chose valable à durer en perpétuel, nous avons signé ces présentes de nostre main et fait seeller en laz de saye et cire vert.

Ainsi signé, Par le duc, de sa main. — Par le duc, de son commandement : Vous, Pevesque de S* Brieuc, l'abbé de Beaulieu, M«" Pierres et Gilles, M* de Chasteillon, le grant maistre, le trésorier gênerai et autres presens. — Martin. »

Autorisation pour Guillaume de Sépigné de porter bannière et £ avoir une justice à 3 p6ts.

D. Lobineau, II, 1073-1074, d'après une copie.— D. Morice, Pr. II, i343. A Redon, 1440, 4 novembre. — « Jehan... A tous... salut. Comme très digne et méritoire chose

soit à tout seigneur et prince recognoistre et rémunérer ses bons et loyaux serviteurs, et à nous, de nos droicts royaux et ducaux, souverainetez et noblesses, en nostre pals et non à autre appartienne donner privilèges et libertez, créer bannerets et bacheliers et augmenter les estât s, jurisdictions et seigneuries d'iceux de nos sujets qu'il nous plaist et qui bien le desservent ; Savoir faisons que nous, considérant les bons, notables, loyaux et grands services que nous ont fait au temps passé les prédécesseurs de nostre bien amé et féal escuyer et chambellan Guillaume, sf de Sevigné, en nos guerres et autrement..., à iceluy de Sevigné... donnons et octroyons congé, faculté et puissance de porter, mettre et apposer et assoir ses armes en bannière partout où bon luy semblera, et icelle avoir, maintenir et garder pour luy et ses hoirs, seigneurs dud. lieu, à jamais en perpétuel, avec une justice patibulaire à trois posts, et de jouir et user des droicts, libertés et privilèges, ainsi que ont accoustumé les autres bannerets de nostre pals ; pourveu que luy et sesd. hoirs nous serviront en nos guerres, quand mestier sera, comme nosd. bannerets. Sy donnons en mandement ànoz mareschal, président, seneschaux, baillifz, prevostz et procureurs généraux et particuliers de Rennes, de Nantes et de Ploermel, etc. Et affin que ce soit chose durable à jamais en perpétuel, nous avons signé ces présentes de nostre main et fait sceller de nostre scel en laz de soye et cire verte.

Par le duc. — Par le duc, de son commandement et en son conseil, ouquel : Mr le comte 1 , m« r Pierre, me* Gilles, le sire de Chastillon, l'evesque de S* Brieuc, le grand maistre d'hostel, messire Pierre Eder, Jehan d'Ust, Yvon de Rosserff, Jehan Labbé et autres estoient. »

Anoblissement et franchise pour Pierre de la Haye.

Vidimus du 16 avril 1442 (Ar. L.-Inf., B, An obi. et franchises).

« Au Plexeis de Reczac •, 1440, 8 novembre. — « Jehan... A touz... salut. Comme à nous... apartienne franchir, etc. Et soit ainsin que nostre subgit Pierres de la Haye, de la parroesse de Taupont, qui est noble personne, yssu et extroit de noble lignée, et que lui et les siens es temps passez nous ont servi en noz guerres, tant à Meaulx, Chantoceaulx, Bouvron, Ponttorçon, Pouencé, que aultrement en plusseurs manières, dont ilz sont dignes de remuneracion, où ilz ont froyé et deppendu moult du leur, et oncques led. Pierres ne les siens ne contribuèrent à fouages ; mais, puis nagueres de temps, après la mort et décès de Jehan de la Haye son frère qui decebda aud. lieu de Bouvron, les parroessiens, de leur auctorité, ont mis et imposé led. Pierres de la Haye es fouages par nous ordennez et, par son ingnorance, s'est lessé submectre à poier lesd. fouages, doubtant et considérant que s'il eust prins le plet ou elx, qu'il lui eust cousté moult du sien ; lequel de présent nous a supplié sur ce lui pourveoir de nostre grâce. Savoir faisons que... avons aujourduy ennobly, franchi... led. Pierres de la Haye et Bretran de la Haye son filz, à jamais en perpétuel, de touz fouages..., et voulions qu'ilz joyssent des droiz, libertez et prorogatives de noblesse ainsi que les

1. Les Bénédictins qui publient le présent document d'après urne copie, ont imprimé: le comte d'Estampes. Richard, frère de Jean V, qui portait ce titre, étant mort en 1438, c'est à François son fils que cette qualification devrait ici se rapporter. Le jeune Age du prince qui n'avait alors que cinq ans et la préséance qu'on lui donne sur Pierre et Gilles, enfants puînés de Jean V, rendent cette leçon plus que suspecte. L'original portait vraisemblablement, selon l'usage et notamment comme au n* 1458 : M" le comte, c'est-à-dire le comte de Montfort, fils aîné du duc.

aultres nobles de nostre pays, pourveu qu'ilz nous serviront en armes toutes foiz que mestier sera; en rabbatant... un feu. Si donnons en mandement à noz trésoriers et receveurs de ce présent fouage en l'evesché de S 1 Malo, etc. Et affin que ce soit chose ferme et estable à valloir et durer en perpétuel, nous avons signé ces présentes de nostre main et fait seeller de nostre seel en laz de saye et cire vert. — Et ce voulons pour un demy feu seullement ou par autant qu'il y seroit imposé comme dit est. Donné comme dessur. — Perrodic. Ainsi signé, Par le duc, de sa main. — Par le duc, de son commandement. — M. Gaultier. »

Mention dans un compte (Bibl. nat., ms. fr. ii- s 43, f° 34; anc. Ch. des c. de Nantes).

1440, 14 novembre. — Quittance du duc à Eon Conan, receveur de la châtellenie de Duault, de la somme de 12 saluts d'or, valant 14 livres. — Signé, Par le duc. — G. de Carné. »

Lettres d'octroi, durant 4 années, pour les réparations de la ville de Montfort.

Inclus dans les contre-lettres orig. de Guy de Laval, du 1" déc. 1440 (Ar. L.-Inf., E 129; anc. Tr. des Ch.

A Montfort, 1440, 24 novembre. — « Jehan... A noz seneschalx, allouez, procureurs et autres justiciers et officiers de noz courtz et barres de Rennes et de Ploermel..., salut. De la partie de nostre très cher et très amé filz et féal le conte de Laval nous a esté exposé que, comme ainsi soit que sa ville de Monfort, qui est siise en pals marchays de frontières, au temps de présent est en petite repparacion et ainsi comme ruineuse par deffault de lad. repparacion, laquelle ne peut estre bonnement repparée sans l'aide de nous et de noz subgiz, dont la grigneur partie d'iceulx pevent avoir leur refuge en lad. ville et y estre saulvez eulx et leurs biens recuillir, nous supplient à ce qu'il puisse faire pareschever l'euvre que a encommencée environ sad. ville, par vertu d'un certain impost autresfoiz de nous lui donné, selon le contenu de noz lettres, lui vouloir octroier qu'il puisse avoir, cuillir et faire lever sur les denrées et marchandies qui seront vendues ou achatées en gros ou en détail en ses villes, forbours, terres, baronies et chastelenies de Monfort, Gael, Loheac et Breal, et aussi sur les homes demouranz en la parroesse de Plelan, tant sur les homes proches de nostred. fils que autrement, tant en ses fez que es fez de ses subgiz, et aussi es autres fez qui sont enclavez dedans les mectres de sesd. terres et chastelenies que autrement, ung impost tel comme cy après sera decleré, savoir est : sur chascune pipe de vin de la creue du pals d'Anjou, vendue en gros ou en détail, cinq soulz ; sur chascune pipe de vin Nantays, d' Ancenis ou d'environ, vendue comme dit est, trois s., quatre d. ; et sur chascune pipe de vin de la creue des parties de Monfort, Loheac, Gael et des environ, vendues comme dessus, deux s. ; sur chascun drap de Normandie, cinq s. ; sur chascun drap d'Angleterre, quatre s. ; sur chascun drap de couleur de nostre pals, deux s. six d. ; sur chascun gris ou bureau de nostred. pais, douze d. ; sur chacune beste d'aumaille vendue en gros ou en détail, six d.; sur chascun porc vendu en gros ou en détail, trois d. ; sur bestc chevaline, dix d. ; sur mouton vendu en gros ou en détail, deux d. ; sur chascune mine de

266 LETTRES ET IfANDEMKMTS

froment, seigle ou avoine grosse, cinq d. ; sur somme de pain, quatre d., ou à l'equipolent de ce que en sera vendu, en ayant esgard à la somme, pousé que la somme n'en soit faicte et que par détail soit vendu en hostelerie ou autrement ; sur cent de beure, cinq d. ; sur cent de suiff, six d. ; sur chascun fardeau de canavaz, trois s., quatre d.; sur chascun fardeau ou charge de fil blanc ou cru, trois s., quatre d.; sur charge de chanvre, six d. ; sur somme de solers, dozed. ; sur charge ou cent de layne, doze d. ; sur cuir tanné ou en poil, deux d. ; sur chascun cent de cuivre ou arein ouvré en paellerie, trois s., quatre d. ; sur charge de fer ou acier, six d. ; sur charectée de sal gros ou minu vendu en gros ou en détail, huyt d. ; sur somme de sal gros ou menu apporté par terre ou par eau, en ayant esgard à la somme, deux d.; et tout ce que se paise à pais, et aussi ce qu'est dit par somme tant de blez, pain, sal que d'autres choses que se porte à some, soit du plus, plus, ou du mains, mains ; et sur ce lui pourvoir et faire octroy à nostre bon plaisir, humblement le nous requérant. Savoir faisons que nous, eu sur ce meure deliberacion en nostre conseil, o ce que mesmes avons veu et visitée l'euvre encommencée en lad. ville, et si elle demourroit sans estre de breff pareschevée, il s'en pourroit ensuir un très grant inconvénient, que Dieu ne vueille, à iceluy nostred. fils... octrions par ces présentes congé et licence qu'il, par ses gens et officiers, puisse lever et faire lever sur chascune desd. espèces dessurd., les sommes de deniers davent contenues, tant es fez de nostred. fils, de ses subgiz, et que mesmes es fez enclavez esd. terres et chastelenies de nostred. fils, hors et sans y comprendre ceulx qui ont acoustumé à contribuer à la repparacion de nostre ville de Ploermel esd. fez enclavez, fors en tant que touche et peut toucher les denrées et marchandies qu'ilz vendront ou achateront en gros ou en détail es faires et marchés de nostred. filz et de ses subgiz, et en leurs fez et seigneuries ; à durer le temps de quatre ans prochains venans , commanczans au jour de Noël prouchain venant mil un* quarante; et led. temps révolu..., les revocons, anullons et cassons... ; en mandant et commandant, etc. Et n'enttendons point que par ces présentes soit desrogé aucunement à l'encontre de la repparacion par nous ordenné à nostre ville de Ploermel, ainz voulons que elle sorte son efifect selon la tenour de noz lettres sur ce données. Ainsi signé, Par le duc, escript de sa main. — Par le duc, de son commandement : M« r le conte, Mv Pierres et Gilles de Bretaigne, l'abbé de Beaulieu, messire Pierre Eder, le prevost de Guerrande et autres pluseurs presens. — B. Huchet. »

Affranchissement du manoir de la Fontenelle pour Jean Guyot.

Copie du XVIII« s. (Collection de M. Frain de la Gaulayrie).

A Plaisance, 1440, 16 décembre. — « Jehan... A tous... salut. Comme à nous... appartienne donner franchisses, etc. Et soit ainsy que nostre bien amé et féal conseiller maistre Jehan Guyot, nostre phisicien, nous ait de longs temps et à nos enfans, en France et aultres lieux, fait de beaux et très notables services et fait encore incessament, où il a soustenu et soustient de grandes paines et travaux, sans avoir eu de nous et de nos enfans que peu de recongnoissance ; et nous ait présentement en suppliant remonstré que combien qu'il soit en nostre service, les paroissiens de St Jehan sur Vilaigne ont mis, mettent et imposent en nos fouages et subsides les demourans en une maison appartenante à luy, ses frères et soeurs, estante en lad. paroisse, nommée icelle maison la Fontenelle, et, pour recongnoissance desd. services où toujours désire continuer, nous a sapplyé

DE JSÂM V t DUC DE BRETAGNE 267

qu'il nous plaise franchir et exempter led. hostel et les demeurans en iceluy pour le temps advenir desd. fouages... Sçavoir faisons que nous, voulans et desirans recongnoistre nostred. conseiller des bons services qu'il nous a faict..., quittons et exemptons par les présentes led. hostel de la Fontenelle, avecq les demeurans en iceluy ou temps advenir, de tous fouages..., et rabatons aux paroissiens dud. lieu un demy feu... Si donnons en mandement à nos seneschal, alloué et procureur de Rennes, etc. En tesmoing de ce et pour valoir en perpétuel, avons signé cestes nos présentes de nostre main et fait sceller de nostre grand scel en lays de soye et sire verte.

Ainsy signé, Par le duc. — Sur le reply, Par le duc, de son commandement, presens: les evesques de Vannes, de Treguier et de Léon, les sires de Chastillon et de Ploeuc, Jehan de... et plusieurs autres. — Collik. »

Anoblissement de Thomas Félin et de son manoir du Grangan.

Vidimus du 10 mars 1441 (Ar. L.-Inf., B, Anobl. et franchises).

A Vannes, 1440, 21 décembre. — « Jehan... A touz... salut. Comme i nous... appartienne donner previleges de noblesses, etc. Et il soit ainsi que nostre bien amé et féal Thomas Félin demourant en la parroesse d'Ereac, soit homme de bonne puissance et marié o unedamoesselleyssuede noble extraccion, les parens de laquelle nous aint fait plusseurs services, et que ses enffans soint disposés de nous en faire ou temps avenir, et nous aint aucuns des parens et amis de ly et sad. famme et autres noz prouches serviteurs supplié et requis icelui Thomas Félin et ses hosteulx et mannoir volloir ennoblir et exemptez de touz fouaiges. . . en perpétuel. Savoir faisons que nous..., mesmes à la requeste, faveur et comtemplacion de nostre très cher et très amé neveu et féal le sire de Montaffillant..., ennoblissons et exemptons led. Thomas Félin, avecques ses hoirs et sucesseurs demourans en l'ostel ou à presant demoure, et aussi un hostel, manoir et demaine à lui appartenant nommé le Grangan, siis en lad. parroesse d'Ereac, avecques ses metaers, en perpétuel, de touz fouaiges; » avec décharge d'un feu entier aux habitants d'Ereac, « pourveu qu'il et son principal héritier... nous servent en armes à la foiz qu'ilz en seront requis. En oultre, avons prins led. Thomas Félin, avecques ses famme et enffens, clers, varie tz..., soubz nostre proctecion, seureté especiale et perpetuele sauvegarde, à la conservacion de son droit. Si donnons en mandement à nos seneschalx, allouez et procureurs de Rennes, de Jugon, de Dinam, etc. En tesmoign de ce et pour valloir en perpétuité, avons fait seellez ces présentes en laz de saie et cire vert.

Ainsi signé, Par le duc, de sa main. — Par le duc, de son commandement : Vous, l'evesque de S 1 Brieuc, le sires de Montaffillant, l'abbé de Beaulieu, les seneschalx de Fougieres, de Dinam et de Léon, Jehan de Vennes et aultres presens. — J. Millon. »

Mention dans des lettrés du 26 déc. 1440 (Plus loin, n° 2464).

1440, 23 décembre. — Lettres patentes portant concession à Jehan le Prat d'un emplacement de maison dans la ville de Châteauneuf-du-Faou.

Renvoi à la cour de Nantes d'une cause entre le duc et la comtesse d'Etampes.

Orig. jad. scellé sur s. q. (Ar. L.-Inf., E 3o ; anc. Tr. des Ch. J. F. 26). — Vidimus du 3i déc. 1440 (Ibid.,

£ 3o ; anc. S. B. 22).

A Vannes, 1440, 26 décembre. — « Jehan... A touz... salut. Comme pour certaines causes contenues en noz lettres sur ce faictes *, nous ayons puis nagueres prins et saesi en nostre main la terre de Ranroet et les revenues d'icellc o ses appartenences, que deffunct beau frère le conte d'Estampes, que Dieu pardoint, souloit tenir; contre laquelle saesie et main mise nostre très chiere et très amée seur la contesse d'Estampes, en son nom et comme ayant la garde et gouvernement de nostre très chier et très amé neveu François conte d'Estampes, son filz, se soit piégée et opposée, disante par ses causes et roisons, nous de droit et selon roison ne le devoir faire ; sur quoy eussons évoqué la décision de lad. cause, touchant la matière, à estre déterminée davant nous et nostre conseill, recours à noz lettres plus à plain en faisant mencion; Savoir faisons que, pour consideracion que lad. terre est située soubz nostre juridicion de Nantes, et mesmes pour éviter la vexacion de nostred. seur, de ses officiers et d'autres, voulans lad. cause estre décidée à son ordinaire comme roison est..., renvoyons lad. cause o ses séquelles et deppendences, à nostre court et barre de Nantes, davant noz justiciers d'icelle, à y estre décidée, sentenciée et déterminée entre nostre procureur dud. lieu et nostred. seur et touz autres qui prétendront y avoir droit et qui sur ce ont mis ou vouldront mectre débat ou impeschement à nous, à nostred. seur ou à autres en quelque manière que ce soit. Pourquoy mandons et commandons expressément à noz justiciers et officiers dud. lieu de Nantes... congnoestre, etc.

Par le duc. — Par le duc, de son commandement. — J. de Touscheronde. »

Concession de 2 foires et franchise d'impôt pour l'abbaye de Coëtmalouen.

Vidimus du 8 août 1442 (Ar. L.-Inf., E 83 ; anc. Ch. des comptes de Nantes).

A Vannes, 1440, 26 décembre. — « Jehan... A touz... salut. Comme à nous... appartienne faire et créer foires et marchés en nostre pals en lieux convenables, et à ceulx qui convenablement les pevent faire, tenir et excercer ; en contemplacion et faveur de noz humbles religieux et orateurs les abbé et convent de Nostre Dame de Quoetmalouan, et afin qu'ilz soint plus inclins à Dieu prier et que puissons participer en l'office divin, prières et oraesons qu'ilz font et célèbrent de jour en autre en leur moustier au temps avenir; Savoir fasons que nous... donnons et octrions de nostre grâce, par donnaeson inrevocable et perpetuele, ausd. abbé et convent, deux foires par chascun an, à estre tenues et excercées ou village de l'Estanc Neuff près lad. abbaïe, savoir l'une d'elles au jour de saint Briac, ou mois de décembre, et l'autre à chascune feste de la sainte Croix en may ; à les avoir, tenir et joir par chascun an o les proffitz, juridicion, prérogatives et noblesses à foires deuz