En note : c Non poyé, et lui a esté rendu le mandement, b

l8 LETTRES ET MANDEMENTS

s* r de Richemont sera rendu reaument et de fait le chastel et chastellenie de Chastelaillon avecques les places et appartenances fortes d'icelle, et aussi lui seront délivrées les autres places fortes de la seignourie de Fontenay qui ont esté prinses et mises hors de sa main, et en joyra et aura les prouffis et emolumens ainsi que de paravant le faisoit, et aussi les fruis d'icelles choses qui pendant le débat ont esté receus et levez, s'ilz sont en estre ou en main de commissaires, lui seront rendus et restituez, parmi ce qu'il sera tenu rendre le chastel de Gençay au sire de la Tremoille, auquel l'on dit le chastel apartenir. — Item, que les villes et chasteaulx de Gyen, Montargis et Dun le Roy, apartenans à cause de douaire à Madame de Guienne, femme de mond. s** de Richemont, à présent tenues en la main du roy, seront rendues et restituées reaulment et de fait à mond. sf de Richemont, s' ainsi n'est qu'il plaise au roy les retenir en le recompensant d'autres terres à la value ; ce que faire pourra au dit et ordonnance de la royne de Sicile, de mond. s* r de Bretaigne et de Mf* le bastard d'Orléans, pourveu que dedens la Magdelaine prouchaine venante ilz en ordonneront et détermineront ; et ce que par eulx en sera ordonné, sera tenu et acompli. Et seront les gens du roy tenus faire venir devers mond. sf r le duc en Bretaigne, au moins jusques à Ancenis, mond. s« r le bastard, sanz lequel lad. ordonnance ne pourra estre faicte ; auquel lieu d' Ancenis lad. royne sera requise de venir s'il luy plaist, et neantmoins si venir ne lui plaisoit, mond. s*' de Bretaigne et mond. sr le bastard ordonner en pourront ainsi qu'ilz verront l'avoir à faire en l'absence de lad. royne. — Item, est accordé que le roy tollerera senz préjudice desd. procès, que mond. sF de Richemont reçoive les hommages de tous les vassaulx des dessusd. terres et qu'il en prengne les rachaps et autres drois feodaulx, et aussi est acordé que mond. s** de Richemont recevra les vassaulx desd. terres qui faire lui vouldront leurs hommages par procureurs souffisanment fondez, sanz faire à cause de ce aucun reffus ou difficulté. — Item, est accordé que au regart de tous les serviteurs et subgetz du roy qui pour occasion de son service auroient esté ou seroient empeschez en leurs biens, terres, forteresses et possessions, mond. s« r de Bretaigne et mond. s* r de Richemont ne leur en pourront faire question ou demande pour occasion de quelque chose que l'on pourroit avoir fait, soit all'encontre d'eulx ou d'aucuns de leurs serviteurs ou subgetz, et s'aucuns de leurs biens ou forteresses estoient empeschées, ilz leur seront mis à plaine délivrance, ne jamais pour nulz cas advenus ne leur en sera fait question ne demande. — Item, et semblablement se aux terres, biens, forteresses et possessions des vassaulx, subgetz et officiers ou serviteurs de mond. sf de Bretaigne et de mond. s" de Richemont estoit fait aucun empeschement pour avoir servi ou favorisé mesd. sf* de Bretaigne et de Richemont, iceulx empeschemens seront ostez et leur seront leurs terres, biens et possessions mis à plaine délivrance sanz aucun reffus ou difficulté. — Item, que le roy, par ses gens, conseilliez et serviteurs de quelque estât ou auctorité qu'ilz soient, fera cesser toute voye de fait et autres empeschemens de corps et de biens all'encontre de mesd. se de Bretaigne et de Richemont et leurs gens, serviteurs, officiers, subgetz et aliez, pour occasion de quelconque chose que l'on pourroit dire avoir esté faicte, tant contre le roy comme contre sesd. gens, conseilliez et serviteurs, sanz leur en povoir faire aucune question ou demande. — Item, et s'il avenoit, que Dieu ne vueille, que aucune chose fust ou soit rapportée au roy ou à son conseil, par quoy le roy fust indigné envers mond. s»' de Richemont, il a suplié au roy qu'il lui plaise le lui faire savoir avant y procéder par voye de fait ne autrement, affin qu'il s'en puisse excuser et desblasmer se mestier est; laquelle chose lui a esté accordée. — Item, et à ce que le roy a requis à mond. s« r de Bretaigne qu'il se désiste du tout du mariage de Mp Pierres de Bretaigne, son filz, et de la fille messire Loys d' A m boise, mond. sP de Bretaigne considérant que lad. fille n'est pas enaage

de contracter mariage, a responduque quant il le vouldra marier, il le fera savoir auroy, dontil est nepveu et duquel il puet avoir honneur et avancement, affin que o son advis et plaisir et assentement, il soit marié; et n'a point mond. s& de Bretaigne intention de autrement le faire s'il ne venoit autre succession à lad. fille que dud. messire Loys d'Amboise ; ne à ceste cause ne fera ne soufferra faire mond. s& de Bretaigne par ses gens point de guerre au roy ne en ses pays. — Item, et au regart de la forteresse de Mauleon est accordé que Prigent, sire de Coitivy, en sera capitaine et en aura la garde de par le roy et fera serment au roy de garder lad. place en son obéissance, sanz y mectre ne laisser entrer nulles gens qui facent guerre au pays ne aux gens du roy, et aussi fera led. de Coitivy serment à Madame Marie de Rieux, femme de messire Loys d'Amboise, de bien et loyaulment garder lad. place sanz y mectre ne laisser entrer aucunes gens qui facent guerre à elle ne à ses terres et subgetz, ne aussi aux pays et subgetz de mond. s* r de Bretaigne ne de mond. s* r de Richemont ne à leurs places, ou temps advenir en aucune manière. — Item, est accordé que led. sire de Coitivy en demourera tousdiz cappitaine, sanz ce que le roy l'en mue ne change ne y mecte autre capitaine de cy à dix ans, et se cependant led. sire de Coitivy aloit de vie à trespassement, ung autre cappitaine y sera mis aggreable à mond. s* r de Bretaigne, qui fera semblable serment au roy et à lad. dame comme fait le sire de Coitivy; et se lad. dame n'est contente que ainsi soit, mond. s** de Bretaigne ne lui donnera confort ne aide contre le roy, ne pour le deffault de lad. dame de non tenir ce que par mond. s* r de Bretaigne en a esté accordé, ne seront les autres appointemens d'entre le roy et mond. s** aucunement rompuz, ains demoureront en leur effect. — Item, et que en ce qui touche la revenue de lad. terre et seignourie de Mauleon, lad. dame en joyra et demourra en sesd. ville et chastel de Mauleon, se bon lui semble, et mectra en lad. terre tous autres officiers pour le gouvernement d'icelle. — Item, a esté accordé à Me* Richard de Bretaigne, conte d'Estampes, que tous les procès pendans en la court de parlement à Poictiers contre lui, tant au regart du procureur du roy que d'autres parties, demoureront en l'estat sanz plus avant y estre procédé jusques à ung an prouchain venant. — Item, a esté accordé et promis que à l'occasion des choses faictes et avenues en queleoneque manière que ce soit, ne sera par le roy, ses parens, serviteurs, subgetz ne alyez, ne de leurs places, fait ne pourchassé aucune guerre, dommage, desplaisir ne empeschement à mond. s«* de Bretaigne, m*™ ses enffens, frères et barons ne à leurs serviteurs et subgetz, ne aussi à leurs places et forteresses oud. pays de Bretaigne, en Poictou ne ailleurs, ou temps advenir, par voye de fait, sourprinse, déception ne autrement en aucune manière. Et aussi a esté promis et accordé par mond. sp de Bretaigne que par lui, ses enffans, frères et subgetz ne de leurs places, ne sera fait ne pourchacé au roy, ses parens, serviteurs et subgetz quelxconcques, ne à leurs places et forteresses, aucune guerre, dommage, desplaisir ne empeschement, par voye de fait, sourprinse, déception, ne autrement en aucune manière. — Item, et s'il avenoit que Tune des parties, pour aucuns rappors, desplaisirs ou autrement, fust meue ou eust intention de procéder contre l'autre partie par voye de fait ou de guerre, elle ne le pourra faire sanz le signifier et faire savoir à l'autre partie deux mois par avant, affin que pendent led. temps les choses fourfaictes puissent estre reparées par manière que plus grant inconvénient ne s'en ensuive. — Item et partant, les marchans, subgetz et autres gens des pays et de l'obéissance du roy et de mond. s& de Bretaigne et des terres de mond. s* 1 " de Richemont, pourront fréquenter et communicquer seurement les uns avecques les autres et aler de pays en autre à toutes leurs nécessitez, sanz ce que aucun empeschement leur y soit fait ou donné en corps ne en biens, et cesseront toutes coursses, pilleries, destrousses et appatiz, tant de l'une partie que de l'autre. — Item, et de toutes les choses dessusd. ont esté faictes ces

présentes lectres, lesquelles iceulx ambaxeurs sont tenus faire ractifier par le roy soubz son seellé, et l'envoyer dedens quinze jours prouchains venans à mesd. ss** de Bretaigne et de Richemont, qui de présent en ont baillié leurs lectres pour maire fermeté des choses promises et accordées de leur part.

Lesquelz articles dessusd. en tout leur contenu et effect, Nous, duc et conte dessusd., promettons, jurons et nous obligons entretenir et faire fermement entretenir et garder de nostre part, sanz fraulde, barat ne malengin, et sanz faire ne souffrir estre fait ou attempté par guerre, entreprinse, voye de fait, sourprinse ou déception, chose quelconcque au contraire. Et en tesmoing de ce, nous avons signé ces présentes de noz mains et fait seeller de noz seaulx. A Rennes, le v* jour de mars Fan de grâce mil cccc trente et ung.

Jehan — Artur. — (Sur le repli) Par le duc, de son commandement. — Coaynon. *

200 1 Défense de troubler les religieuses de S'-Sulpice dans la jouissance du pré Auffray,

Copie d'après l'orig. scellé en cire rouge sur s. q. (Bibl. de Rennes, Cartulaire de St-Sulpice de Rennes,

f<* 4.5). — Copie d'après un vidimus du 19 janvier 1454 (Ibid. y f» 12).

A Rennes, 1432, 6 mars* — « Jehan... A touz*.. salut. Comme nagueres, à la supplicacion et humble requeste de religieuses dames les abbasse et convent du moustier de S 1 Sulpice, disant que à cause de la fondacion d'iceluy moustier, leur apartenoit jouir d'une pièce de terre nommée le pré Auffray, siise en noz forestz de Rennes et de S 1 Aulbin, et que au jouissement des levées et revenuz de lad. terre, les subgarde et aultres officiers de nozd. forestz s'effbrczoint leur donner empeschement, au très grant préjudice desd. religieuses, requerans sur ce nostre provision, Nous, pour estre acertainez du donné à entendre desd. religieuses, et pour emquerir et sçavoir si celle terre du pré Aufray leur apartenoit, eussions commis * et ordonné l'archidiacre du Désert et Jehan le Presbtre noz conseilliez, par le rapport desqueulz, l'emqueste sur ce deubment faicte, et par aultres enseignemens de lectres dud. moustier nous aparuz, ayons trouvé que lad. pièce de terre du pré Auffray apartenoit auzd. religieuses, par quoy ayons ordonné et declairé que elles en povoint et debvoint jouir paisiblement pour le temps advenir avecques des fruictz et revenuz d'icelle, en mandant à nosd. officiers les en faire et laisser jouir sans opposicions quelconques, comme appiert par noz lectres sur ce faictes. Et dempuis, par noz aultres lectres, ayons mandé aud. Jehan le Presbtre, alloué de Rennes, mercher, bonner et diviser lad. pièce de terre ainsi qu'il apartiendroit de raison, eu esgard à lad. emqueste, pour oster le débat qui du deffault de ce peulst ensuyr, lequel alloué y ayant deubment procédé comme il a apparu ; et ce neantmoins, le subgarde de nozd. forestz, par son lieutenant et aultres noz officiers, veullent et s'efforczent empescher lesd. religieuses sur le jouissement de lad. pièce de terreet que elles ne la puissent clore, bayer ne fous* sayer au profilt dud. moustier, quelle chose est et pouroit estre, si par nous n'y estoit pourveu, au très grant domaige et préjudice dud. moustier et desd. religieuses qui sur ce nous ont humblement requis nostre provision et remède convenable. Sçavoir faisons que nous... voulions et declairons que lesd. religieuses jouissent pour le temps advenir franchement, paisiblement et entièrement de