QÔ LETTRES ET MANDEMENTS

Mandement (Veftquérir au sujet d'une taille levée sur les habitants de Clisson.

Inclus dans une enquête du i3 janvier 1423 (Ar. L.-Inf., E 186; anc. Tr. desCh. M. £. 11).

A Nantes, 1422, 22 novembre. — « Jehan... A noz seneschal et aloé de Nantes, salut. Receu avons Pumble supplicadon et complaincte de noz hommes et subgiz les marchans et habitans de la ville de Cliczon, contenant que autr^sfoiz pour estre et demourer francs et exemptz de guetz, gardes et subvencions es ville et chastel de Cliczon, le seigneur qui lors estoit aud. lieu de Cliczon avoit mis sus et imposé sur lesd. manans et habitans certaine taillie de neuff vigntz llbvres par chascun an, affin que lesd. manans et habitans demorassent quictes vers led. sires et ses subcesseurs ou temps avenir, desd. guetz, gardes et subvencions. Et est vroy que messire Olivier de Cliczon, jadis s«^ dud. lieu, en son testament, derroine voilante et aultrement en disposant de ses chouses, sentent sa conscience chargiée d'avoir levé lad. taillie, ordenna que ou temps de lors avenir il n'en feust plus levé, et dès lors fist abatre toutes taillies, impostz et subcides quelconques, et voUoit que iceulx habitans de Cliczon demourassent quictes, francs et exemptz, à l'ancienne coustume. Et après le deceix dud. sires de Cliczon, Margot sa fille, par force et oultraige et de sa voilante desordennée, print et leva lad. somme sur lesd. hommes, par deux ans de par avant la prinse que Olivier et Charles de Bloys firent par traison de nostre personne, non obstant que lesd. hommes s'en complaignissent à elle et à ses officiers; et pour ce que lesd. hommes virent que elle ne leur en vouUoit de soy faire raison, furent en voilante de l'en mectre en ajournement par nostre court * et en demander droit, et si toust qu'il vint à la notice d'elle et de ses officiers que on l'en voUoit mectre en proceix, et aussi que elle savoit assez et povet savoir que lad. chevance estoit indeument levée, et que led. messire Olivier de Cliczon, son père, avoit voulu au derroin de ses jours, en disposant de ses chouses, que lesd. habitans en demourassent quictes, fist cesser de plus lever lad. somme et demeurèrent par deux ans, par avant nostred. prinse, sanz aucune chouse en poier. Et que nientmoins tout ce, les officiers de nostre très chier et très amé frère Richard, qui à présent tient lad. terre et seignorie de Cliczon, s'efforczent contraindre lesd. suppUians à leur faire paiement d'icelle somme, combien que pour tout ce ilz n'en soint en rien exemptz ne supportez de faire le guet et la garde aud. lieu de Cliczon ; quelles chouses sont en leur très grant préjudice et domaige... Pour ce est il que nous... vous mandons et commandons que... vous vous enquerez et informez... en quel temps lad. taillie de lad. somme de neuff vigns libvres fut imposée et mise sus, et à quelle causse et pour quoy, et par combien de temps lesd. supplians en ont fait le poiement, possession et servitute, et par combien de temps ilz ont cessé, et si led. sires de Cliczon fist consciance de la lever, et sMl en vouUoit faire amendement et ordenance que lesd. suppllians en demouressont quictes, et aussi si lad. Margot fist cesser de la lever, etc.

Ainsin signé, Par le duc, en son conseil, presens : Vous, les evesques de S^ Brieuc et de Treguer, le sires de Chasteaubrient, le grant maistre d'ostel, le seneschal de Nantes et autres. — Grimaud ^ »