Signature du duc de Bedford. — 6. Signature de Jean V

DE JEAN y, DUC DB BRETAGNE IO7

Compromis entre les ducs de Bretagne et de Bourgogfte.

Orig. scellé en cire rouge sur d. q. des sceaux de Jean V(sc. n° 4) et du duc de Bourgogne (Ar. du Nord, B 1465; anc. Ch, des comptes de Lille). — Copiedu temps sur parchemin (Ar. Côte-d'Or, B 1 1921 ; anc. Ch. des comptes de Dijon). — D. Plancher, Hist, de Bourgogne^ t. iv, p. xxvii.

A Amiens, 1428, 18 avril. — « Phelippe, duc de Bourgoigne, etc., et Jehan^ duc de Bretaigne^ etc., A tous ceulx qui ces présentes lettres verront ou orront, salut. Savoir faisons que nous et chascun de nous avons promis et octroie, prometons et octroions de bonne foy, l'un de nous à l'autre, Savoir est : Nous, duc de Bourgoîngneaud. duc de Bretaigne, nostre frère, que s'il avenoît que pour honneur et révérence de Dieu, pitié et compassion du peupple, Nous feissions aucun traittié, acord ou pardon avec Charles, daulphin de Viennois, du cas de la mort ensuie en la personne de nostre très redoubté s8r et père, ms' le duc de Bourgoigne derainement trépassé, que Dieux abseulle, Nous par ce n'entandons aucunement deroguer auxaliances et confederacions faîctes entre led. duc de Bretaigne, nostre frère et nous ; ançois prometons et octroions à nostred. frère le duc de Bretaigne lui estre aidant, secourant et confortant, tant vers led. daulphin, Olivier de Biais, ses frères et leurs adhérez, que vers touz aultres quelconques qui dommage, guerre ou ennuy lui vouldroient porter ou à ses pays, terres et subgiez ; et voulons que lesd. aliances et confederacions faictes entre lui et nous, vaillent, tiengnent et sortent leur planier effect, et les prometons et jurons tenir en bonne foy et en parolle de prince, non obstant quelconque traittié ou acord qui se face ou puisse estre faict entre led. daulphin et nous; desquelles aliances la teneur est telle : Jehan, régent le royaume de France, duc de Betford, etc., Phelippe, duc de Bourgoigne, etc., et Jehan, duc de Bretaigne, etc., A tous ceulx qui ces présentes lettres verront, salut. Savoir faisons que pour consideracion des grans amitiez et prouchainetés de linage, etc. etc. ^ Donné à Amiens, le dix septiesme jour d'avrill, l'an de grâce mil iin^ vignt et trois. — Et pareillement Nous', duc de Bretaigne davent dit, prometons et octroions à nostred. frère le duc de Bourgoigne, que s'il avenoit que nous feissions aucun traittié, acord ou pardon aud. Charles, daulphin de Viennois, à cause des faveurs, portz et soutenances qu'il a faiz à Olivier de Biais, ses frères et leur mère, noz ennemis, touchant la prinse et detencion de nostre personne faite traîtreusement par led. Olivier de Biais et Charles son frère, et aussi la veuve de Jehan de Biais, frère dud. Olivier, en nostre pays, qui de guet appensé nagueres y estoit venu pour nous cuider prandre ou murtrir, tendens lesd. de Biais à nostre mort et destruction; Nous, par ce n'entandons aucunement deroguer aux aliances et confederacions faictes entre nostred. frère de Bourgoigne et nous, desquelez aliances mencion planiere est ci davent faitte ; ançois prometons et octroions à nostred. frère de Bourgoigne lui estre aidant, secourant et confortant, tant vers led. Charles, daulphin dessusd., que aultres quelconques qui dommage, guerre ou ennuy lui vouldroient porter ou à ses pals, terres et subgiez ; et voulons que lesd. confederacions et aliances faittes entre lui et nous vaillent, tiensnent et sortent leur planier effect, et les prometons et jurons tenir en bonne foy et en parolle de prince, non obstant quelconque traittié ou acord

I. Cet acte n*est autre que le n* précédent de notre recueil.