Le nom du secrétaire a été coupé
2. Avair, avoir, a ici le teus de bétail. Voy. Dict. de V ancien français parGodefroy.
3$0 LBTTBKS BT MÀNDEIIEMTS
de remède convenable. Pour ce est il qae nous... avons voulu et ordonné que iceulx auppliana et chascun soint et demeurent quictes et deschargés d'icelle somme de quarente deux 1. envers lad. femme de Gralennale et touz autres, et aussi ycelle femme envers lesd. bourgeois sur le rest de»sord., s'il est trouvé que elle en ait esté chargée... Si vous mandons, etc.
Ainsin signé, Par le duc, de son commandement et en son conseill, ouquel : Vous, messire Pierres Eder, les arcbediacres de Rennes et du Désert et aultres estoint. — Gonutr. »
Franchise de fouagespour les habitants de Hle de Bréhat.
Vidimus du 27 déc. 1436 (Ar. L.-Inf., B, Franchises).
A Nantes, 1429, 9 juillet. — « Jehan... A touz... salut. Receu avons la supplicacion et humble requeste de noz povres homes et subgiz de Pisle de Brehat, contenant que comme ilz soint mariners et gens de mer, et que bonnemant n'ont aultre suport ne substance de vivre que du travaill et paine qu'ilz tirent de leurs corps à mareer par mer, sanz aultre labour de terre faire ne entendre que pou de chosse, et pour cause de ce et que lad. ysle en laquelle lesd. supplians demeurent est bien avant en la mer et loign de la grant terre et où les pirates et escumours de mer se rendent et souvant y font prinses, courses et roberies, à grant oppression, charge et povreté desd. supplians, et tiellemant que si n'estoit la diligence et grant deffense qu'ilz y font quant les galiotours y vennent, leur convendroit grepir et lesser lad. ysle toute vacante, et aller faire leur demourance en lad. grant terre ; Et pour consideradon de ce, et aussi à la requeste et supplicacion de nostre très cbler et très amé frère le conte de Richemond, eussions aultresfoiz franchiz et exemptez en certaine forme et manere lesd. supplians demourans en lad. ysle, et de ce leur eussions donné noz lettres patantes % par vertu desquelles nosd. subgiz de lad. ysle, dempuixle dabte desd. lettres, se sont tenuz frans et quites..., jucquesàpuix nagueres que noz... gens de noz comptes se sont avanczésde charger lesd. supplians de vignt et troys feuz et deux tiers de feu, et ont chargé Guillaume Collet, receveur du fouage de xxiii s., un d. par feu, de respondre dud. numbre des feuz desusd. ; et led. G. Collet s^est avanczé de contraindre lesd. demourans en lad. ysle à en faire poiemant, et non obstant lesd. lettres desd. supplians apparues et exhibées en lad. chambre de noz comptes, lesquelx nosd. conseillers ont voulu dire non valables ; laquelle chosse, si ainsin estoit, seroit o très grant grieff, oppression et grevance desd. supplians, et ne pourroint y faire demourance s'ilz n^y avoint aucune liberté et franchisse aultres que ceulx qui demeurent en lad. grant terre, et leur convendroit grepir lad. ysle, nous requerans très humblemant leur estre sur ce pourveu de nostre grâce, piteux, gracieux et con« venable remède. Pour ce est il que nous..., à la requeste de nostred. frère le conte de Richemond, qui de ce nous a très affectuossemant requis et supplié..., octroions ausd. supplians... qu^ilz soint et demeurent frans... de touz fouages... durant la vie de nostred. frère seulemant... Et affin que ce soit chosse à perpétuel et valable à touzjours, nous avons donné et octroie esd. supplians noz présentes lettres, et à icelles fait mectre et apposer nostre seel en tesmoign de vérité. — Et voulons que ceste grâce dure de cy à seix anz prouchains venans seulemant, sauff nostre plesir en plus large. Donné comme dessus.
Ainsin signé, Par le duc, de sa main. — Par le duc, de son commandemant. — Cador. >
