LES CROISÉS QUITTENT CHYPRE (13 MAI

bien demi an d'errure, mais Eltheltay lor sires et li os des Tartarins n’estoit mie moult loins ; car il estoient en Perse que il avoient toute destruite et mise en la subjection des Tartarins. Bien disoient encore que li Tartarin estoient mout a la volenté le roy et de la crestienté.

V. Quantce vint a la quinsaine de la Chandeler, li message les Tartarins et li message le roy s’en alerent tout ensamble, ce est a savoir frere Andrieu de saint Jacque, et uns siens freres, et maistres Jehans Goderiche, et uns autres clers de Poissi, et Herbers li Sommeliers, et Gerbers de Sens. Et quant ce vintala mi quaresme, li roys oï nouveles d’eulz que il s’en aloient la baniere desploïe au maistre des Tartarins, parmi la terre des mescreans, et-que il avoient ce queil voloient par la doutance des messages au maistre des Tartarins.

VI. Aprés ces choses, li roys et toute s’estoire, que il esmoit bien a .ij.m. et .v.c. chevaliers, et .v. mil arbalestriers et grant plenté d’autre gent a pié et a cheval, entrerent es nez et monterent sus mer a Lymeçon et aus autres pors de Cypre, le jour de l’Ascencion qui adonques fu le tresieme jour de may, pour aler en la cité de Damiette, ou il n’avoit pas de Cypre plus de trois journees. Nous fumes sus mer vint et deus jours, et moult eumes de contraires et de travaus en la mer.

VII. Le vendredi aprés la Trinité, entor tierce, venismes devant Damiete et grant partie de nostre estoire avecques nous, mais ele n’i estoit mie toute d’assez. Et bien avoit trois lieues jusques a terre. Li

zdby GO( gle ae