ARRIVÉE DEVANT DAMIETTE (4 JUIN

roys fist l’estoire aancrer et manda tantost touz les barons qui la estoient. Il s’asamblerent tout dedens Monjoie, la nef le roy, et s’acorderent que il iroient prendre terre l’endemain bien matin et malgré lor anemis, se il lor osoient deffendre. Commandé fu que on apareillast toutes les galies et touz les menuz vaissiaus de l’istoire et que l’endemain bien matin y entraissent tout cil qui entrer y porroient. Bien fu dit que chascuns se confessast et appareillast et feist son testament, et atornast bien son affaire comme por morir, se il pleust a Nostre Seigneur Jhesucrist.

VIIL. Quantce vint lendemain bien matin, liroysoy le service Nostre Seigneur et tele messe que on fait en mer, et s'arma et commanda que tout s’armaissent et entraissent en petis vaissiaus. Li rois entra en une coche de Normendie, et nous et nostre compai- gnon avec lui et li legas ausi, si queil tenoit la vraie crois et seignoit les gens armees qui estoient entré des menuz vaissiaus por aler prendre terre. Li roys fist entrer en la barge de cantier monseigneur Jehan de Biaumont, Maïhieu de Marli et Gofroi de Sargines, -et fist metre le confanon monseigneur saint Denis avec euls. Cele barge aloit devant et tout li autre vaissel alerent aprés et suirent le confanon. La coche -ou li roys estoit, et li legas delez lui, qui tenoit la ‘sainte vraie crois, et nous, estions touzjourz alans -derrieres. :

IX. Quant nous aprochasmes de la rive a une arbalestree, mout grant plenté de Turs a pié et a cheval -et bien armé, qui estoient devant nous sus la rive, -traissent a nous mout espessement, et nous a euls. Et quant nous aprochasmes de terre, bien .ij. m.