LETTRE DE JEAN SARRASIN A NICOLAS ARRODE

I. À seigneur Nicolas Arrode Jehans Sarrazins, chambrelens le roy de France, salus et bonne amour.

Je vous fais a savoir que li roys et la royne, et li quens d’Artois, et li quens d'Anjou et sa femme, et je, sommes haitié dedens la cité de Damiete que Dieus, par son miracle, par sa misericorde et par sa pitié, rendi a la crestienté le dimenche de la quinsainne de Pentecouste.

IT. Aprés ce, je vous fais a savoir en quele maniere ce fu. Il avint, quant li roys et li os de la crestienté furent entrées nez a Aiguemorte, que nous feismes voile le jour de feste saint Augustin qui est en la fin d'aoust ; et arrivames en l’isle de Cipre quinze jours devant la feste saint Remi, c’est a savoir le jour de la feste saint Lambert. Li quens d’Angiers descendi a la cité de Lymecçon, et li roys et nous, qui avec lui estions en sa nef, que on apeloit la Monjoie, descendismes l’andemain bien main, et quens d’Artois entor tierce a ce port meismes. Nous fusmes en cele isle a mout pou de gent, et sejour-