AMBASSADE TARTARE (25 DÉC

nasmes iluec jusques a l’Ascention pour atendre l'estoire qui n’estoit mie venue.

III. Il avint que, au Noel devant, que li uns des grans princes des Tartarins que on apeloit Elteltay, et crestiens estoit, envoia au roy de France en Nycoisie, en Cypre, ses messages. Li roys envoia a ces messages frere Andrieu de l'ordre saint Jaque. Et li message, qui rien ne savoient cui on y deust envoier, le connurent ausi bien, et freres Andrieus eulz, con nous connoistriens li uns l’autre. Li roys fist venir ces messages devant lui, et parlerent assez en lor langages. Et freres Andriusdisoit le françois au roy, que li plus grans princes des Tartarins avoit esté crestiens le jour de la Thiphaigne et grant plenté de Tartarins avecques lui, meismement des plus grans seigneurs. Encore disoient ilque Etheltay,a tout sonost des T'artarins, seroit en l’aide au roy de France et de la crestienté encontre le caliphe de Baudas et encontre les Sarrazins. Car il entendroit a vengier les grans hontes et les grans damages que li Choramin et li autre Sarrazin avoient faites a Nostre Seigneur Jhesucrist eta la crestienté. Il disoient que leur sires mandoïit encore au roy que il passast en Egypte au nouviau temps, pour guerroier le soudant de Babiloine, et li T'artarin en ce point meisme enterroient pour guerroier en la terre le caliphe de Baudas; car en tel maniere ne porroient il aidier li un aus autres.

IV. Li roys de France ot conseil d’envoier ses messages avecques ceulz a Eltheltay, leur seigneur, et au souverain seigneur des Tartarins, que on apeloit Quioquan, pour savoir la verité de ces choses. Il disoient que, jusques la ou Quioquan manoit, avoit