DE CHARLES VIII, ROI DE FRANCE

( 28 janvier 148 .)

Ces huit lettres de cachet, adressées aux habitants de Tours par Charles Y1II, comprennent les cinq premières années de son règne. La première a pour but de prémunir les autorités de la ville de Tours contre les séductions du duc d'Orléans, qui, en haine d'Anne de Beaujeu, sœur et gouvernante du roi, s'était retiré à la cour de François II, duc de Bretagne, avec le comte de Duuois, fils du fameux bâtard d'Orléans.

La seconde lettre est adressée aux gens des estatz du baillaige de Tour aine , pour leur

1 Les archives ne possèdent qu'une copie collationnée de cette intéressante lettre.

enjoindre de hâter la levée de la compagnie de gens de pied promise par la ville de Tours.

Dans la troisième, le roi ordonne la mise en liberté de Pierre David, chapelain du comte de Dunois, accusé de trahison pour avoir été pris nanti de lettres de son maître adressées au sénéchal de Beaucaire et à divers autres capitaines ennemis du roi.

Les deux lettres suivantes réclament des armes de toute nature, dont l'armée royale est fort dépourvue. Le roi insiste surtout pour qu'on lui envoie de suite des armuriers et des brigandiniers , pour ce que en nostrc ville de Tours, il y en a, comme savez, bien largement.

Dans sa sixième lettre , Charles YIII annonce ses victoires sur le duc de Bretagne et la prise des villes de Coucy et de Ploermel. Enfin, dans la dernière, il donne avis de la paix qu'il a conclue, le 21 août 1488, avec le duc de Bretagne, après s'être rendu maître des villes de Fougères, de Dinan et de Saint- Malo.

De par le Roy.

Noz amez et féaulx, et vous chers et bien amez, depuis que dernièrement avons escript à plusieurs princes et seigneurs, bailliz, sénéchaux, officiers et habitans des villes de nostre royaume, touchant l'entreprinse que aucuns seigneurs et auctres nos subgectz, leurs adhérans et alliez ont volu et s'efforcent faire, à l' encontre de nous et de la chose publique de nostre royaume, nous avons sceu que nostre frère et cousin, le duc d'Orléans, a escript lettres en plusieurs des dictes villes et lieux de nostre dict royaume, ainsi que avons veu par le double d'aucunes d'icelles qui contiennent toutes choses controuvées, non véritables et, pour ce qu'il dit que nous ne sommes en nostre

liberté et que nous ne usons pas de nos droiz, vouloir et auctorité telz que devons , nous vous prions et néantmoins mandons très expressément que , en ensuivant ce que vous avons dernièrement escript, vous envoyez incontinent par devers nous aucuns d'entre vous pour leur monstrer et donner à congnoistre que de nos dicts liberté, vouloir et auctorité nous usons ainsi que voulons, desirons et nous appartient, et n'avons ne povons avoir nul empeschement en iceulx, sinon celui que le sieur de Dunoys et auctres qui sont à l'entour de nostre dict frère et cousin s'efforcent d'y mectre. Aussi, en continuant la grande et bonne loyaulté que tousjours avez eue et démonstrée envers feu nostre très cher seigneur et père, que Dieu absoille, vous le continuez envers nous, en vous monstrant tousjours bons et loyaulx à nous et à la couronne de

France , sans avoir l'ueil ne le regard à auctres fois, à nous seulement comme à vostre roy et souvrain seigneur et père. De la part de nostre dict frère et cousin et auctres quelz qu'ilz soient de la dite aliance, pour faire et exécuter leur mauvaise volunté et l'entreprinse qu'ilz font, en nostre très grant déplaisance et préjudice, vous est ou estoit ci-après escript ou aucune chose mandé, nous voulons et vous deffendons surtout que nous devez et estez tenuz obéyr et que craignez nous desplaire, que, soubz quelque couleur que ce soit, vous n'y adhérez ne adjoustez foy en aucune manière, par ce qu'ilz font et la couleur qu'ilz veullent prendre en leurs lettres n'est que pour parvenir à leurs fins et tendre à la totale destruction et subversion de nous, nostre dict royaume, de vous et nos autres bons et loyaulx subgectz et à la très grant foulle et de-

struction de nostre pouvre peuple; et, au surplus, quant, de la part de nostre dict frère et cousin, ses alliez et adherens , vous seront envoyez gens ou messagiers, par lettres ou auctrement, nous vous enjoignons et commandons que les porteurs et tous auctres sçaurez, congnoistrez et perceverez estre de la dite alliance , porter et semer telles parolles, vous prenez et arrestez prisonniers et les détenez seurement, ensemble leurs Liens, en nous advertissant de tout bien au long et à toute diligence, et toutes ces choses faictes signifier et savoir à toutes les autres villes, places, capiteneries , forteresses et lieux de vostre province, du pays d'environ et des fins et limites de vostre juridicion, en advertissant et admonestant les habitans d'iceux de nous estre bons et loyaulx, ainsi qu'ilz doivent et sont tenuz. Si gardez, comment que ce soit.

qu'il n'y ait point de faillie. Donné à Azilly-en-Gastine, le xxvnf jour de janvier.

CHARLES

Parent.

A nos amez etféaulx conseillers, l'arcevesque de Tours ou à ses vicaires, le bailly de Touraine ou son lieutenant, et à nos chers et bien amez les auctres gens d'églises, officiers, bourgeois , manans et habitans de nostre ville dudit Tours.

Collation faicte à l'original par nous ,

L AILLER , CaNETIER.